ورق العدادات

[YaSSerwIN]

كان فيه واحد عايز لل 127 أتفضل
دول تصميمين كنا عاملينهم انا وواحد صحبى لعرابيتنا

[MohaMed_Refaat]

كان فيه واحد عايز لل 127 أتفضل
دول تصميمين كنا عاملينهم انا وواحد صحبى لعرابيتنا

عملتوهم فين وبكام .
وشكرا على الصور

[Dr_Semsem]

كان فيه واحد عايز لل 127 أتفضل
دول تصميمين كنا عاملينهم انا وواحد صحبى لعرابيتنا

طيب ماهو لو انتم نفذم دول
يبقى مفيش مشكلة .. دول تحفة
الطريقة بقى ازاى وبكده ممكن كل واحد يعمل الديزاين المناسب لعربيته بعد ما ياخد ورقة العداد سكان مثلا

المهم الطريقة الأساسية ازاي ؟ طبعتوا على ايه ؟؟ الأنوار لونتوها ازاى
يعنى شوية تفاصيل ياباشا

[YaSSerwIN]

الأول تم أخذ مقاسات العداد وصورت العداد
وبدأت الشغل على الفوتوشوب
وبعد كدة روحت طبعتها على استيكر وأتلزق على العداد كلو
والأضاءة انا كدة كدة عاملها ليدات فى جوانب العداد كله

ودى صورة أضاءة العداد قبل ما الزق الأستيكر

[Dr_Semsem]

طيب يعنى بعد الفوتوشوب طبعت على استيكر ملون ؟؟

يعنى ازاى ظبطت كذا لون كده ؟؟

وبعدين بتقول لزقتها على العداد كله !! طيب انا مش شايف امبير السرعه أو الآر بى إم

معلش عشان بس أجمّع معاك ياباشا

[YaSSerwIN]

الاستيكر الى أطبع عليه أبيض عادى وأطبع على برنتر اللوان بس برنتر محترمة فى مركز طباعة وتكلفة الطباعة 5 جنية

بعد كدة لزقت الأستيكر على العداد من جوة وفرغت مكان اللمض والأمبيرات وطبعا النور بتاعه مش من الخلف الأضاءة عندى عاملها ليدات من فوق ومن تحت ومتوزعة على العداد فبتظهر العداد كله

[husseinthemaster]

انا معايا لانسر 92 وطبعا مش هتفرق في موديل العربية المهم الفكرة هتبقي واحدة اولا هفك العدادات واخرجها من التابلوة وهنفك الباغة الشفافة بس براحة عشان ليها سنون بلاستيك ممكن تتكسر لو حاولت معاها جامد وتفك المسامير اللي في ضهر العدادات عشان تخرج الوش المكتوب علية الارقام ومؤشر الحرارة والسرعة وعلي حسب اللون اللي انتا عايزة لو عايز برتقالي تجيب كيس برتقالي مثلا من موبينيل لو عايز احمر دور علي كيس احمر لو اخضر كيس اخضر المهم يكون بيدخل نور من الناحية التانية مش غامق ميخليش النور يعدي وهتحط الكيس خلف الورقة بتاعة العدادات المكتوب عليها الارقام وقص بالضبط علي قد الارقام انت هتبص هتلاقي الورقة دية في النور مش مبينة غير الارقام بس وباقي الورقة مظلم هتحط الكيس خلف الورقة وتقصة بالضبط وتلزقة بسوليتب وتركب الورقة تاني علي العداد طبعا قبل كل دة هتشيل المؤشر وهتركبة تاني وتقفل العداد وتركبة في التابلوة تاني هتلاقي نتيجة مش ممكنة انا مكنتش مصدق انها بالسهولة دية مستني الردود وشكرا

[zoghbyano111]

تسلم الأيادي على الموضوع الجميل ده