جنوط 15 من بورسعيد

[hemeds82]

ظلمتوني يارجالة

أنا فعلا لفيت على أكتر من واحد...والتجار(زي أي تجار في مصر)لما يعرف إنك غريب..يعني مش هتبقا زبونه
بيغلي عليك الضعف ..ضعفين ..تلاتة
وأنا قولت بدون إسأة لأهالي بورسعيد الكرام

بس زي ماشريف قال...التجار بيعملوا كده

طيب هضحككوا
لما الصبيان فكوا الأبواب ..وحطوهم على العربية إلي كنت واخدها معايا
الواد الصبي عاوز الدخان بتاعه
تخيلوا كان عاوز دخان كام؟؟؟؟؟

أنا جايب الابواب الاربعة بــ1800
والواد الصبي عاوز دخان 100 جنيه على الباب الواحد
هههههههههههههههههههههههههههههههههههههههههههههههههه هههه

ولا يهمك يا باشا معلش اعذرني بس الكلمة اللي اتقالت ضايقتني جدا والله وعلي العموم لما تيجي بورعيد ابقي قولي علي مكان اجيبلك منة دخااااان رخيص

[SmartMega]

يا جماعة انا مش بكره أشخاص ...... انا بكره ثقافة وأسلوب معامله
انما انا مش بكره حد بذاته
لا حول ولا قوه إلا بالله
لو حد فهم من كلامي اني بكره المنتدي والناس اللي فيه يبقي فهم غلط

[organic_magic]

يا سبحان الله
يا استاذ ميجا هو حضرتك بتناقض نفسك ليه

يعني قلت انك بتكره شعب مصر
وبعدين راجع تقول بحب المنتدى وبحبترم اعضاؤه
طيب هو حضرتك المنتدى ده ايه بالظبط يعني مش مصري ؟؟
والناس اللي بتحترمهمهم زي ما حضرتك بتقول منين يعني من الكونغو الديمقراطيه مثلا
و عموم الله يسامحك ويديك على قد نيتك

خلاص ياكبير حصل خير و المسامح كريم

[SmartMega]

أعضاء المنتدي الكرام
أنا لاحظت هنا في المنتدي ده من ساعة ما أشتركت فيه ان الناس هنا بتتلكك لبعض علي الكلمه
ولو حد قال كلمه بتعبر عن رأيه مش أكتر تلاقي الناس كلها انتقدته وعماله تلومه زي ما يكون عمل جريمة
مع ان الأصل هنا هو موضوع العربيات وان احنا هنا نفيد ونستفيد من بعض
ومع ان الإدارة كاتبة باللخط الأحمر العريض (جميع المشاركات تعبر عن اراء ووجهة نظر صاحبها ......)
بصراحه لا تعليق
وبعدين كون ان اي حد بيكره اي حاجة مش معني كده انه بيهنها ... او ان هي وحشه كليا
موضوع الحب والكراهيه ده موضوع شخصي ولا يمس اي شخص بسوء
لو كل الناس شايفه ان مصر هي أحسن دوله وان شعبها كله زي الفل .... يبقي عمرنا ما هنتغير وهنفضل زي ما أحنا
ده إذا متغيرناش للأسوء وبدل ما كل واحد مستني التاني يغلط علشان يقعد يبوخ فيه ويطلعه جاهل يبص الأول جوا نفسه
لأنه أكيد مفيش حد مبيغلطش ... او ان كل اللي في المنتدي هنا ملايكه
أحنا بشر وكله بيغلط ... بس لو كل واحد فضل يبص علي التاني ومستني غلطه علشان ينتقضه يبقي عمرنا ما هنتغير
علي الأقل انا لما حسيت اني غلطت في حق حد .. اعترفت بغلطي وقلت انا أسف
كام واحد هنا او في اي مكان بيقبل انه يعترف بغلطه ويعتذر لما بيحس انه غلط .... قليلين جدا اللي عندهم الشجاعة لكده
محدش بيغلط .... محدش وحش .... محدش ضلالي ... محدش حرامي ...... كله زي الفل ومصر هي ام الدنيا
بجد انا زعلت جدا وبكرر أسفي لكي شخص حاسس اني غلط فيه او في حقة
ولكم مني وافر التحيه والأحترام

[H_SRM]

أخي الكريم سمارت ميجا, قد يكون للشيطان دخل فيما حدث, لكن لا عليك فالله كريم والمسامح كريم.

