إعـــــــلان

Collapse

.

,
See more
See less

عايز فوجات للأفيو

Collapse
X
 
  • Filter
  • الوقت
  • Show
Clear All
new posts

  • #16
    ياريت حضرتك لو تصورهم وترفق الصورة فى الموضوع عشان انا عايز اشوف شكلهم عاملين ازاى دة بعد اذن حضرتك واسف على الازعاج

    Comment


    • #17
      المشاركة الأصلية كتبت بواسطة hulk مشاهدة المشاركة
      انا اشتريتهم ب الوش بتاعهم ومهمة اوووى يا جماعة بالوش بتاعهم دى لانهم بيبعوهم من غير وش فوانيس بس !!! خدو بالكو من النقطة دى تقريبا كده اتكلفة 260 جنية بلظبط واشتريتهم من شارع دمشق هما صينى بس حلوين اوى بس لسة مركبتش ولو حد عاوز اى حاجة انا تحت امرة
      طيب خير والله بالله عليك يا اخي تصورهم و نشوف شكلهم عامليين ازاي و ياريت تحديدا جبتهم منين من شارع بغداد يعني اسم المحل علشان محدش يضحك عليا ، بس المهم هتحط الزرار فين بتاع الفوجات ، في مكان مدور مقابل للمكان بتاع زرار الانتظار ، اعتقد ده المكان الوحيد الموجود في الافيو فاضي
      وننتظر الصور وشكرا

      Comment


      • #18
        المشاركة الأصلية كتبت بواسطة tafa17 مشاهدة المشاركة
        طيب خير بالله عليك يا اخي تصورهم و نشوف شكلهم عامليين ازاي و ياريت تحديدا جبتهم منين من شارع دمشق يعني اسم المحل علشان محدش يضحك عليا ، بس المهم هتحط الزرار فين بتاع الفوجات ، في مكان مدور مقابل للمكان بتاع زرار الانتظار ، اعتقد ده المكان الوحيد الموجود في الافيو فاضي
        وننتظر الصور وشكرا
        معلش في شوية غلطات املائية انا قصدي شارع دمشق مش بغداد

        Comment


        • #19
          حاضر .
          ان شاء الله هصورهم وهرفعهم هنا بس شوية لو تسمحولى هتاخد يومين كدة وان شاء الله هرفعهم بس استحملونى شوية .. واسف للتأخير فى الرد
          وكمان هكون جبت المكان بلظبط فى شارع دمشق
          بس غالبا ادام البنزينة الى ادام محل السجان الصف دة كلة فية بتوع قطع غيار افيو ومنهم واحد فاكرة اسمة (المصرية) بس فية مشكلة لموضوع الزرار دة !! انة فعلا المكان الوحيد الى فاضى هوة الطبة الى جنب الانتظار بس لو هركب فيها انا سألت على الزرار الانتظار نفسة فى التوكيل ب 45 جنية !!!
          قولت شكل جمالى ومنظر حلو بردو قولت مفيش مشكلة بس المشكلة الفعلية بقى انة الى هيركب هيفك التابلوة كلللللللللللة علشان يركب الزرار ؟؟؟ واظن مينفعش الكلام دة ف الراجل قالى ممكن يركبهم من غير اى فك وتركيب على دراع العالى والواطى واظن دى ارحم من انة يفك كل دة ولا اية رأيكو انتو الى شايف حل تانى ياريت يقولة والى عارف حاجة ياريت بردو ميبخلش علينا ..
          كمان سألت على اللمض بتاعتهم فية نوع ابيض تلجى بيقولو تحففففففة ممكن يركب عليهم وكورى كمان ب 80 جنية بس كل دة مجرد كلام انا مشوفتش حاجة لان كل الناس بتقول صينى وكلة اشتغلات .. عموما انا هركبهم كدة لغاية ا اشوف موضوع اللمض دة..
          كمان بيركبلهم حاجة اسمها كتاوت
          عموما هشوف الدنيا كلها لغاية ما اصورهم وهكون جايبلكو المفيد
          والى عندة معلومة برضو يقولها اهو بنستفاد كلنا
          طولت عليكو

