الريموت باظ اية الحل

[acs]

يا شباب لانوس 2005

لها اتنين ريموت واحد منهم باظ وانا خايف احسن التانى يحصله
ومش عايز استخدم بقى المفتاح والحوارات الخنيقه دى
اية الحل يا رجاله

[samirayad]

ياعنى أيه باظ........مش المفروض ليه حجاره بتتغير .....ولا فيه حاجه تانيه

[acs]

ايوة انا غيرت الحجارة وبقى بينور لما ادوس على اى زرار بس مافيش تأثير على العربيه

[samirayad]

لا فعلا كده فيه مشكله فى دايره أرسال الأشعه بتاعة الريموت ( وكده فعلا باظ )..................وحافظ بقه على التانى ......وشوف يمكن يكون فيه ناس بتصلحهم

[acs]

samirayad

شكراً يا باشا على الافادة

[samirayad]

samirayad

شكراً يا باشا على الافادة

ربنا يخليك....ولو أننا معملناش حاجه مفيده........عموما ربنا يصلح لك الحال

[A.samy]

ممكن يكون الموضوع بسيط بس عايز حد بتاع الكترونيات يبص علية :k4:

[محمد فريد]

ممكن يكون الموضوع بسيط بس عايز حد بتاع الكترونيات يبص علية :k4:

+1111111

[waleedrahmy]

ممكن تشتري ريموت جديد وتولقه علي الانذار وفيه ناس مخصوص بتعمل الشغلانة دي وكان فيه موضوع في المنتدي بتكلم علي الموضوع ده بس انا مش فاكر أسمه أعمل بحث في المنتدي يمكن تلاقيه

[MohamedGafar]

وديه لمركز الصيانة بتاع السجان اللى في شارع دمشق. فيه واحد هناك إسمه أشرف بس ممتاز وبيفهم فى الكلام ده. هو صلحللى جهاز الإنذار بتاع عربيتي لما باظ.

تحياتي

[أشرف فتحى]

حضرتك معندكش مشكله أساسا !
استعمل الريموت التانى ولو لا قدر الله باظ برضه بتفك الوحده الرئيسيه وتطلع على الحكيم اللى فى التوفيقيه او اى واحد مشهور فى دمشق يعملك توليف لريموت جديد على الجهاز وبيتكلف فى حدود 60 جنيه !
ولو الريموت ده أصلا كان معمر مكنش حضرتك أشتريت الانذار ومعاه 2 ريموت!
الله يسامح التجار اللى بيدوروا على أرخص حاجه ويبيعوهالنا!