قد يخطيء الإنسان بتعبير ما أو جملة لكن يعود رد الفعل للموقف نفسه, حقيقة لقد إنتبابني حالة من الغضب بسبب جملة ذكرتها.

أخي الفاضل الشعب المصري وأي شعب بالعالم يوجد به الطيب - الشرير- اللص- المنافق - المرتشي إلى آخره فالفساد تمكن من

بلادنا لأبعد الحدود لكن ليس معناه أن نعمم, هذا ما فعلته وما كان مقابله ردة فعل لأن كل منا لا يرضى الاساءة لأهله والشعب هو الاهل

والصاحب والخال والعم, وللأسف يا أخي التربص بالإنسان هو تتبع أخطاءه الظاهر منها والباطن لكن قد يكون ما حدث هو خطأ في أناس
كثيرون تحت مسمى الشعب, وهو ما قوبل بالرفض والإستنكار.


على كل لا عليك وعفى الله عما سلف, وبكل تأكيد لا يوجد بداخل أي منا إن شاء الله ذرة ضغينة أو كره.

أنت بين أخوتك في كافة أرجاء هذا المكان الكبير.

دمت بود وأمان وفي حفظ الرحمن.

[M.almaghraby]

علي فكرة البورسعيدية شعب شاطر جدا و تجار محترفين

هما عايزين فصال جامد بس

سواء فالعربيات او الملابس

بس ليه الاسعار اعلي من القاهرة .. !! انا شفت جنوط 16 حلو فالقاهرة حوالي 2300 جنيه

[AHMED MOHSEN]

أعضاء المنتدي الكرام
أنا لاحظت هنا في المنتدي ده من ساعة ما أشتركت فيه ان الناس هنا بتتلكك لبعض علي الكلمه
ولو حد قال كلمه بتعبر عن رأيه مش أكتر تلاقي الناس كلها انتقدته وعماله تلومه زي ما يكون عمل جريمة
مع ان الأصل هنا هو موضوع العربيات وان احنا هنا نفيد ونستفيد من بعض
ومع ان الإدارة كاتبة باللخط الأحمر العريض (جميع المشاركات تعبر عن اراء ووجهة نظر صاحبها ......)
بصراحه لا تعليق
وبعدين كون ان اي حد بيكره اي حاجة مش معني كده انه بيهنها ... او ان هي وحشه كليا
موضوع الحب والكراهيه ده موضوع شخصي ولا يمس اي شخص بسوء
لو كل الناس شايفه ان مصر هي أحسن دوله وان شعبها كله زي الفل .... يبقي عمرنا ما هنتغير وهنفضل زي ما أحنا
ده إذا متغيرناش للأسوء وبدل ما كل واحد مستني التاني يغلط علشان يقعد يبوخ فيه ويطلعه جاهل يبص الأول جوا نفسه
لأنه أكيد مفيش حد مبيغلطش ... او ان كل اللي في المنتدي هنا ملايكه
أحنا بشر وكله بيغلط ... بس لو كل واحد فضل يبص علي التاني ومستني غلطه علشان ينتقضه يبقي عمرنا ما هنتغير
علي الأقل انا لما حسيت اني غلطت في حق حد .. اعترفت بغلطي وقلت انا أسف
كام واحد هنا او في اي مكان بيقبل انه يعترف بغلطه ويعتذر لما بيحس انه غلط .... قليلين جدا اللي عندهم الشجاعة لكده
محدش بيغلط .... محدش وحش .... محدش ضلالي ... محدش حرامي ...... كله زي الفل ومصر هي ام الدنيا
بجد انا زعلت جدا وبكرر أسفي لكي شخص حاسس اني غلط فيه او في حقة
ولكم مني وافر التحيه والأحترام

++1111111111111111111

انا معاك في كل كلمه انتا قلتها

[SmartMega]

شكر خاص جدا للأستاذ الفاضل H_SRM
وللأستاذ الفاضل Ahmed mohsen

[hemeds82]

يا جماعة انا مش بكره أشخاص ...... انا بكره ثقافة وأسلوب معامله
انما انا مش بكره حد بذاته
لا حول ولا قوه إلا بالله
لو حد فهم من كلامي اني بكره المنتدي والناس اللي فيه يبقي فهم غلط

ولا يهمك يا باشا حصل خير وارجو ان تكون فهمت انا زعلت لية