إعـــــــلان

Collapse

.

,
See more
See less

لو عندك موبيل قديم مترميهوش --شغله كاميرا فيديو فالعربيه

Collapse
X
 
  • Filter
  • الوقت
  • Show
Clear All
new posts

  • لو عندك موبيل قديم مترميهوش --شغله كاميرا فيديو فالعربيه

    بقالى فتره بدور على كاميرا بتركب وتسجل الطريق قدام العربيه
    عندى فضول اصور الطريق بكل المخاطر الليبنعدى بيها- وممكن لو حصل حادثه اقدر اثبت خطء مين
    الفكره جاتلى من اليوتيوب- كنت بتفرج على فيديوهات حوادث الطرق
    اغلبهم متصور فروسيا
    وعرفت ان فى روسيا اغلب العربيات فيها كاميرات - بيستخدموها فى التعويضات وشركات التامين

    المهم لقتها علة سوق دوت كم بتتباع ب300 وتوصل ل1600 جنيه

    قلت اعمل سيرش يمكن يكون فى ابليكيشن بتعمل نفس الكلام دا
    وفعلا لقيتها

    Drive Cam Recorder

    البرنامج دا بيقدر يسجل فيديوهات مستمره ولما الميمورى تخلص يرجع يمسح ويسجل عليها
    بتقدر تحدد حجم الملفات كام دقيقه تصوير وتحدد جوده التسجيل
    تقدر تبين سرعه العربيه ومكانها عن طريق ال GPS
    بتقدر تسجل بصوت وممكن تلغيه

    الفرق بين الموبايل وكاميرات العربيه ان كاميرا العربيه فيها G sensor - لما بتكون العربيه مطفيه - الكاميرا بتطفى- اول مالعربيه تتهز او تتخبط- السينسور بيحس بدا ويشغل الكاميرا ويسجل علطول لمده 30 ثانيه - فممكن يساعدك تعرف مين اللى خبط العربيه


    فقررت اجيب موبايل قديم عندى مركون- هجبله كارت ميمورى 16 جيجا ووصله شاحن ولاعه
    وحامل واجرب اسجل المهم الموبايل ميتسرقش


    ايه رائكم؟

  • #2
    المخاطرة هتبقى كدا فى الكهربا لا قدر الله يحصل ماس من شاحن الموبيل

    Comment


    • #3
      فكره رائعه والله ربنا يباركلك
      ووافينا بالاخبار
      ممكن تثبتها وراء المرايه اللي في النص فوق هتكون متداريه شويه وهتكون كاشفه الطريق افضل

      Comment


      • #4
        اهم حاجة التنفيذ ولو فى خطا
        ممكن اى حد خبير بالالكترونيات يكملك
        وعلى فكرة ممكن تستخدم سنسور ركن السيارات وده عامل 90 جنيه
        واى طلبات انت ممكن تكملها من مول النخيلى بباب اللوق فى تصنيع اى بوردة فى الدنيا واى قطع غيار بس غالى شوية

        Comment


        • #5
          فكره جميله ولعلمك فى روسيا الكاميرا من اساسيات السياره عند الترخيص وممنوع اى سياره تمشى بدون كاميرا داخليه واتمنى ان فكرتك تنفز وياريت شويه صور مع موضوع اثناء التركيب لتعم الفائدة لباقى الزملاء

          Comment


          • #6
            الكاميرا في روسيا فعلا عامله شغل حلو وبيحملوها على اليوتيوب المهم يامعلم تخبي الموبايل جوه علبة مناديل مثلا علشان السرقه
            (( ومن يتق الله يجعل له مخرجا ويرزقه من حيث لا يحتسب ))

            Comment


            • #7
              المخاطرة هتبقى كدا فى الكهربا لا قدر الله يحصل ماس

              Comment


              • #8
                البرنامج لا يعمل على موبايلات الاندرويد القديمة محتاج جهاز حديث نسبيا
                [SIGPIC]http://www.nilemotors.net/Nile/signaturepics/sigpic82537_6.gif[/SIGPIC]

