اريد فتح محل للكماليات فى الاسماعيلية

[loudasoft]

السادة الاعضاء انا عايز افتح محل كماليات يكون مميز وليه خبره كويسة لاكن لا اعرف من اين ابدء واسماء شركات ومحلات الجمله
وانواع البضاعة المفروض ان تكون متوفرة وتحقق ربح كويس
الرجاء الدخول وابداء رائيك وكل اللى هيدخل ويقول رائيه ومساعدته هيكون لى خصم مميز جدا بعد الافتتاح

[belal rashed]

فكره رائعه أنا برضه بفكر فى نفس المشوار ده بس مش عارف أبدأ منين.

[magyver]

التوفيقية مليااانة تجاار جملة

[anelkar]

هيا فكره كويسه فعلا
انزل التوفيقيه وهناك التجار كلهم بس عشان تجيب اسعار حلوه لازم تاخد من كل صنف كميه 5 قطع علي الاقل من كل صنف
وتاني حاجه انك في اسماعيليه يعني لازم تجيب كميات عشان مش هتنزل السوق كل يوم
والمشكله الي هتقابلك مشكله وهيا فرق السعر عشان المشوار هيكون بعيد عليك يعني حاول تظبط المكسب بتاعك
وكمان مدام محل كماليات يبقي لازم يكون عندك صنايعي بيركب الفاميه
وصعب لما تلاقي تاجر يوصلك البضاعه اسماعيليه
وبخصوص البضاعه ديه هتكون علي ذوقك وعلي حسب الزباين الي عايز تتعامل معاهم شباب او اجره او ميكروباصات
وكمان كل يوم بتنزل بضاعه جديده لازم تكون عندك و لازم تتابع فرق السعر عشان البضاعه مالهاش سعر معين يعني كل رساله بتيجي بسعر معين والمستورد هوا الي بيتحكم
من الاخر تجاره متعبه شويه بس لازم تحبها
ولازم يكون ليك تاثير علي دماغ الزبون وتحاول تخليه يقتنع بالحاجه اليي هيشتريها
وكمان في حاجات كتير بتكون بايظه والتاجر مش بيرده يرجعها يعني لازم تعمل حسابك من الاول
بقولك كده عن خبره في هذا المجال ولو فيه اي اسئله تانيه انا في الخدمه وتحت امرك

[loudasoft]

جزاكم الله خير
واشكر اخى magyver والآخ anelcar

على المعلومات القيمة والمقلقة فى نفس الوقت على ان التجار لا يرجعون البضاعة الفاسدة
طيب بواقع خبراتكم ممكن حد يرشحلى اسم محل او تاجر كبير أتعامل معاه بحيث يكون كويس وعنده ضمير لآنى احتاج حد يقف جانبى وانا فى بدايه الطريق ولا يتاجر عليه وانا فى بدايه الطريق

[anelkar]

التجار هناك كتير وكلهم معامله واحده عادي كانك بتشتري من سوبر ماركت مره والتانيه هيبتدي يعرفك وهيعمل معاك احلي واجب بعد كده
بس اوعي تشتري من علي الرصيف عشان دول بيبيعوا قطاعي مش جمله
يعني اسعارهم غاليه شويه

[احمدعبدالعزيز]

فكره كويسه ومشروع ممتاز ربنا يوفقك ولاتنسنى صلاة الاستخاره ....




.

[loudasoft]

جزاكم الله خيرا
والف شكر على هذا التواصل جعله الله فى ميزان حسناتكم ولو ممكن ايميل الاخANELCAR لاضيفه على الماسينجر للتواصل اكون شاكر وهذا ايميلى
khaledanour@yahoo.com

[tmz9111]

مشروع ممتاز ربنا يوفقك

[crazylambada]

خلي بالك الاسماعيلية جنب بورسعيد
لازم تفكر في الموضوع ده في مشروعك

[max_ziro]

