عاوز الكار كير وفرش وزايا .. الله .. يبارك فيكم ساعدوني

[uioprty]

يا اخواني الافاضل

عاوز مساعدة اتحملو اسئلتي

الله يبارك فيكم

عاوز مكان اعمل فية الكار كير Car Care فوق الممتاز
وكمان تلميع العربية بلوش او غيرة ؟؟؟؟

ويكون حد منكم جرب تنظيفه وياريت يقول لي علي الكلفة بالضبط علشان اعمل حسابي



وياريت ايضا مكان اغير فية فرش العربية وكلفة تركيب الفرش

ومكان ضبط زوايا وكلفتها

معلش اصل انا جديد وخاااااااام
جزاكم الله الف خير

واسف لكثر الاسئلة
وكل الحب والتقدير والشكر لكل من ساعدني

[Ahmed Selim]

لو مصر الجديدة او مدينة نصر مش بعيد عليك

روح لبنزينة موبيل اللى فى الدائرى بتاع شيراتون عشان الكار كير ( 200 جم كل العربية )

والزوايا روح بريدجستون عباس العقاد أو العبور ( 20 جم لو مفيش مشاكل كبيرة فى الزوايا......يعنى لو مش محتاجة زرجينة.....لو محتاجة بتبقى الزرجينة الواحدة فى حدود من 30 الى 50 جم لو أنا فاكر صح )

الفرش مش هقدر أفيدك فيه بصراحة.

[woof]

انا مغير فرش العربية عملته جلد والارضية كمان كان تقريبا متكلف 550 جنيه بكل حاجة حتى بالخيط بس الكلام ده في المنصورة مش عارف سيادتك منين وممكن يكون عندك ذينا ولا لا

[verysad]

ياريت حد يقولنا مكان الكار كير فين فى المنصورة وهل حد جربها ولا لأ

[Islam Amer]

=== لا تنسي ذكر الله ===

بص حضرتك انا مشترك في car care بنزينه موبيل ال في مصر الجديده امام محكمه مصر الجديده وفيها مميزات كتير
مثل :
انك ممكن تعمل كارت عضويه شامل كرتين
الاول الخاص بغسيل العربيه من الخارج بالمكنه 12 مره مجانا في فتره سنه والكارت الثاني خصم 40% علي اي حاجه عايز تعملها في العربيه كمثال تنظيف الفرش او ظبط الزوايا او تغير زيت او معطر في السياره (المعطر بيعض في العربيه لمده شهر وعن تجربه ) او تلميع الجنوط او بولش بجد في حاجات كتير اوي والمفيد في الكارت ان ممكن اي حد يستفيد بي مش يعني خاص بك يعني ممكن صاحبك يستخدموا الكارت ويستفدوا بالخصم
وتمن الكارت 100 ج فقط وصالح لمده سنه
وكمان عاملين هدايا يعني كل متروح اكتر تاخد جوايز مثل طقم دواسات وفي حاجات كتير

اسف علي الاطاله

[verysad]

بص حضرتك انا مشترك في car care بنزينه موبيل ال في مصر الجديده امام محكمه مصر الجديده وفيها مميزات كتير
مثل :
انك ممكن تعمل كارت عضويه شامل كرتين
الاول الخاص بغسيل العربيه من الخارج بالمكنه 12 مره مجانا في فتره سنه والكارت الثاني خصم 40% علي اي حاجه عايز تعملها في العربيه كمثال تنظيف الفرش او ظبط الزوايا او تغير زيت او معطر في السياره (المعطر بيعض في العربيه لمده شهر وعن تجربه ) او تلميع الجنوط او بولش بجد في حاجات كتير اوي والمفيد في الكارت ان ممكن اي حد يستفيد بي مش يعني خاص بك يعني ممكن صاحبك يستخدموا الكارت ويستفدوا بالخصم
وتمن الكارت 100 ج فقط وصالح لمده سنه
وكمان عاملين هدايا يعني كل متروح اكتر تاخد جوايز مثل طقم دواسات وفي حاجات كتير

اسف علي الاطاله

بصراحة حاجة فوق الممتازة ياريت يكون عندنا فى المنصورة النظام ده .