ممكن حد من المنصورة يفيدني؟؟؟؟؟؟

[abdelsameaa]

مركز بيونير فى المنصورة فى السكة الاديمة تلائى عندة انواع الكاست الى انت عيزة من غير متسافر ولا حاجة ___ احمد عبد السميع من المنصورة

[AMRSPEED]

الشابورى طبعا اللى فى قناه السويس قوله بس تبع عمرو اللى معاه الأسبيرانزا

[elshinawy80]

العراقى بجد من الاخر جامد موت احسن من الحرامى اللى اسمه هادى الفلاح

[aboezz44]

انا بتعامل مع واحد اسمه احمد الجزار
على فكره والله انسان فى منتهى الأحترام والأمانه
انا معايا نيسان صنى اشتريت من عنده الفوجات ب 250ج على الرغم انها موجوده عند هادى الفلاح والعراقى ب275ج
فيه فاميه نوعه حرارى طلبت منه انه يركبهولى دخل وجابلى الرول بتاع الفاميه كامل ومكتوب عليه انه حرارى وقالى: تقصد الفاميه ده ؟ قولتله ايوه
قالى: دا طلع نصبه كبيره مش بيعزل الحراره ولا حاجه قولتله ازاى تقول كده على البضاعه الى عندك قالى: دا الى موجود عند كل الناس وانا مش بركبه لحد علشان ملوش لزمه وعلشان ما اغشش الناس بس لو عايزنى اركبهولك انا ماعنديش مانع بس لازم تعرف ان مالوش لزمه
بصراحه اعجبت بأمانته ومن يومها وانا بعمل كل حاجه عنده
هوه موجود ورا محل هادى الفلاح
يعنى وانتا ماشى فى الشارع بتاع التلاجه بتلاقى هادى الفلاح فى وشك هوه فى اول الحودايه الى بعد ما تعدى هادى الفلاح وانتا رايح فى طريقك للمحطه بتلاقى فيه عصاره جامبها محل اكسسوارات هوه دا احمد الجزار .
والله المستعان

[alzelafy]

العراقى محترم جدا جدا بتعامل معاة من سنه 99 و امين جدا جدا و اسعارة جميله مقارنه بهادى الفلاح و غيرهم و بيقلك على الصح فى عربيتك