الإكسسوارات و الكماليات الممنوعة من المرور

[razor1911]

انا موافق على حوار الفيس بوك

[gado2416]

والله الواحد مش عارف يقول ايه ولكن ربنا موجود

[tarekmomo]

موضوع جميل جدا وياريت اى حد يعرف حاجة يكتبها

[powerofhelll]

تصدقوا واحد صحبى بيحكيلى انة مرة امين شرطة كان عايز يدفعة غرامة على اية
مش هتصدقوا فى جمة بتتكتب على الزجاج الخلفى
لا اله الا الله محمد رسول الله
وتحت الجملة فى سيف الى هو شعار علم السعودية

لا وبيقولوا اية غرامة ملتصقات مع ان فيش اى ملتصقات غيرها فى العربية ويا تشيلها يا نسحب الرخص
قام صحبى رد عالية وقالة عايز تشيلها شيلها بأيدك انا مش هاجى جنبها واشيلها من العربية

سحب رخصه العربيه و رخصتي علي الموضوع ده علشان مشلتهاش

[Eslam.Elrefaey]

كل ده على حسب نوع العربية والى راكبها يعنى مثلا بورش عاملة كل ده فى مصر يبقى يشاور بس وشوف إيه إلى هايحصله وسلملى على المرور بتاعك

[faron525]

تخبط في القرارات وطبخ في القوانين وشوية جهلة ( امناء الشرطة ) يتحكموا في اسيادهم باسم القانون عجبي

[ahmed322]

انا موافق على موضوع الفيس بوك دا يا باشا ... اعمله واحنا معاك .. شكرا على الموضوع الرائع دا بصراحه

[ahmed322]

قانون المرور الجديد

أهم النقاط الخاصة بقانون المرور الجديد

عزيزى قائد السيارة .....

• تذكر عدم إرتدائك لحزام الأمان يضاعف إصابتك لا قدر الله حال وقوع حادث و يعرضك لعقوبة لا تقل عن مائة جنيه و لا تزيد عن ثلاثمائة جنيه .

• إستخدامك التليفون المحمول يدويا يقلل من تركيزك أثناء القيادة و يعرضك لعقوبة لا تقل عن مائة جنيه و لا تزيد عن ثلاثمائة جنيه .

• سيرك عكس الاتجاه يعرضك و الاخرين للخطر و سبب رئيسى لحوادث المرور و عقوبته غرامة لا تقل عن 1000 جنيه و لا تزيد عن ثلاثة آلاف جنيه .

• انتظارك الخاطىء يعطل حركة المرور و يعرضك لعقوبة تصل إلى سحب رخصة القيادة مدة لا تقل عن شهر .

• تعاقب بالحبس مدة لا تزيد عن ستة أشهر و بغرامة لا تقل عن 200 جنيه و لا تزيد عن 1000 جنيه فى حالة إزالة فك الكلابش بمعرفتك .

• السماح بإرتكاب أفعال مخالفة للأداب العامة داخل مركبتك يعرضك لعقوبة الحبس مدة لا تزيد عن ستة أشهر و غرامة لا تقل عن 300 جنيه .

• قيادتك للمركبة ليلا بدون إستعمال الأنوار الأمامية المقررة و الأنوار الخلفية الحمراء أو عاكس الأنوار المقررة تعاقب بسحب رخصة القيادة مدة لا تقل عن ستة أشهر .

• قيادتك لمركبتك فى مواكب خاصة بدون تصريح يعرضك لسحب رخصة القيادة لمدة لا تقل عن شهر .

• وجود مثلث عاكس للرؤية يساعدك على تجنب الحوادث أثناء توقفك ليلا بالطريق و عدم وجوده يعرضك لسحب رخصة القيادة لمدة لا تقل عن شهر .

• وجود حقيبة إسعاف أولية بسيارتك يساعدك فى الحد من الإصابة لحين وصول سيارة الإسعاف .

• و عدم وجود حقيبة إسعاف أولية بسيارتك يضعك تحت طائلة القانون و يعرضك بسحب رخصة التسيير مدة لا تقل عن شهر .

• إستخدامك للأنوار المبهرة ليلا يعرض حياة الآخرين للخطر و يعرضك لسحب رخصة القيادة مدة لا تقل عن شهر .

• عدم إستخدامك لغطاء الرأس الواقة أثناء قيادتك للدراجة النارية يعرضك لعقوبة بغرامة لاتقل عن مائة جنيه .

شكرا يا باشا على نص القانون وشكرا للاعضاء اللى بتكتب ايه الحاجات اللى عليها مخالفات .. الواحد حاسس بعد كده ان كل حاجه عليها مخالفه خلاص بجد

[sha2e]

بالنسبة للهيئة الدبلوماسية بيتطبق بين الدول مبدأ المعاملة بالمثل فبالتالى مابيتمش معاهم أي إجراء فى الغالب.

تحياتي.

بس اللى سمعته من اسبوع ان الدبلوماسيين المصرين فى امريكا عليهم مخالفات مرور بأكتر من 000 100 دولار امريكي وطبعا الخارجية المصرية هيا الل هتدفهم

[ahmed elsherif]

[quoteس اللى سمعته من اسبوع ان الدبلوماسيين المصرين فى امريكا عليهم مخالفات مرور بأكتر من 000 100 دولار امريكي وطبعا الخارجية المصرية هيا الل هتدفهم][/quote]
ماهم واخديين علي الكوسه والبلطجه اللي بتحصل هنا

[muhammadnokrashy]

هي دي مصر يا جماعه و علي فكرة دي احلي حاجه في البلد دي

[elzoghby]

القانون لا يطبق الا على الضعفاء

[necromancor]

تذكر الابتسام عند الدخول لاي كمين ويكون معاك فلوس فكه من اول عشره لغايه ٢٥٠ علي حسب اللي قدامك
وانت وشطارتك

[احمدعبدالعزيز]

لاحول ولا قوه الا بالله

[BUNSH]

شكراااااااااااااا ياشباب على موضوع والتفاعل الجامد بين جميع الاعضاء..وربنا يسترها علينا جميعاااااا..
والف شكراااا لصاحب موضوع..