هل الستائر دي عليها مخالفات مروريه

[ahmed ahmed]

سلام عليكم
كنت عايز اعرف هل الستائر الموجوده في الرابط دهhttp://www.nilemotors.net/Nile/284552-a-2.html
عليها مخالفه في المرور
وهل تنفع لاي عربيه
وهل بتساعد علي تخفيف الشمس
وهل بتأثر علي حاجه في العربيه عند تركيبها
لاني عندي فاميه خلفي فابريكة فقط المثبوت في الرخصه
رجاء الاهتمام
والاجابه كالعاده المفيدة من حضراتكم

[ahmed ahmed]

ممكن حد يرد عليا بعد اذن حضراتكم
كفايه الفاميه الخلفي عاملينلي عليه مشاكل
مع ان الرخصه مكتوب ومثبوت فيها
فاميه جانبي خلفي فابريكة

[akmm]

انا شفت شكلها في الرابط اللى حضرتك واضعه ............ هى بتنطوى وتتفرد زى ستائر الباب الجانبى والمسماه تجاريا ستائر مزيكا ... لانها بتنفرد وتنطوى زى الاوكورديون مجازا يعنى ....... ولااظن انها عليها مخالفات مروريه ولكن من باب الاحتياط ممكن تطويها لما تكون باليل او لما تكون الشمس مش مؤئره .... عموما انا مركب ستائر المزيكا على زجاج البابين الخلفيين من اكتر من 3 سنوات ومفيش مشاكل .

[رامي مصطفى]

ستائر اوكورديون
حضرتك كده كده زجاج فايميه خلفي فهتحطها امامي؟
طيب ركب عادي وافردها ساعة ما تكون الشمس مضايقاك وهيا كويسه بتكسر الشمس خالص ولو فيه كمين ضمها احتياطي صدقني لو سألت ضابط مرور مايقدرش يقولك مخالف ولا لأ لان اي ملصقات اواي حاجب للرؤيا مخالف ممكن حد يعديها علشان هيا خفيفه وبتتضم وشكل حضرتك محترم مش حاططها علشان حاجه مش كويسه
وممكن تاني قرفان من نفسو يوقفك ويديك مخالفه عليها
انما لو سألتني لو ضابط جيش او شرطه مسود(مش مفيم) لأ مسود الزجاج وشايل النمر او بيستهزأ وكاتب عليها
Number busy
ده مخالف ولا لأ اقدر اقسملك ان ده مش مخالف طبعا
وحسبي الله ونعم الوكيل

[akmm]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ عموما كتييييييييييييييير مركبينها ومفيش مشاكل ....

[رامي مصطفى]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ عموما كتييييييييييييييير مركبينها ومفيش مشاكل ....

مش قصدي اني اعارض كلام حضرتك العفو انا اسف
بس قصدي يخلي باله عموما لان الموضوع حاليا بالمزاج

[M.Elwan]

الستائر مخالفه وانا شخصيا دفعت ٤ مخالفات ستائر قبل كده كل واحده ٥٠ جنيه وبايصال
بس للامانه مش كل اللجان
في لجان كانت بتعدي وفي لجان بياخدو مخالفه
حسب مزاج اللجنه طبعا

[تامر راغب]

عندى صاحب كتير دفعوا مخالفات الستاير
ده حتى واحد منهم دفع لأنه مفيم السقف وهو بانوراما
وكله بالمزاج

[A_H_M_A_D]

والكلام ده ينطبق على الستاير الكبس كمان .؟ يعني هي كمان مخالفة

[Mahmoud Sheko]

الستائر الكبس طول ماهي لونها و درجتها مش معتمة مفيهاش مشاكل ، انا ٣ سنين مركبهم و بعدي في مل الكمائن عشان اللي هيرمي عينة هيشوف ايه جوا و عارفين انها ممكن تتفك فمحدش بيدق قوي عليها