إعـــــــلان

Collapse

.

,
See more
See less

أجهزة كشف الرادار إلي بتشتغل في مصر

Collapse
X
 
  • Filter
  • الوقت
  • Show
Clear All
new posts

  • أجهزة كشف الرادار إلي بتشتغل في مصر

    أولا ... السلام عليكم.....
    أنا عضو جديد في المنتدى.... وده أول مره أكتب موضوع

    المهم أثناء تصفحي للمنتدى... لقيت عنوان عن كاشف الرادار في مصر...

    طبعا بعد مقريت الموضوع ... الأعضاء نصحوا بال Valentine ONE

    لكن محدش خالص فهم الناس .... إيه هوه أساسا كاشف الرادار (Radar Detector)

    أنا هنا هشرح بطريقة مبسطه أيه هوه كاشف الرادر.... الرادارات بتشتغل إزاي... إيه أنواع الرادارات... وأخيرا أنهي نوع المفضل إنه يشتغل في مصر...

    أولا :- أنواع الرادارات...؟؟؟

    الرادارت كزا نوع منهاالثابت والمتحرك والإتنين بيطلعوا موجات بترددات معينه ... بتصطدم بالسياره المتحركه.. وترد تاني للرادار... وبناءأ لقانون إن السرعه بتساوي المسافه على الزمن... الرادار هيحدد سرعتك....

    يعني نتطلع بمعلومه إن الرادار بيطلع موجه معينه والموجه ده ليها تردد محدد.... (المعلومه الأولى)

    ثانيا:-

    الموجات المستخدمه في الرادار.... همه أربع أنواع ملهومش خامس.... فأي حد يقولك غير كده .. إنتم عارفين تردوا عليه إزاي...

    الأنواع ده :- K,Ku,X & Laser
    أسهل واحد يقدر كاشف الرادار يكشفه هوه ال X
    وأصعبهم ال Ku وال K

    أما بالنسبه لل Laser فده مش رادار بمعنى الكلمة لكنه جهاز عامل زي المسدس ... يمسكه ضابط المرور... ويوجه شعاع ليزر للسياره المتحركه بيحدده بإستخدام تليسكوب صغير متثبت عليه .. يقوم الجهاز يحددله سرعه العربيه ده........ والجهاز ده مش مستخدم في مصر...

    طيب إيه الفرق مابين الموجه والتردد.... (( وده مهمه أوي))؟؟

    الموجات همه الأريعه إلي قلت عليهم... أما التردد.... عباره عن إن كل موجه ليها مدى من التردد معين...

    بمعنى زي الراديو فيه موجة FM و AM,,,, لكن ال FM مدى التردد بتاعها تقريبا من 87MHz لحاد تقريبا 105Mhz وعمره مهيزيد أو يقل عن كده.....

    أجهزة الرادار ... بتستخدم موجه معينه بتردد معين.... المشكله في التردد... لإن فيه تردد معين بيبأه صعب على كاشف الرادر يكشفه.... فمثلا ال KU band مداها من 24Mhz لحاد 35Mhz.... أصعبهم في الكشف هوه ال 35Mhz.....

    يبقى تاني معلومه مهمه .. إننا لازم نعرف إيه نوع الموجه إلي بتستخدم في مصر... وأي تردد بيستخدم فيها...

    في سؤال مهم ...أو معلومه لقيت حد من الأعضاء قالها... مع إحترامي ليه ... والمعلومه ده خطأ..

    عن ال Speed Cams>>> ده مش رادار بمعنى الكلمة... ده زي الكاميرا... بيتثب على إشارة المرور الضوئيه إلي بتشتغل بنظام كمبيوتري ... يعني شغاله وحديها...

    طب ووظيفتها إيه... وظيفتها إنه إنته لما تشوف إشاره ضوئيه.. المفروض تبقه داخل أو بتقرب منها بسرعه معينه متزدش عنها... وإزا زدت عنها تلقطك.... لإنه لما تقرب من إشارة مرور ضوئيه ... معناها إنك مقرب من تقاطع... والمفروض تدخل على التقاطع ده بسرعه محسوبه.. علشان تقدر تتلافا أي خطأ ...

    طبعا النوع ده من الرادارات مش في مصر.... لإن كل التقاطعات ماشيه بالبركه.. وبالعساكر... ولا تعليق أكتر من كده...

    أجمع المعلومات تاني.... الرادار بيطلع موجه بتردد معين... بتصطدم بالسياره المتحركه .. وترجع ليه.. فيحدد سرعتك... والمفروض تعرف أي موجه بأي تردد بيستخدم في مصر...؟؟؟ أنا بأه معرفش أنهي موجه بأنهي تردد... وده مهمة الأعضاء...


    أخيرا أنواع أجهزة كشف الرادار..؟؟؟؟

    لازم نتفق على حاجه مهمه...

    المهم بالنسبالك إن يكون عندك جهاز ليه ميزتين مهمين أوي...

    أولهم إنه يقدر يكشف الموجه بالتردد بتاعها ... (( وأقصد كل الموجات بكل الترددات))
    ثانيهم... إنه يقدر يكشفها من مسافه مناسبه تسمحلك بفرصه تهدي فيها... وأنا أقصد بفرصه يعني فتره زمنية مناسبه..

