تظبيط فيات 128

[ahmed2000]

السلام عليـــــــــــكم
انا عندي فيات 128
عندي الصالون طالع عينة علشان هوة الفابريكة

عاوز اجددة كلة من فرش وارضية وسقف وطابلوة وفرش الابواب وبالنسبة لفرش الابواب هوة انا شفت قبل كدة واحد رشهم عند بتاع دوكو بلون فرش العربية هوة ينفع ولا احسن اجيبهم جلد فياريت تقدروا تفيدوني اجيب فرش نوعة اية وهيبقي في حدود كام لان بجد العربية شكلها يارف الكلب وانا زهقت منها
معلش بتقل عليكوا

بالنسبة لحاجة تانية انا روحت سالت علي فوانيس خلفية عند واحد في طنطا هنا قالي ان هية عاملة 980ج
قولتلوا كام كام كام دانا ابيع العربية احسن فانا شفت
فوانيس ورا احمر وابيض كدة شكلم حلو جدااا وهما بيدوا شكل الي ب980 دول
معلش بتقل عليكوا كمان مرة

وبالنسبة كنت عايز ارش العربية دوكو كنت عاوز اعرف اجيب نوع بوية اية نضيف وهتبقي التكلفة كاااااااام وفي حاجة في الصاج كدة بتبقي داخلة وطالعة(مطبلة )
لا انا عاوز البوية( مراية) هل دية تنفع

انا كدة بقيت رخم باة وطلباتي كترت بس انا مش عارف حاجة في الحاجات دية خالص وخبرتي قليلة جداااااااااااااااااا

[ahmed2000]

22 واحد دخلوا وما فيش حد رد
لا فعلا يا جماعة انتوا بتخدموا الواحد
thanks
thanks
thanks
thanks

[sonyericsson]

معلش انا مش عارف افيدك بس انا اسمع عن واحد عندكم اسمة ميـــــراج

دا اللى ممكن يفيدك تقبل مرورى ولك منى اجمل تحية

[yuyu0000yuyu]

فنوس فيت 128 ب980 جنيه ولا ب9 جنيه و80 قرش (9.80جنيه)
انت متاكد انه قلك كده ولا كان بيهز معاك ده لو انت غيرت العربيه كله بصجه من بره مش هيجيب تمن الفنوس الى انت بتتكلم عليه هههههههههههههههههههههههههههههههههههه
مع العلم انا عربيتى فيات 128 بس مقدرش امسك نفسي من الضحك على الفنوس الى اغلى من نص الشنطه بالمرايه الى بيطحط فيه الفنوس بالقصدام الى تحتيه بالنمره الى بنهم

[ahmed2000]

انا كمان استغربت 980جنية اية ياعم

[ahmed2000]

بس بجد انا زهقت من شكل العربية الي باة يارف خالص نفسي اعمل فيها حاجات جامدة



وعلي فكرة التكلفة 6الاف

[ahmedelsayedn70]

بما انك مستعد تعدلها ب 6 الاف طب ليه مفكرتش تبيعها وتجيب افضل منها زى الريجاتا مثلا على الاقل انعم من 128

[ahmedbasto]

بص ياباشا انت ممكن تروح لمصطفى فوزى اللى فى الجانبية دة استاذ تعديل وممكن تروح لعمرو الرملاوى وهو يوديك لواحد تانى بس روح لمصطفى فوزى اضمن واستفسار انا فى الخدمة