          Comment


          • #20
            انا شايف انه ميفكش التابلوة عشان زرار زى ما انت بتقول فعلا ولو ينفع يتركب مع دراع العالى والواطى يبقى زى الفل بس اهم حاجه يكون فاهم بيعمل ايه عشان ميعملش حاجه فى الكهربه وان شاء الله هتعدى زى الانذار والسنتر ووحدة الرفع هنعمل ايه بقه انت فى مصر يعنى لازم تعمل كل حاجه بنفسك مش كفايه عليك انك خد العربيه من منصور على راى مندوب المبيعات ال انا اشتريت منه العربيه فى مصر الجديدة بقوله مفيش هدايا زى هيونداى وكدة يعنى جنهات ذهب وله حتى غطى العربيه قالى احمد ربنا انك استلمت العربيه فى معادك عشان الحجزكتير والانتاج قليل هههههههه المهم هنعمل ايه بقه وبرضو لازم نعمل الزجاج ال ورا كهربه عشان انت عارف طبعا انه مانيول واسف على الاطاله

            Comment


            • #21
              المشاركة الأصلية كتبت بواسطة akram000 مشاهدة المشاركة
              انا شايف انه ميفكش التابلوة عشان زرار زى ما انت بتقول فعلا ولو ينفع يتركب مع دراع العالى والواطى يبقى زى الفل بس اهم حاجه يكون فاهم بيعمل ايه عشان ميعملش حاجه فى الكهربه وان شاء الله هتعدى زى الانذار والسنتر ووحدة الرفع هنعمل ايه بقه انت فى مصر يعنى لازم تعمل كل حاجه بنفسك مش كفايه عليك انك خد العربيه من منصور على راى مندوب المبيعات ال انا اشتريت منه العربيه فى مصر الجديدة بقوله مفيش هدايا زى هيونداى وكدة يعنى جنهات ذهب وله حتى غطى العربيه قالى احمد ربنا انك استلمت العربيه فى معادك عشان الحجزكتير والانتاج قليل هههههههه المهم هنعمل ايه بقه وبرضو لازم نعمل الزجاج ال ورا كهربه عشان انت عارف طبعا انه مانيول واسف على الاطاله
              لألألألألألأ اوعي تروح لكهربائي يركب الحاجات دي و ميكونش فاهم فيها حاول تروح لكلاريون اللي في ميدان الحجاز امام عمر افندي هو ده اللي ركبت عنده الانذار والبارك سينسور وهو اللي واخد توكيل الكاسيت بتاع الافيو
              خد بالك علشان السيارة متخرجش من الضمان
              روح الاول وأسأل عنده ينفع يركب الفوجات ولا لأ وهيركب الزرار فين وسيبك من موضوع تركيب الفوجات مع دراع النور بلاش لعب في الدراع ابعد عنه خالص

              Comment


              • #22
                للاسف مفيش حل غير دراع العالى والواطى !!!
                ولو حد عندة حل تانى يقول؟
                لانها شغلانة واظن كل الناس مركبها على العالى والواطى يعنى على دراع النور ؟
                يعنى مش انا اول واحد هعملها انا بس موضوع انى اعملها فى زرار منفصل كان هيبقى مرييح جدااا وبعيد عن اى حاجة بس المشكلة فى الفك والتركيب ..
                تانى حاجة كلاريون الى ادام عمر افندى (ادريان) افتكر ان مش هوة دة الى واخد توكيل منصور للكاسيت !! لان فية واحد تانى فى سانت فاطيما الميدان الى بعدة وهوة دة الى واخد توكيل منصور فى الكاست ففففففففففففففففففففففففففقط !!
                ولا انذار ولا سنتر
                ولا ازاز كهربا ..
                بس كل ما فى الامر انهم فاهمين فقط لا غير عارفين هما بيعملو اية وشغلهم نضييف جداااا وفية واحد هناك اسمة اسامة معاملتة محترمة وزى الفل .. والصنايعية عندهم فاهمين فى الكهربا اووووى والفنيش بتاعهم جميل دول كمان بيركبو زينون
                وعلى فكرة الجزء الى هيبوظ لاقدر الله فى الضفيرة(الكهربا) هوة بس الى بيخرج برة الضمان مش كل العربية !

