يا جماعة محتاج رايكم ضرورى *********

[sherif0333]

انا معايا لانسر شارك نبيتى و كان اللى مضايقنى فى لون العربية ان الفوانيس مش باينة فعملت تفييم للفوانيس فكنت عايز اعرف رايكم فيها بصراحة يعنى كدة احلى ولا من غيرة احلى ...و كنت عايز اعرف هو انا كدة اخد مخالفة عليهم ولا لا ..كنت عايز اعرف كمان لو عايز اشيلهم بيتشال بسهولة ولا بيحصل حاجة فى الفانوس و اسف على الاطالة بس فعلا محتاج رايكم ضرورى

[shock]

هو كدا غلط لان الفوانيس الخلفية لازم يبقا فيها عواكس
ودا في القانون الجديد فممكن اي عسكري او ضابط
يرخم عليك من النقطة دي

[NaviGator_13]

هى شكلها احسن كدا

[sha2e]

بالعكس شكلهم حلو واعتبره نوع من التغيير واحلى حاجه انه مش مكلف يعنى وقت ما تحس انهم أدمو وانك زهقت منهم هتشيلهم بكل سهوله بدون اى مشاكل

وبعد ما دول ياخدو وقتهم ممكن تجرب الاحمر اعتقد انه هيكون حلو برضو بس حاول تكون درجته مظبوطه

وبخصوص الفانوس متقلقش عليه بالعكس الطبقه دى بتحميه شويه من البهتان الل بيحصل ليه يعنى بعد فتره لو حبيت تشيله هتلاقى الفانوس لسه بلمعانه زى لحظه ما لزقتها عليه

[sha2e]

هو كدا غلط لان الفوانيس الخلفية لازم يبقا فيها عواكس
ودا في القانون الجديد فممكن اي عسكري او ضابط
يرخم عليك من النقطة دي

العواكس موجوده تحت فى الاكصدام لوحدها

[أشرف فتحى]

بصراحه انا شايف العربيه من غيرهم اشيك !
بس دى أذواق !!
وده رأى شخصى مش لازم يكون صح!

[mohamed_mohsen]

بصراحه انا شايف العربيه من غيرهم اشيك !
بس دى أذواق !!
وده رأى شخصى مش لازم يكون صح!

+11111111111111
انا حاسس برضه كده
من غيرهم اشيك

[KoDaK_Gti]

شكلها حلو جدا
اصل اللانسر دى لون فوانيسها الخلفية تحس انه احمر باهت كده
بس كده جميلة واهو تغيير بردو

[sherif0333]

متشكر جدا على الردود بي كنت عايز اعرف هو انا كدة اخد عليهم مخالفة

[meromar]

والله ياشريف انت جيت فوقتك انا كنت لسة محتار وبدور على حد اخد راية فالموضوع دة لان انا معايا بردو لانسر شارك نبيتى ومشكلة الفوانيس انها مش باينة وكمان اللى مزعلنى ان الاحمر بتاع الفوانيس مش احمر احمر بيلمع لا دة احمر باهت شوية ودى اكتر حاجة مضيقانى فالعربية ياشريف فانا بدور حاليا انى اغير الوش واعمل وش كرستال شفاف على نفس الفانوس حيكون اشيك جدا وكمان فكرت انى افيم ويبقو زى مانت عملت بس حسيت انهم حيبقو ملفتين اوى ..هما شكلهم حلو طبعا ومتقلقش مافيش مخالفة ولا حاجة لان فى عواكس خلفية فالاكصدام ..انا بجد محتار جدا ياشريف ومش عارف افيم زيك ولا اغير واعمل وش كرستال شفاف..على فكرة فى فوانيس شفافة للانسر شارك بس للاسف منزلتش مصر هى موجودة فالموديل الgt بس وانا شوفتة فالسعودية بس شكلهم خرافة بحاول اعمل زيهم ولو وصلت لنتيجة حبلغك ونعملهم سوا بس ياريت تبعتلى تليفونك عشان اعرف اوصلك بسهولة

[2hmed_7osam]

بصراحه منطقين العربية من ورا
وشكلهم حلو جدا
ماشاء الله

[sherif0333]

يعنى الواحد يخليهم احسن ...كنت عيز اقول ل Meromar انا شفت الفوانيس الشفافة دى فى العربية الايفوليوشن اللى موجودة عند الرواس فى المعرض اللى فى رمسيس و شكلها حلو فعلا بس الفانوس دة مبيتباعش فى مصر غير كدة لو بيتباع هيكون سعرة على الاقل زى سعر فانوس الشارك و انا رافض مبدا انى اغير فانوس العربية علشان شكلة لان بكل بساطة مش هعرف اتصرف فية تانى حاجة هيكون تكلفة كبيرة .. انت كنت كاتب فى ردود قبل كدة بتسال لو تقدر تغير وش الفانوس تخلية كريستال عند حد فى الحرفيين انا رايى انك لو عملتة فى الحرفيين ممكن يكون شكلة حلو فى الاول لكن بعد كدة هيصفر و يكون شكلة اوحش من الاصلى فانا لقيت ان الحل دة بسيط و شيك و ممكن اشيلة فى اى وقت و ابقى محافظ على الفانوس الاصلى

[meromar]

معاك حق ياشريف حتبقى تكلفة عالية انا لقيت الفانوس الشفاف دة بحوالى 1650 جنية للواحد بس موجود فالسعودية فقط مش فمصر انا فكرت نفس فكرتك وانى افيم لانى عاوز اكسر اللون الاحمر ..وحصرف فعلا نظر عن فكرة انى اغير الفانوس عشان شكلة لانة حيكون مكلف فعلا وحعمل زيك بس انا حعمل اخف درجة فالفامية 0.1 وانا سعيد جدا بيك يابو شريف ونتلاقى على الف خير ان شاء الله اكيد لو شوفتك فمصر حعرفك من العربية لان فعلا عربيتك مميزة وتحياتى ليك ولجميع الاعضاء الكرام اللى شاركو