غطاء للسياره

[postagy]

السلام عليكم ورحمه الله وبركاته :
انا الحمد له ربنا اكرمنى بعربيه فيات سيينا وعاوز اجيب غطا ووتر بروف المشكله منين وايه حكايه انه بيتباع بالوزن ياريت لو حد مر بالتجربه يفيدنى

[w-m-a]

عليك وعلى ش / احمـــــــــــد سعيــــــــــــــــد
فى كل انواع الووتر بروف

[أشرف فتحى]

الغطاء الوتر بروف فيه منه انواع مختلفه وأغلبه صينى والمقصود بالوزن ان فيه منه خفيف بيبقى فى حدود من 50 :60 جنيه وفى منه تقيل وده جودته ودرجه تحمله ممتازه وعملى أكتر وبيبقى
من 200:120جنيه وبيبقى فيه سوسته لفتح الباب وسوسته لفتح الشنطه بدون رفع الغطاء.
وانا شخصيا لما أشتريت أشتريت القطن اللى بيسموه قلع مركب وبيبقى حسب العربيه ومهارتك فى الفصال!!
تحياتى
أشرف فتحى

[ahmedsrs]

هات القطن احسن بلاش الوتر بروف ألأجزاء المعدنية الى فيه ممكن تجرحلك العربية

[postagy]

اشكر كل من قام بالرد وبصراحه كل اعضاء الامنتدى متفاعلين جدا شكرا جزيلا

[MohabSaeed]

الغطاء الوتر بروف فيه منه انواع مختلفه وأغلبه صينى والمقصود بالوزن ان فيه منه خفيف بيبقى فى حدود من 50 :60 جنيه وفى منه تقيل وده جودته ودرجه تحمله ممتازه وعملى أكتر وبيبقى
من 200:120جنيه وبيبقى فيه سوسته لفتح الباب وسوسته لفتح الشنطه بدون رفع الغطاء.
وانا شخصيا لما أشتريت أشتريت القطن اللى بيسموه قلع مركب وبيبقى حسب العربيه ومهارتك فى الفصال!!
تحياتى
أشرف فتحى

بعد اذنك عاوز اعرف الغطاء القطن الى لونه فاتح " ابيض " سعره كام " للواجا - نفس حجم ال132 و الالنترا و الاوبترا " و انسب مكان اجيبه منه .
----------------------------

* ياريت لو اى حد يعرف سعره و احسن مكان اشترى منه يقولى .

[محمد فريد]

انا جبته ب 135 من سنتين بدون فصال التقيل جلد من بره ومبطن قطن من جوه ممتاز بس عيبه انه بيشقق من الشمس ( ده بعد سنتين استعمال ) وله سوستتين واحده على الباب والتانية على الشنطة.

[HeMa_LanCeR]

اوعي تجيبه وخصوصا للسيينا
وده علشان الأريل اللي فوق السقف هيقطعه وعن تجربه
هات القماش العادي احسن

[swimmer25]

اوعي تجيبه وخصوصا للسيينا
وده علشان الأريل اللي فوق السقف هيقطعه وعن تجربه
هات القماش العادي احسن

باشا القماش اللي موجود في التوفيقية قماش خشن يعني ممكن يجرح العربية وهو بيتلم
هل فيه قماش مقطن في السوق والاقيه فين؟

وشكرا علي معلوماتك

[أشرف فتحى]

بعد اذنك عاوز اعرف الغطاء القطن الى لونه فاتح " ابيض " سعره كام " للواجا - نفس حجم ال132 و الالنترا و الاوبترا " و انسب مكان اجيبه منه .
----------------------------

* ياريت لو اى حد يعرف سعره و احسن مكان اشترى منه يقولى .

بص حضرتك
انا اللى جبته كان فاتح بس مقلم مش ابيض ساده وده بيبقى اشيك بالذات لو مغسول ولسه نظيف وبلنسبه للمكان ففى الوكاله كتيييييييييييير جدا وانا عندى جنب البيت ورشه او مشغل اومصنع (مش عارف اسمه ايه؟) غطيان سيارات وممكن يعملك اللى انت عايزه لو عايزه بمواصفات معينه واسعاره طبعا ارخص من بره وعنده كل الانواع ما عدا الوتر بروف ابو بطانه لانه غالبا مستورد !لو انت قريب من شبرا ممكن اوصفلك مكانه

[Yarisawy]

بص حضرتك
انا اللى جبته كان فاتح بس مقلم مش ابيض ساده وده بيبقى اشيك بالذات لو مغسول ولسه نظيف وبلنسبه للمكان ففى الوكاله كتيييييييييييير جدا وانا عندى جنب البيت ورشه او مشغل اومصنع (مش عارف اسمه ايه؟) غطيان سيارات وممكن يعملك اللى انت عايزه لو عايزه بمواصفات معينه واسعاره طبعا ارخص من بره وعنده كل الانواع ما عدا الوتر بروف ابو بطانه لانه غالبا مستورد !لو انت قريب من شبرا ممكن اوصفلك مكانه

يعنى الراجل ده عندى خامات كتير ؟؟؟ وممكن يبطن من جوه ... وياترى ممكن اعمل الغطا من 3 طبقات .... ياريت يا باشا تقولى مكان الراجل ده فين ... اهم حاجة انت جربته وثقه ولا !!!

[أشرف فتحى]

يعنى الراجل ده عندى خامات كتير ؟؟؟ وممكن يبطن من جوه ... وياترى ممكن اعمل الغطا من 3 طبقات .... ياريت يا باشا تقولى مكان الراجل ده فين ... اهم حاجة انت جربته وثقه ولا !!!

بص ياسيدى
بالنسبه للخامات فالغطاء بيكون إما بوليستر فقط وده بيبدأ من 35 جنيه وده اسوء وارخص نوع أو بيكون بوليستر على قطن وده بيبقى حسب نسبه البوليستر أو بيكون قطن فقط وده اغلى وافضل نوع وفى منه نوع بيبقى تقيل زى قماش الخيم او قلع المراكب وده اغلى واحسن نوع.
وبالنسبه للاسعار دى بتبقى حسب مقاس ونوع الغطاء.
مكان المصنع اللى جنبى مش هيفيدك لكن هو عامل محل على الشارع الرئيسى عارض فيه كل الانواع والاسعار ولو لك طلب مخصوص بيعملهولك لكن بيحسبلك الغطاء عموله يعنى السعر بيزيد فعلى سبيل المثال انا كنت عايز اعمل حبل للغطاء زياده على الاستيك اللى بيبقى موجود عشان اربط الغطاء فميطرش مع الهواء وافق بس قاللى الحبل على حسابك!
وموضوع ثقه ولا لأ انا لا أثق فى اى بياع عموما لف وأسئل واعرف الخامات وبعدين فاصل فى الاسعار!
وانا شايف أن ده غطاء يعنى ولا هيركب فى الموتور ولا له اى اثر على اداء العربيه فبيبقى حسب امكانياتك ومش اكتر!!

أه نسيت مكان المحل عند مخرج النفق اللى منعند نادى اسكو اللى كان بيمشى فيه الترام زمان واللى بيطلع على المدينه النور والزاويه...اول ما تطلع من النفق على اليمين واسمه ابو شوشه.

[Yarisawy]

تمام التمام كده يا اشرف باشا ... ان شاء الله هاعدى عليه الاسبوع اللى جاى واشوف ايه نظامه

جزاك الله كل خير