عايز اركب سرينة شرطة

[sha2e]

منا عاوزك تصنفهالى قولى تبع ايه

السرينه يا حسام بيه حاجه مش مصنعه اصلا للعربيات الملاكى فمينفعش نصنفها ككماليات ليها
يعنى مثلا الكلاكس بتاع العربيات التريلا الكبيره ممكن تركبه على عربيتك وتقول عليه كماليات ؟

لو كانت كماليات فعلا كان صاحب الشركه اللى بتورد السراين الفيدرالى للمحافظه والمرور كان ركبها فى عربيته انا اعرفه شخصيا وعربيته مفهاش اى حاجه
وهوا تقريبا عارف أكتر الضباط الموجودين فى ادارة المرور يعنى محدش هيكلمه أو يوقفه فى اى لجنة او كمين ومع ذلك مش مركبها

طيب ما عندك الفاميه والزينون بينزلوا فى عربيات فابريقة ومع ذلك ممنوع انت متقدرش تركبه عندك

مختلفش معاك ان الفامية والزينون كماليات
لكن موضوع هل هو مصرح بيه او لأ دى نقطه تانيه

كلامك مظبوط واحترم وجهة نظرك
وانت لما تسمع سرينة وراك فى عربية ملاكى عاوز تعديه او متعديهوش انت حر

هقولك على حاجه ناس قليله جدا الل بتوسع لما بتسمع السرينه من ملاكى وغالبا مش بيكونو متأكدين ان السرينه جايا من الملاكى ولا من عربيه وراها عشان كده بيوسعو

انا ركبت عربيات كتير فيها سارينه سواء ملاكى او بوكس او موتوسيكل المرور
من واقع تجربتى فى الملاكى : ناس كتير دلؤتى اول ما يسمعو السرينه بتغلس بزياده ومبيردوش يعدوك
فى البوكس : أكتر الناس بتفتحلك الحاره وان كنت شوفت ناس ولا بيعبرو
موتوسيكل المرور : ده الل فعلا العربيات كلها بتوسعله اول ما بيشغل السرينه

الراجل بيسأل على سعرها وبتتباع فين مبيسألش رأينا فيها ايه

أعضاء كتير ردو وقالو موجوده فى التوفيقية وانا عن نفسى اول مشاركه ليا قولتله ملهاش لازمه وهتعملك مشاكل وهتشيلك جمايل على الفاضى مع المرور(نصيحه لوجة الله )

راح رادد برد جافى جدا وقال انا معنديش مشاكل مع المرور او الشرطه ...... قولتله خلاص خلى اى ضابط يجبلك واحده
رجع قال لأ انا مش عايز جمايل (سبحان الله )
ومع ذلك روحت باعت ليه لينك بتاع موضوع عضو تانى كان بيبيع السرينه الفيدرالى بتعته هنا فى المنتدى
ايه المطلوب تانى

وبعدين يا استاذ حسام هنا منتدى يعنى قائم اساسا على الحوار والنقاش
يعنى عندك مثلا فى قسم الصوتيات لما حد بيدخل يسأل عن سمعات او mp3 معين انت نفسك مش سعات بتدخل وتقوله بلاش ده وبتقوله على عيوبه ومشاكله وبترشحله انت واحد تانى وتبين ليه مميزاتة ؟؟ مش ده الل بيحصل ؟

النقطه الل مضايقانى الردود
اى عضو يدخل يقول رأية او يهزر معاه او ينصحه نصيحه يفتح عليه النار بدون تفاهم ويقوله انا مطلبتش كلام من حد ويرد عليه رد لاذع جدا
انت تقبل بحاجة زى كده

ارجو تقبل وجهة نظرى

شكرا ليك يا حسام بيه
ويارب تكون دى ديما لغة الحوار بين كل الاعضاء

[MoToRiZeR]

يا هيتمان والله انا زعلت اللي يقولي بلدي واللي يقولي توكتوك وانا فعلا مطلبتش راي حد هو سؤال واضح ,.. السرينة فين وانواعها وبكام .. بس لكن تعليقات سخيفه ضايقتني بجد

يا أستاذي الفاضل أصل ده منتدي مش محل .. مش اللي هو قوللي موجود ولا لأ و سعره كام و إخرس
اللي بيساعد حد هنا بيساعده مشكوراَ و متطوعاَ و بدون ما يستني حاجة في المقابل
و حاجة زي كدة لازم تخلق حوار و أراء لا تستطيع الحجر عليها .. خاصة إذا كانت حاجة مثيرة للجدل و ظاهرة "سلبية" في شوارعنا، و السارينة دي هتشغلها في شوارع هنكون ماشيين فيها .

ماهو لو مش واحد عامل موضوع يا جماعة أجيب بانجو منين و الناس دخلت قالتله ليه ده غلط و ممنوع قانوناَ يقولنا و انا سألتكوا ؟ اللي عارف يقول و خلاص .