                [URL="http://www.nilemotors.net/Nile/248610-o-oo-oo-o.html"][SIZE=4][COLOR=RoyalBlue][COLOR=Magenta]◄O*oo[/COLOR] غرائب [COLOR=Red]&[/COLOR] وعجائب مدهشة فى عــــــــ [COLOR=Blue]الســيارات[/COLOR] ــــــــــــــــــالــــم[COLOR=Magenta] oo*O►[/COLOR][/COLOR][/SIZE][/URL]

                Comment


                • #9
                  المشاركة الأصلية كتبت بواسطة رامي مصطفى مشاهدة المشاركة
                  فكره رائعه والله ربنا يباركلك
                  ووافينا بالاخبار
                  ممكن تثبتها وراء المرايه اللي في النص فوق هتكون متداريه شويه وهتكون كاشفه الطريق افضل
                  شكرا
                  انا فعلا جربتها امبارح بليل ودى الملاحظات:
                  1. ثبت الموبيل ب2 استك فالمرايه اللى فالنص- موصلتش شاحن- حاجه كدا سريعه وقدت الغرض
                  2- التصوير على دقه 480 بيكسل (كان فى 720- و1080)
                  3- الدقيقه الواحده بتستخدم 25 ميجا بيتس
                  4-الروئيه الليليه معقوله محتاج تشغل النور المتوسط عشان يكشف الطريق وقت التسجيل- تقدر تميز الاشخاص بوضوح
                  5- التسجيل بالدقه دى حلو جدا- نمر العربيات واضحه لما تكون العربيات ماشيه ببطىء- لكن لما بتكون بتجرى مبتبقاش واضحه
                  6-احسن مساحه للملفات هى انه يسجل بالدقيقه- يعنى كل دقيقه تسجيل بتنزل على ملف لوحده
                  7- التسجيل الصبح واضح جدا- احسن من الليل
                  8- لغيت الصوت وقت التصوير عشان لوحصل واتشتمت :)
                  المشاكل:
                  واجهتنى مشكله ان الموبيل بيهنج (مش عارف دا عيب الموبيل ولا الابليكيشن)
                  زاويه التسجيل صغيره- بالمقارنه بكاميرات التسجيل بتاعت العربيات بتسجل بزاويه 140 ل170 درجه
                  طبعا الموبيل واضح وهو متركب- مش هسيبه فالعربيه- هسيبه راكب طول منا فالعربيه
                  كارت الميمورى 2 جيجا- شكلة هحتاج اغبره بكارت 64 جيجا عشان يسجل 20 ساعه مثلا متواصل

                  لو حصل ماس فيوز الولاعه هيتحرق فمفيش مشكله

                  فالنهايه:
                  تجربه حلوه انك تسجل طريقك وتسجل العربيات اللى من غير نمر وهى بتغرز وعربيات النقل اللى بتمشى على الشمال بسرعه النمله والمشاه اللى بيعدو على الدائرى والفضايح اللى فالشارع المصرى
                  يمكن التسجيل دا يساعد الواحد انه يوصل لحلول لمشاكل المرور
                  اعتقد الكاميرات المتخصصه فالمجال دا هتيقى احسن من الموبيل القديم (انا موبيلى قديم وبيهنج)

