ايه رايكم في الجهاز ده

[hanyelwaly2010]

في جهاز بيتباع في سبينيس ألي بيشغل اغاني علي راديو العربيه و ماركتوpromate و ده معاه ريموت بيتركب في الدركسيون و بيركبلو فلاش و كارت ميموري و سعره 190 جنيه مشعارف اذا كان صوته قوي و لا لا انا كنت عايز اعرف لو حد اشتراه و عاجبه يقولي
و هل ماركته نضيفه عشان انا مابحبيش الحاجات الصيني التعبانه ام 30 جنيه

[mostafabakry]

انا معايا منه واحد بس نوعه سيتي ساوند و اشتريته ب 130 جنية من حوالي 6 شهور و شغال 100% و كمان فيه ذاكرة دخلية 1 جيجا + انك تركب فلاش او ميموري كارد

[sherif Anton]

190 جنيه ده سعر غالي اوي ... انزل باب اللوق هتلاقي محلات كتيير جنب محلات الدش بتبيع الحاجات دي وسعره مش هيزيد عن 90 جنيه ... وعموما كل الانواع زي بعض بس اتأكد ان النوع اللي هاتجيبه لما يتفصل عنه power ويرجع تاني يبقى واقف عند نفس الاغنيه وميرجعش من الاول

[wesam_salom]

موجود وسعره 70 جنيه فقط

بس هو فيه مشكله

صوته قوى لكن مش نقى

يعنى نقاء ضعيف
مش هتحس فيه بصوت السى دى
بس هو حل سريع وغير مكلف
ومن ناحيه الشغل ممتاز يعنى بيعيش كتير ومش هتدفع غير تمنه
يعنى ولا هتشترى شريط كاسيت ولا اسطوانه
انا عن نفسى عندى واحد
بس علشان انا بحب كل يوم اغير الاغانى ومزاجى غريب شويه
يعنى يوم عمرو دياب القديم
ويوم هانى شاكر
ويومين سيد مكاوى

فمش هينفع معايا موضوع الشرايط ولا السى دى

ومبيفرقش معايا الصوت اوى

[sasatony]

بص انا معايا واحد ب75جنيه بالضمان 3شهور جبته من الهرم
المهم الجهاز حلو وشغال تمام وحاططله كارت واحد جيجا الميكرو الصغير وزي الفل بس صوته مش نقي بس شغال حلو ولذيذ يعني

[hanyelwaly2010]

انا اشتريته خلاص صوته كويس و بيدعم الفولدرات و ممكن تعمل راندوم كمان و الريموت بيتسبت في الدريكسيون و شكله جامد جداا
و شكراا لتعاونكم معي
بس علي فكره الانواع ألي اقل من 80 جنيه صيني و صوتها وحش اوي لو ركيبته علي سماعات نضيفه
من الاخر انضف حاجه infinity , promate و الانواع ألي عند راديو شاك

[ZAKI32]

انا اشتريته خلاص صوته كويس و بيدعم الفولدرات و ممكن تعمل راندوم كمان و الريموت بيتسبت في الدريكسيون و شكله جامد جداا
و شكراا لتعاونكم معي
بس علي فكره الانواع ألي اقل من 80 جنيه صيني و صوتها وحش اوي لو ركيبته علي سماعات نضيفه
من الاخر انضف حاجه infinity , promate و الانواع ألي عند راديو شاك

لو سمحت ياباشا اللى بيدعم فولدرات دة بكام وجايبه منين

[hanyelwaly2010]

معلش اتاخرت في الرد انا اشتريته من سبينس سيتي ستارز ب 190 و صوته معقول