يا عم انا من اسماعليلية وايدى على كتفك وولله هدرس الموضوع لو ممكن ادخل شريك معاك بس المهم المكان و الحاجة يعنى متبقاش غالى زى كذا و كذا الى ف الطريق السريع ولا بتتنك زى بتوع شبين ولا معفن و تستحقر المكان زى المحطة الجديدة و العشرينى انت عارف طبعا كل المحلات دى ف لازم ساعت متفتح تربى الزبون و اسعار جميلة وبضاعة متجددة و انا معاك دة طبعا ميمنعش وجود شوية حجات من الغالية الى تبهر و طبعا الاسماعلوية غلبانين ممكن تضحك عليهم ب الكلام و تحسسهم انك المهندس الخبير بتاع الكمليات ههههههههه
الصلى من مدينة نصر اصلا م اعد فى الاسماعيلية مجبر هفف ...
ربنا معاك و يا ريت ترد على ..

[Mahmoud_405]

طبعا الاسماعلوية غلبانين ممكن تضحك عليهم ب الكلام و تحسسهم انك المهندس الخبير بتاع الكمليات ههههههههه

مش عارف ليه الناس كلها فاكره نفسها عارفين كل حاجه واذكيا وممكن تضحك علي اي حد... ده اول طريق الفشل

اولا حتي لو ممكن تضصحك علي الناس واتفهم ان خبير كماليات والبطاعه الي عندك مفيش احسن منها ربنا مش حيوفقك في التجاره

ثانيا
انا من الاسماعيليه والعربيات عددها كتر عن الاول وماركات احدث ومعظمها لانسر وهيونداي وتويوتا والشباب وعيها زاد وثقافه الناس اتغيرت عن الاول وعارفين هما عايزين ايه والفرق بين الاصلي والتقليد والماركت المحترمه سواء في ال الكاست او ال لي ام او السماعات او كماليات اخري بتركب وده نتيجه انتشار الكماليات دي والنت وغيره

ثالثا
متوسك الاسعار معروف من القاهره لبورسعيد لاسماعيليه وطبعا اغلاهم الاسماعيليه لقله محلات الكماليات وتنوعها وعدم وجود فنين تركيب بمهاره يعني مثلا في واحد كل مابيركب جهاز انزار في الانسر تنور لمبه الايرباج علشات لعب في الضفيره بتاعت العربيه وهو مش فاهم والحكايه دي اتكررت مع اكتر من واحد ومن نفس المكن

طيب وعلشان تفتح محل تنجح
المكان في الاسماعيليه مش مهم لان لو اتشهرت الناس حتجيلك من اي حته لان ابعد مكانين في المدينه تقريبا ربع ساعه
الاسعار لازم تكون ارخص خصوصا من القسيم وده تقريبا اشهر وارخص محل كماليات في الاسماعيليه ومع انه في المحطه الجديده شوف الزحمه عليه قد ايه والناس بتجيلوا من كل حته
وكمان لازم تشغل ناس تعرف تركب البضاعه الي حتجبها يافرحتي لما تجيب كماليات جامده واسعار رخيصه ومحدش يعرف يركبها ويبوظوا عربيات الزبيان الي تقربيا حتكون معظمها عربيات نضيفه
وربنا معالك ويوفقك في مشروعك

[max_ziro]

[QUOTE=Mahmoud_Peugeot;582826]مش عارف ليه الناس كلها فاكره نفسها عارفين كل حاجه واذكيا وممكن تضحك علي اي حد... ده اول طريق الفشل

يا استاذ اانا مقولتش اهل اسماعيلية هبل مثلا انا مش عارف انت اضايقت كدة لية هم فعلا اناس طيبين معندهمش خبرة ولا طيبين والحمد لله انا مش بقول كدة من فراغ انا بقول كدة من تجربة الواقع الى شايفة يا معلم المهم بجدد عرضى للشراكة يا ريت ترد على ..

[afkw]

السلام عليكم ورحمة الله وبركاته ،،
اذا حضرتك عايز بضاعة أو عايز تكون الموزع الحصري كمان ... انا عندي شركة خاصة للاستيراد والتصدير .. ومن الممكن في حالة أي طلب أو بضاعة سوف أقوم بجلبها لك من الخليج -درجة اولى بأفضل الاسعار (جملة) .