                  Comment


                  • #10
                    المخاطر
                    - السرقة
                    - مشاكل الكهرباء من ماس لتفضية بطارية العربية
                    - لكن اهم حاجة فيها مخاطرة هى تعرض الموبايل للأنفجار لان بطاريته لها درجات حرارة لا يجب تجاوزها وان الهاردوير الداخلى ايضاً من بروسيسور وخلافه لن يعمل فى ظل درجات الحرارة التى سيتعرض لها باستمرار
                    [CENTER][FONT=Comic Sans MS][COLOR=gray][B][SIZE=6][I]وَمَا رَبُّكَ [COLOR=darkorange]بِظَلَّامٍ لِّلْعَبِيدِ[/COLOR][/I][/SIZE][/B][/COLOR][/FONT][/CENTER]
                    [CENTER][COLOR=gray][B][SIZE=4][I]All The Power On Earth [COLOR=darkorange]Can't Change Destiny[/COLOR][/I][/SIZE][/B][/COLOR][/CENTER]
                    [CENTER][SIZE=5][B][COLOR=DarkOrange]アフマド[/COLOR] [COLOR=DimGray]アミン[/COLOR][/B][/SIZE]
                    [/CENTER]

                    Comment


                    • #11
                      AutoBoy BlackBox

                      قريت الريفيوز بتاعت اللى اشتروا الكاميرات المراقبه من على سوق دوت كم
                      لقيت كلهم بيشتكوا من جوده الصوره فى الشاشه وفى منهم الشاشه باظت بعد يومين

                      حطيت الموضوع فى دماغى وهكمل بفكره الموبيل
                      بعد تجربه كذا برنامج بينزل على الموبايلات الاندريد

                      انسب برنامج هو AutoBoy BlackBox
                      احسن من اللى كتبته فى اول مشاركه
                      ومش بيهنج الموبيل
                      وزياده عليه ممكن تظبته يصور صور اوتوماتيك كل 5 ثوانى لحد 10 دقائق

                      كدا المبوبيل عامل زى كاميره مراقبه او تجسس :)
                      جربوه وقلولى رائيكم
                      وشكرا

                      Comment


                      • #12
                        بس برضه لسه زاويه التصوير ضيقه بسبب العدسه

                        Comment


                        • #13
                          للعلم:
                          اجهزة كاميرات تسجيل الطريق ممنوعة فى مصر وعليها مخالفة.
                          مع انها حاجة مفيدة لو اتقننت وبقت رسمي ومن متطلبات الترخيص.

                          Comment


                          • #14
                            المشاركة الأصلية كتبت بواسطة dr_haitham79 مشاهدة المشاركة
                            للعلم:
                            اجهزة كاميرات تسجيل الطريق ممنوعة فى مصر وعليها مخالفة.
                            مع انها حاجة مفيدة لو اتقننت وبقت رسمي ومن متطلبات الترخيص.
                            ممنوعه ازاي... فيه نص في قانون المرور بيحظرها؟
                            [SIGPIC]http://www.nilemotors.net/Nile/signaturepics/sigpic82537_6.gif[/SIGPIC]

                            [URL="http://www.nilemotors.net/Nile/248610-o-oo-oo-o.html"][SIZE=4][COLOR=RoyalBlue][COLOR=Magenta]◄O*oo[/COLOR] غرائب [COLOR=Red]&[/COLOR] وعجائب مدهشة فى عــــــــ [COLOR=Blue]الســيارات[/COLOR] ــــــــــــــــــالــــم[COLOR=Magenta] oo*O►[/COLOR][/COLOR][/SIZE][/URL]

                            Comment


                            • #15
                              المشاركة الأصلية كتبت بواسطة michohat مشاهدة المشاركة
                              بس برضه لسه زاويه التصوير ضيقه بسبب العدسه
                              فعلا, الزاويه صغيره لكن نص العما ولا العما كله

                              انا بقالى يومين بسجل- فكره حلوه بجد
                              جبت كارت 32 جيجا. كنت بسجل على دقه 420. نمر العربيات مش واضحه قوى فهغير واسجل على دقه 720

                              ياريت ياجماعه تجربوه وتقلولى ايه انطباعاتكم
                              البرنامج اسمه AutoBoy BlackBox
                              علامته مربع اصفر وفيه حرف A بالاسود

                              Comment

                              Working...
                              X