جنوط vossen

[A_H_M_A_D]

كنت عايز اجنط عربيتي وبدور على حد نضيف اجنط من عنده و بسعر معقول

لقيت واحد اسمه انزو قدام سيتي سنتر مدينة نصر عنده جنوط اسمها vossen , هي الماركة دي طلعت ماركة جامدة جدا و مرسيدس و فراري بيتعاملو معاها , بس انا شاكك ان اللي عنده vossen اصلي , واحتمال كبير تطلع مضروبة

فبفكر اجيب من اشرفكو على اساس انه اكتر واحد مضمون . رأيكم إيه , وهل فيه حد اتعامل مع Enzo Accessories قبل كده ؟

[svneleven]

الجنط الاصلي هتلاقيه معدي ال 10 الاف مستريح. طالما حدود 3 او 4 الاف يبقي تقليد المهم يكون تقليد نضيف.

[A_H_M_A_D]

ايوه فعلا طلع تقليد مش أصلي

لأن بعت استفسر من vossen عن الموزعين بتوعهم ففوجئت بيهم بيردوا عليا انهم ملهمش موزعين معتمدين في مصر و كمان مابيشتغلوش في جنوط اقل من 19 بوصة

يعني كل اللي في المحل عنده مضروب

[أحمد عثمان]

هات من عند أشرفكو مدينة نصر.
ناس محترمة جداً و تعاملهم محترم مع الناس و عندهم تشكيلة جامدة جداً.
أنا مركب أنا وواحد صحبي النوع الssw و الحقيقة ممتاز.
ربنا يوفقك.

[A_H_M_A_D]

شكرا لحضرتك ، حصل فعلا وانا ركبت من عند اشرفكو الحي السابع ، وفعلا اشتريت موديل من موديلات ssw التايلاندي ، والحمدلله طلع شكلهم حلو قوي على العربية وكمان زودوا الثبات بتاعها جامد على طرق السفر

[JapRuleZ]

الجنوط بنعرف انها تقليد حلو من الوزن
لأن الجنوط اللى وزنها خفيف غالبا بتكون خليط لدائن من الماغنسيوم و الالمونيوم و ده اقل كثافه من الحديد و اقوى منه
عشان كده غالى
يعنى لو حسبت الوزن كله حيبان
اقصر طريق هو استعمال جنوط الفابريكا السبور

[A_H_M_A_D]

الجنوط اللي انا اشتريتها ssw وزنها اقل بشكل واضح جدا من الجنوط الحديد اللي كانت في العربية ، انا نفسي استغربت من الفرق ومن غير ماوزن باينة جدا من الشيل

بالنسبة للجنوط السبور الاصلية سألت عليهم لقيت سعر فردة الجنط الواحده في التوكيل اغلى من الاربع فرد جنوط اللي انا اشتريتهم من اشرفكو

[JapRuleZ]

معاك حق الجنط الاصلى متجبوش غير من الحرفيين استيراد طبعا
مبروك عليك :)

[أحمد عثمان]

ألف مبروك.
و ربنا يسلم طريقك من المطبات و النقر.

[A_H_M_A_D]

معاك حق الجنط الاصلى متجبوش غير من الحرفيين استيراد طبعا
مبروك عليك :)

ألف مبروك.
و ربنا يسلم طريقك من المطبات و النقر.

الله يبارك فيكم , متشكر جداً

[yasser dyboo]

السلام عليكم اولا الف مبرووك علي الجنوط
ثانيا: ممكن اعرف الجنوط مقاس كام وسعره في حدود كام لاني عايز جنط 16 وبحسب الميزانيه

[A_H_M_A_D]

السلام عليكم اولا الف مبرووك علي الجنوط
ثانيا: ممكن اعرف الجنوط مقاس كام وسعره في حدود كام لاني عايز جنط 16 وبحسب الميزانيه

الله يبارك في حضرتك , الجنوط مقاس 15 بوصة وسعر الطقم 2300 جنيه , أنصحك تروح أي فرع لأشرفكو و تسأل هناك