ايه رأيكم فى الجنوط الاسبور الصينى ؟

[ahmedfra]

الجنوط الصينى بتعمل رجة فى السرعة العالية مهما اترصص

الكلام ده صحيح 100 فى الــ 100 و عن تجربة . مهما أرصص فى غربلة و لما ربنا يكرمك تتقلب رعشة خفيفة كأنها فيبريشن .

[kliken]

انا كنت مركب جنط صينى 15 فى الاوبل اللى كانت معايا و كان شغال كويس هو المشكله انه ضعيف مش بيستحمل خبطه فى رصيف او مطب جامد غير كده هو شغال بس هو تقريبا حسب المستورد اللى بيستورد الجنوط ممكن يكون طالبها معقوله و لا فرز عاشر

[A_H_M_A_D]

المشكله إن معظم السوق دلوقتي صيني
أنا نزلت أسأل في شارع أحمد سعيد لقيت أشكال تحفه كلها صيني , و البياع قاللي مش حتلاقي يا بيه في السوق غير الصيني
لكن أشرفكو بيقول إنه مابيشتغلش في الصيني أصلا , و كل اللي عنده أندونيسي تقريبا
بس معندوش جنوط الفيرنا و كل ماسأله يقولي الأسبوع اللي جاي و الطقم ال13 عنده ب 900 جنيه

[Fadi Ezzat]

طيب لو عايز تجيب تايوانى ياباشا انزل حتة اسمها الشرابية فيها جنوط جامدة اوى اوى وتيوانى وصينى واختار انت بقى

[amr_elrashidy]

المشكلة ان كل الجنوط السبور اضعف من العادية .سواء صينى او غيره

[m_hamdy1976]

انا مجربها من كام شهر وشغاله كويس الحمد لله
كنت جايبهم مقاس 13 من واحد لازق في البنزينه اللي في اول احمد سعيد بي 1200 جنيه نيكل

[abzoabzo]

انا اسمع ان الماليزى انضف

[pop3]

اشكركم يا جماعة على الردود

بس الواحد متردد فى الجنوط الصينى

فى انتظار رد باقى الاعضاء اللى جربوها

كنت مركب 14 صيني لمده سنه لحد ما لقيت العفشه اتبهدلت وغبرت 4 مساعدين والمقصات و بارات الطرف فشلت الجنوط ورجعت ركبت الحديد بتوعها تاني وعلى فكره العربيه عامله 55000 km

[ابوهاشم]

ياباشا زى الفل واتوكل على الله
انا عن نفسى مش مركبهم بس اصحابى كتير مركبنهم وماشاء الله عليهم
حتى التاكسيات مركباهم وده دليل على انهم بيتحملو المشقه