انا عارف طبعاَ إن فرق كبير بين التشبيه اللي قلته و السارينة اللي عايز تركبها بس متنساش إنك داخل تسألنا علي حاجة مخالفة للقانون .. و مصدر للإزعاج .. و ممكن تعمل مشاكل .. و الغرض منها دائماَ رعب الناس و إنتحال شخصية الشرطة أو الإسعاف للمرور .. يعني تقريباَ جريمة و لو في بلد محترمة اللي بيعمل كدة مبيمشيش تاني عالطريق ولا يمسك دريكسيون .. و لكن بعض الأعضاء ساعدوك برضه و قالولك في التوفيقية و سعرها من كذا لكذا .. في إيه تاني بقي !!

و دكتور كاسبرينو مغلطش اما قالك إسأل التكاتك .. ما معظمهم مركبنها فعلاَ .
و عادي إنت شايف التعليقات سخيفة انا شايف الطلب أصلاَ سخيف .

[MoToRiZeR]

و طبعاَ إحنا مش بنقوملك تصرفاتك ولا عاملين واصيين عليك بس لو حضرتك هتشغل السارينة دي علي سماعات ووكمان في ودنك يبقي مبروك عليك أنزل أشتريهالك بنفسي .

إنما طالما السارينة دي هتشتغل عالطريق العاااام .. اللي بيمشي طبقاَ للقوانين العامة و لخدمة الناس عامة مش حسب الأمزجة الشخصية .. يبقي كل واحد من حقه يقول رأيه .

[otefa]

+1111111111111

[fireboy]

مع احتلرامى لالعضو اللى بيقول ان التوكتوك هو اللى مركب سرينه و روح اسأله عيب اوى لما يوصل مستوى الحوار بينا لكده لان اولا عمر التوكتوك ما بيركب سرينه شرطه ده بيبقى مركب بتاعه صوتها عامل زى جهاز الانزار
اما بالنسبه للعضو اللى عايز سرينه ينزل التوفيقيه وفى هناك اشكال كتير بس خلى بالك لانه ممكن يطلعلك المضروب فى الاول فانت اسمع الصوت كويس و جرب المايك و يجبلك واحده بكرتونتها و ما تدفعش فى سرينه هناك اكتر من 500 جنيه
و اسف على الاطاله

[fireboy]

و العضو اللى كاتب على ردى و الكلام اللى انا كتبه بتاع وكلاء نيابه و ظباط شرطه و جيش يعنى انا اقصد ان ناس محترمه مركبها بس مش اكتر يعنى احنا مش عيال ماشيه بعربيات متفيمه و عماله تلعب بالسرينه
شكرا

[sha2e]

يا أستاذي الفاضل أصل ده منتدي مش محل .. مش اللي هو قوللي موجود ولا لأ و سعره كام و إخرس
اللي بيساعد حد هنا بيساعده مشكوراَ و متطوعاَ و بدون ما يستني حاجة في المقابل
و حاجة زي كدة لازم تخلق حوار و أراء لا تستطيع الحجر عليها .. خاصة إذا كانت حاجة مثيرة للجدل و ظاهرة "سلبية" في شوارعنا، و السارينة دي هتشغلها في شوارع هنكون ماشيين فيها .

ماهو لو مش واحد عامل موضوع يا جماعة أجيب بانجو منين و الناس دخلت قالتله ليه ده غلط و ممنوع قانوناَ يقولنا و انا سألتكوا ؟ اللي عارف يقول و خلاص .

انا عارف طبعاَ إن فرق كبير بين التشبيه اللي قلته و السارينة اللي عايز تركبها بس متنساش إنك داخل تسألنا علي حاجة مخالفة للقانون .. و مصدر للإزعاج .. و ممكن تعمل مشاكل .. و الغرض منها دائماَ رعب الناس و إنتحال شخصية الشرطة أو الإسعاف للمرور .. يعني تقريباَ جريمة و لو في بلد محترمة اللي بيعمل كدة مبيمشيش تاني عالطريق ولا يمسك دريكسيون .. و لكن بعض الأعضاء ساعدوك برضه و قالولك في التوفيقية و سعرها من كذا لكذا .. في إيه تاني بقي !!

و دكتور كاسبرينو مغلطش اما قالك إسأل التكاتك .. ما معظمهم مركبنها فعلاَ .
و عادي إنت شايف التعليقات سخيفة انا شايف الطلب أصلاَ سخيف .

و طبعاَ إحنا مش بنقوملك تصرفاتك ولا عاملين واصيين عليك بس لو حضرتك هتشغل السارينة دي علي سماعات ووكمان في ودنك يبقي مبروك عليك أنزل أشتريهالك بنفسي .

إنما طالما السارينة دي هتشتغل عالطريق العاااام .. اللي بيمشي طبقاَ للقوانين العامة و لخدمة الناس عامة مش حسب الأمزجة الشخصية .. يبقي كل واحد من حقه يقول رأيه .

الله يباركلك
هوا ده الكلام الل كان نفسي اقوله لكن للأسف مقدرتش اعبر عنه كله
لكن انت الحمد لله قلته كله بطريقه مختصرة ومهذبه وواضحه
بجد لا فض فوك


تـم غلق الموضوع

مشرف القسم