غطا العربيا . مجنننىىىىىىىىىىىىىىىىىى . اعمل ايه .

[yts007007]

انا عتدى لانسر 2007 . عندى غطا مش water proof الغطا العادى القطن دا ولا معرفش خامته ايه . المهم انا بركن فى اول الشارع عندنا يعنى فى وش الهوا . الغطا عندى له خيط بس من ضهر العربيا بس مش من ضهرها ووشها . المشكلة بقى ايه :) ان تقريباً معظم الوقت الغطا مش على العربيا الحقيقة. مرا عند البقال ومرا عند الصيدلية . الغطا بيطير من على العربيا :@:@ . وعملت كل حاجة . ركنت بوشى قلت يا واد خلى ال AERODYNAMICS تشتغل علشان الهوا لما يجى فى وش اعربا يثبته . وحياتكوا مكملش 12 ساعة ولقيت البقال بيقى عليك وعلى ال ايروبتنجان .
هل الحل اجيب غطا تانى . وهوا الغطا بيتباع فى محلات الاكسسوارات ولا فين . ولا مثلاً حد عنده فكيره ازاى اكلبش الغطا فى العربية .

[HeMa_LanCeR]

اعمل زيي
بفتح الباب واحط الغطا جواه حته صغير في الباب اللي قدام من كل نحيه
ولزياده الثبات عدي الغطاء من ورا فرده الكاوتش
يعني خلي الكاوتش باين وبكده انسي انه يطير

[yts007007]

اعمل زيي
بفتح الباب واحط الغطا جواه حته صغير في الباب اللي قدام من كل نحيه
ولزياده الثبات عدي الغطاء من ورا فرده الكاوتش
يعني خلي الكاوتش باين وبكده انسي انه يطير

اخلى ال 4 كوتشات باينين ولا اللى ورا بس .

[HeMa_LanCeR]

اخلى ال 4 كوتشات باينين ولا اللى ورا بس .

خلي ال 4 علشان مايفكرش انه يتحرك
بس ماتنساش تعمل حركه الباب هي المهمه في الموضوع ده

[lancerevolution]

ممكن تحط الغطا فى الباب بس حط جوا الحتة الى فى الباب زلطة صغيرة من الشارع كدا ميطلعش أبدا

[أبو كنوز]

خلي في حجره تقيله شويه محطوطه أمام العربيه و خلي في حبل نازل من
الغطا دايما حطه تحت الحجره و أعمل زي ما الأخوه قالولك كمان.

[yts007007]

ياجدعان معلش انا مش فاهم انتوا قصدكم ايه بالزبت . اولاً احطه جوا الباب ازاى . احطه فين فى الباب يعنى بالزبت من فوق ولامن تحت ولا م نالجمب وايه موضوع الزلطة اللى احطها جوا الباب دى . وطوبة ايه اللى احطها قدام العربيا دى . دى علشان الحسد ولا ايه . انا بدات احس ان الغطا دا اسرائيلى :)

[Ahmed Samy]

بص

انت تحط تغطي العربية

و تحط حجر كبير على السقف ...و انسى بقى

انسى كل حاجه
هههههههههه

شوف يا سيدي

انت تغطي العربية عادي
و بعدين تيجي على باب السواق و تفتحه من فوق الغطا و تجيب حجر صغير و تحطه على الغطا من برا و تدفع الحجر (بالغطا) جوه حلق الباب و تزق الباب تقفله
كده هايكون الحجر و جزء من الغطا جوا الباب و مقفول عليهم

و بس

[أبو كنوز]

ياجدعان معلش انا مش فاهم انتوا قصدكم ايه بالزبت . اولاً احطه جوا الباب ازاى . احطه فين فى الباب يعنى بالزبت من فوق ولامن تحت ولا م نالجمب وايه موضوع الزلطة اللى احطها جوا الباب دى . وطوبة ايه اللى احطها قدام العربيا دى . دى علشان الحسد ولا ايه . انا بدات احس ان الغطا دا اسرائيلى :)

يا باشا أصل أنا حسيت إن العربيه بتركن في القطب الشمالي عشان كده ملئتش غير الطريقه دي و بعدين إسرائيل إيه أنا بقولك حط حجر أدمها علي الأرض مش أحدفها بالطوب و أخر إقتراح لحضرتك دور علي جراج جانبك

[yts007007]

يا باشا أصل أنا حسيت إن العربيه بتركن في القطب الشمالي عشان كده ملئتش غير الطريقه دي و بعدين إسرائيل إيه أنا بقولك حط حجر أدمها علي الأرض مش أحدفها بالطوب و أخر إقتراح لحضرتك دور علي جراج جانبك

ياباشا الللى حصل اليومين اللى فاتوا دوول حسسنى ان مصر بقت مدينة فى محافظة القطب الشمالى :) .
المهم معلش سوال اخير حركة الباب دى اعملها فى باب واحد . ولا اكتر من باب . شكراً

[أبو كنوز]

ياباشا الللى حصل اليومين اللى فاتوا دوول حسسنى ان مصر بقت مدينة فى محافظة القطب الشمالى :) .
المهم معلش سوال اخير حركة الباب دى اعملها فى باب واحد . ولا اكتر من باب . شكراً

لا المفروض علي الأقل في البابين الاماميين بس حط الغطه من ورا ال ٤ عجلات كمان و سمي و إنت بتغطي

[medomada]

أنا شايف إن أنسب حل يريحك و يريح البقال إنك تحت الغطا حوه شنطه العربيه و تقفلها كويس . كده أضمنلك إن الغطا حيفضل فى مكانه.

[جمال]

أنا شايف إن أنسب حل يريحك و يريح البقال إنك تحت الغطا حوه شنطه العربيه و تقفلها كويس . كده أضمنلك إن الغطا حيفضل فى مكانه.

حلوة و ملعوبة
الصراحة حل مناسب جدا للموضوع!!

[amr5500]

انا باحشر الغطا في الاربع عجلات والنتيجه ممتازة وبيكون ثابت جدا ومافيش اي مشاكل عن تجربه

[hano_elmorsy]

بص ياسيدى انته تاخد الغطاء وعلى اقرب ترزى وقوله يعملك (دكه )
يعنى يتنى حته من الطرف دايرن داير ويدكك فيها حبل غسيل
( زى الحبل بتاع بنطلون الترنج كدا )
ويطلع طرفين الحبل من الخلف
وبعد ماتغطى بيه تقوم شادد الحبل وربطه وانسى
وابقى ادعيلى