تعديل شكل الخارجي و الداخلي للسياره

[HNaga]

عربيتى موديل 2004
ياريت طبعا من برة ومن جوة
دى محتاجة نقاش لان ممكن نفس النمط يكون برضه يؤدى الغرض
ماعنديش صور لكل العربية حاليا لكن عامة هى أسترا 1600 اوتوماتيك الشكل العادى
اللى مكتوب عليها Opel Astra CD 1.6i 16V

ممكن مبدئيا اقوللك الفروقات بينهم لو مش واضحة

[3mr Farrag]

حضرتك قصدك الفرق بين ايه بالضبط...بين الشكل الجديد و اللي مع حضرتك ولا بين ال cdو العادي.....علي العموم انا ان شاء الله هبقي ابعتلك الصور بعد التظبيط.........
و حضرتك عايز اي حاجه اعملها زياده ولا بس التعديل للشكل الجديد

[HNaga]

فيه شوية حاجات كنت عايز أعملها برضه حاجات بسيطة
مثلا الأوكر نيكل زى شكل الصور دى يعنى بالعرض
فريم نيكل أعلى الأبواب زى الباسات و الجيتا
ياسلام لو Power folding mirrors

يعنى ده اللى جه فى دماغى

[MMamdouh]

سؤال معلش عشان فهمى تقيل فى الصيام: هو الموضوع هنا تعديل صور على الفوتوشوب ولا تعديل عربيات بجد؟؟

MMamdouh

[3mr Farrag]

لأ هو تعديل علي ورق بــــــــــــــس......
و يااستاذ HNAGA الاوكر النيكل اللي حضرتك قاصدها من جوه ديه بتتركب بس معرفش بتتجاب منين....هي صحيح لون عربيتك ايه

[HNaga]

لأ هو تعديل علي ورق بــــــــــــــس......
و يااستاذ HNAGA الاوكر النيكل اللي حضرتك قاصدها من جوه ديه بتتركب بس معرفش بتتجاب منين....هي صحيح لون عربيتك ايه

عربيتى لونها فيرانى غامق ميال للأسود صورتها فى البوم صورعربيات الأعضاء



انا مش قصدى من جوة انا قصدى من برة

[HNaga]

بس انا عايز أفهم بعد التعديل على الورق ايه اللى بيحصل؟

[إسلام شاهين]

عمرو باشا طلب صغير إنت طبعا شوفت عربيتي وإنت قولت إن أهم حاجة الجنوط فممكن تختارلي شكل جنوط مناسب ، أنا لما شفت الأسود في فضي عليها كان تحفة بس طبعا بما إن ديه هوايتك هيكون رأيك أحسن .

[3mr Farrag]

بس انا عايز أفهم بعد التعديل على الورق ايه اللى بيحصل؟

انا بصراحه مش فاهم قصدك من السوءال ده و ياريت التوضيح....
علي العموم انا بعمل في التصميم بس معلش ممكن اتأخر شويه .....

[3mr Farrag]

عمرو باشا طلب صغير إنت طبعا شوفت عربيتي وإنت قولت إن أهم حاجة الجنوط فممكن تختارلي شكل جنوط مناسب ، أنا لما شفت الأسود في فضي عليها كان تحفة بس طبعا بما إن ديه هوايتك هيكون رأيك أحسن .

حضرتك بس تأمر ....المهم انا مش هعرف اوريلك جنوط لعربيتك بصراحه لأن معرفش كل الجنوط اللي في السوق و اللي علي النت هتلاقيه كله ماركات غاليه .....

و علي موضوع لون الجنوط...فاللون الاسود مش برجحه اوي لأن مهما كان شكله جامد مش بيبان خالص لدرجه انك ممكن ماتاخدش بالك انه متركب :lol:
فممكن تجيب حاجه كروم او سيلفر عادي...اما لو عايز يكون فيه لون اسود ممكن مثلا نرش الجنوط فيراني زي لون العربيه و اسود علي شكل دايره من فوق.....

وحضرتك جنط عربيتكR15-60/195
وأدي المقاسات اللي تركب عندك... 195/55-R16
R16-50/205
R17-45/205

وطبعا ممكن تاثر علي العفشه بالاخص ال 17 بس التأثير هيكون بسبب تقل الجنط مش العرض لأن فرق العرض بسيط .....يعني لو جبت جنط نضيف هيكون خفيف و مش هيأثر علي العفشه ان شاء الله
وفيه حاجه بتفرق في شكل الجنط و هو طبعا الكوتش كل متقلل في سمك الكوتش كل ماهيكون شكل الجنط اجمد....بس هنا في مصر مش صح الكوتشات الرفيعه في السمك ....يبقي لو هتجيب حاجه مش رفيعه اوي يبقي هاتها فلات بتدي شكل احلي من العادي

بس بجد لما تنوي تجيب كلمني و ان شاء الله هاجي معاك.....