                Comment


                • #23
                  اة خدمة الصور اهى زى ما وعدتكو
                  مع ان مفيش حد رد عليا :( بس مش مشكلة مش خسارة فيكو :)

                  شكل الفانوس+الوش بتاعة بدون الحلية(الفضى)

                  الوش بلاستيك بدون الحلية

                  الحلية الى بتركب على الوش البلاستيك السابق (لونها الاساسى ابيض) وانا دهنتها اللون دة :)

                  الفانوس الاساسى

                  منظر تانى للفانوس

                  من الخلف

                  غطاء اللمبة

                  غطاء للمبة ( وعاوز اغير للمبة دى للون الابيض التلجى؟ ولسة البحث مستمر عن ماركة نضيفة متتحرقش
                  بعد اسبوع ولا يومين بس فى العادى تمن الواحدة الصينى العادية ما بين
                  45الى50 جنية والكورى من 80 الى 125 !!

                  العلبة االاسبري الى دهنت بيها الحلية الى كان لونها ابيض فى الاصل
                  وبقت لونها فضى :) ملكوش حجة تانى بقى انا عملت الى عليااا وكل واحد يطلع 10 جنية بقى :)

                  Comment


                  • #24
                    تسلم ايــــــــــــــــــدك
                    [SIGPIC][/SIGPIC]

                    Comment


                    • #25
                      عشرة جنيه بس والله انت تعبت فعلا معانا عشان توصلنا المعلومات دى وشكرا ليك بس حضرتك بتقول مفيش حد رد عليك ممكن تقول محدش رد عليك فى انهى سوال بالتحديد ولو عندنا اجابه طبعا مش هنبخل بيها عليك وانا عن نفسى لو معنديش اجابه ليك ابقى اسألك المختص وشكرا مرة اخرى

                      Comment


                      • #26
                        هو يعنى ايه فوجات .... ؟

                        Comment


                        • #27
                          المشاركة الأصلية كتبت بواسطة ahlawy2oo8 مشاهدة المشاركة
                          هو يعنى ايه فوجات .... ؟
                          فوجات يعني فوانيس الشبورة
                          [I]سبحان الله و بحمده[/I]

                          Comment


                          • #28
                            المشاركة الأصلية كتبت بواسطة hulk مشاهدة المشاركة
                            للاسف مفيش حل غير دراع العالى والواطى !!!
                            ولو حد عندة حل تانى يقول؟
                            لانها شغلانة واظن كل الناس مركبها على العالى والواطى يعنى على دراع النور ؟
                            يعنى مش انا اول واحد هعملها انا بس موضوع انى اعملها فى زرار منفصل كان هيبقى مرييح جدااا وبعيد عن اى حاجة بس المشكلة فى الفك والتركيب ..
                            تانى حاجة كلاريون الى ادام عمر افندى (ادريان) افتكر ان مش هوة دة الى واخد توكيل منصور للكاسيت !! لان فية واحد تانى فى سانت فاطيما الميدان الى بعدة وهوة دة الى واخد توكيل منصور فى الكاست ففففففففففففففففففففففففففقط !!
                            ولا انذار ولا سنتر
                            ولا ازاز كهربا ..
                            بس كل ما فى الامر انهم فاهمين فقط لا غير عارفين هما بيعملو اية وشغلهم نضييف جداااا وفية واحد هناك اسمة اسامة معاملتة محترمة وزى الفل .. والصنايعية عندهم فاهمين فى الكهربا اووووى والفنيش بتاعهم جميل دول كمان بيركبو زينون
                            وعلى فكرة الجزء الى هيبوظ لاقدر الله فى الضفيرة(الكهربا) هوة بس الى بيخرج برة الضمان مش كل العربية !

                            لا يا سيدي الفاضل انا رحت عملت الكاسيت بتاع الافيو عند كلاريون اللي امام عمرو افندي ميدان الحجاز و بص علي الضمان واخد الكاسيت وصلحه من غير ولا مليم وبعدين رجعتله تاني واخده تاني برده من غير ولا مليم ومركب عند الانذار وواخد ضمان سنة علية وطول ما انا واقف بتيجي عربيات افيو علشان الانذار وتركب عنده و مركب عند الباركينج سينسور
                            بس مركبتش زينون عنده علشان مش عاجبني

                            Comment


                            • #29
                              ما شاء الله الفوجات جميلة
                              ربنا يباركلك فيها
                              عايزين نشوفهم علي العربية و تقول ايه الاخبار

                              Comment


                              • #30
                                فوجات يعني فوانيس الشبورة __________________


                                اولا متشكر اوى على الرد
                                ثانيا هيجرى ايه يعنى لو قلتم فوجات ( يعنى فوانيس شبورة ) علشان العالم اللى زى حالاتى يفهموا

                                Comment

                                Working...
                                X