[HNaga]

بس انا عايز أفهم بعد التعديل على الورق ايه اللى بيحصل؟

انا بصراحه مش فاهم قصدك من السوءال ده و ياريت التوضيح....
علي العموم انا بعمل في التصميم بس معلش ممكن اتأخر شويه .....

انا قصدى التصميم بيتنفذ إزاى و فين؟

[3mr Farrag]

انا بصراحه معرفش بالضبط ممكن يتعمل فين التصميم....
بس عليك و علي الحرفيين او اسلام مشهور

[3mr Farrag]

انا عملت التعديلات اللي في الاسترا....و انا اسف جدا علي التأخير لأني اليومين اللي فاتوا ماكنتش باعود في البيت كتير.....
و انا بصراحه معملتهمش فري هاند لأني لقيت انه مش هيبقي حلو لما اعملوا بالاسكنر...و هيكون فاتح اوي و ممكن مايبانش التفاصيل....فعملتهم بالpaint بس معلش هتلاقيهم مش كواليتي اوي ذي الفوتو شوب....
و ادي الصور



انا رايي ان التلاته دول اخف في التعديل من اللي بعديها و احسن لو مش عايز لعب كتير



و ديه الصوره الاصليه علشان تاخد بالك من الاختلافات


انا شايف انك بلاش تعدل فيها حاجه اكتر من كده من ورا...بس هيتزود عتب زي اللي في الاكصدام من قدام...(معلش الصوره جايه بزاويه بس انا مالقتش صوره اوضح من كده)


من ناحيه الفوانيس اللي قدام فحضرتك ممكن تخليها انسيابيه شويه عن طريق تزويد في الكبوت ....مع تغير وش الفانوس بواحد انسيابي عموله....بس انا رأيي بلاش لعب في الفانوس حتي لا تقل قيمه العربيه....لو هتخلي نفس شكل الفانوس الاصلي يبقي هايتعدل الاكصدام من قدام و يبقي شارب شويه في بعض الاجزاء....
اما الشبكه فممكن تركب واحده استانلس شبه بتاعت الكورولا 2004 اللي بالعرض....
او تركب شبكه ذي اللي في الاسترا الجديده
الاكصدامات ورا و قدام تتعمل بانسيابيه من الجناب لأنها شارب زياده و مش شبه الاسترا الجديده خالص...
و طبعا الرفارف هتتنفخ ذي العتب...بس لو هتنفخ كده يبقي لازم تركب جنوط اعرض من اللي عندك ....لو مش عايز تركب جنوط يبقي تقلل التنفيخ
و ده رابط فيه صور فوانيس الاسترا


اما من ورا فانا شايف انها مش حلو اللعب في الفانوس

http://www.carfantasy.nl/index.php?cPath=308_100_103

و يارب الصور تعجبك....و لو عايز تعمل فيها حاجه تانيه قوللي و ان شاء الله ابقي اعملهالك
و انا كنت ممكن ازود حاجت تانيه بس ماحبتش علشان تكون اسهل في التنفيذ

[HNaga]

شغلك جميل و كلك ذوق

بص عامة العربية من قدام كويسة بس من ورا مش عاجبانى

فى الموديل اللى قبله كانت فيه مقبض الشنطة و ساعات كان فيه اللى بيسموه Tailgate معرفش بالعربى إسمه ايه
وده زودوه فى الفيكترا و الأسترا السيدان والهاتش باك الجدادرغم ان ال tailgate ده غاليا مابيتحط فى الأشكال الرياضية والهاتشباك خاصة

موضوع التنفيخات ده موضوع مش بسيطو لازم يتعمل له حسابات

الجنزط طبعا عندك حق فيها وفعلا انا بفكر فيها بس مش لاقى حاجة محترمة وصراحة انا لا أحترم ولا اثق فى اى حاجة صينى

بالنسبة للعتب انا سألت فى أرابكوم ومالاقيتش للأسف

شكرا ياباشمهندس ولو ممكن تزود شوية التعديلات اللى ورا

تعبتك معايا

[3mr Farrag]

شكرا علي ردك الجميل
و ال TAILGATE هو الاستانلس اللي بعرض الشنطه ...صح؟؟؟
لو هو فا اعتقد ان مافيش مشاكل انه يتركب
بس لو عايز بجد نصيحتي ....انا ريي انك لما تحب تظبط عربيه تكون برضوا علي حالتها الاصليه....بمعني ماقتبسش حاجات كتير فيها من عربيات تانيه ....لأنها بيقلل من قيمه العربيه من ناحيه جمالها....
لأنك لما بتيجي تظبط العربيه تحب الناس تشوف عربيتك اجمل عربيه من موديلها و ليس من اقتباس من موديل أخر.....فتصبح عربيه مهجنه بلا هويه.....