    أول ميزه أظن مفهومه...

    الثانيه ده .. وده الأهم في وجهي نظري... ليه؟؟

    لإنه لو حضرتك ماشي مثلا على سرعه 160 كم في الساعه ... وعلى فرض إن الجهاز كشف الرادار على مسافه 2 كيلو متر.... وبرضه بنائاَ على قانون إن السرعه تساوي المسافه على الزمن... إحسب أجمع إطرح إضرب..
    هيطلعلك وقت يساوي 45 ثانيه.. ده برضه على فرض إنك مهدتش من سرعه وإستمريت عليها.. وأظن إن 45 ثانيه كافيه أوي إنك تهدي فيها لتحت ال 100 كم .. لأ وكمان الوقت ده هيزيد لإنك عمال تقلل من سرعتك.. أتمنى إن إلي عاوز أقوله يكون وصل...

    طيب... ثالث معلومه مهمه ... إن كاشف الرادار لازم يقدر يكشف كل الموجات بكل الترداد وعلى مسافه مناسبه تسمحلي إني أهدي فيها...

    بالنسبه للميزتين دول........ بنقدر تحدد كفائة كاشف الرادار....

    في نوع من أجهزة الرادار بتشتغل بنظام ال GPS ....

    طب ده شغاله إزاي.... ببساطه إن الشركه صاحبة الجهاز ده.. نزلت بلد ما... وأعدت تتمشى في الشوارع وأعدت تحدد أماكن الرادارات الثابته .... وتقوم مخزناها في الجهاز... وإنته في العربيه ومشغل كاشف الرادار إلي من النوع ده.. هيتصل بالقمر الصناعي... ويحدد مكانك.. وأول متقرب من رادار ... هوه هينبهك...

    طبعا الأجهزو ده متنفعش في مصر... لإنه برضه ببساطه مفيش شركه نزلت مصر.. وأعدت تتمشى في الشوارع وحددت أماكن الأجهزة....

    أتمنى إن كل الأسئله إلي بتدور في أدمغت كل الناس أتجاوبت ...

    مش ناقص غير حاجه واحده بس......... لازم تتعرف؟؟؟

    إيه الموجات بالترددات إلي بتستخدم في مصر...؟؟؟

    لو حد عارف يقول.. ولو حدمعاه كاشف رادار يقول .. وأنا هعرفه إزاي يعرف منه.. ؟؟

    طب في حد ممكن يسألني إنته عندك كاشف رادار أساسا...؟؟؟
    الرد ... لأ معنديش ... أمال عرفت كل الكلام ده منين... الرد ببساطه ... إني دورت وسألت .. ودخلت منتديات أجنبيه متخصصه في الموضوع ده... وبحثت كتير....

    طب ومعندكش جهاز كاشف رادار ليه... الرد برضه ببساطه.. إني معرفش لا الموجه ولا التردد إلي بيستخدموا في مصر.... وده المهمه إلي المفرض تتعرف...

    أخيرا ................وليس آخرا... أنا بعتذر إني طولت عليكم... وبعتذر إني كنت بشرح بأسلوب عامي... لكن كان لازم علشان الكل يفهم..(( مع إحترامي للعقول كلها))

    أنا منتظر رد واحد فقط عن السؤال ده.... إيه هوه نوع الموجه والتردد إلي بتستخدم في مصر؟؟؟

    وبنائا على المعلومه ده ... هنقدر نحدد أفضل جهاز...

    إستنوا مني موضوع تاني عن الماركات بتاعت أجهزة كاشف الرادار... ومقارنات ما بينهم وصور ليهم....... المهم متنسوش .............. إيه هوه نوع الموجه والتردد إلي بتستخدم في مصر؟؟؟

    وشكرا .......... أحمد أنور

  • #2
    اللف شكر يا دكتور احمد على المعلومات الهايله دي كفيت ووفيت .. بس انا معرفش نوع الموجات و الترددات ...

    Comment


    • #3
      موضوع جميل والشرح وافى ومفهوم
      جزاكم الله خيرا على المعلومة
      [CENTER][FONT=Arial Black][SIZE=6][COLOR=seagreen][I]( اللهم ارفع مقتك وغضبك عنا) آمين[/I][/COLOR][/SIZE][/FONT][/CENTER]

      Comment


      • #4
        شكرا على الشرح الوافى و المبسط جدا

        Comment


        • #5
          مع انى مش بحب الاجهزة دى
          بس طريقة شرحك جميلة
          A.Saad

          Comment


          • #6
            شكرا جزيلا على الشرح الوافي
            انا معايا الجهاز V1& Cobra
            ومن خلال خبرتي في السفر على طرق كثيره و خلال محافظات مختلفة شفت 3 أنواع من الرادارات في مصر بس الحقيقة معرفش أنواعهم إيه بالظبط
            1- نوع قديم زي المستخدم على طريق القاهرة -إسماعيلية و ده كان بيكتشفه الكوبرا و بيشتغل على X band و بيتكشف من على بعد يمكن 300-400 متر
            2-- نوع حديث في الغردقة وده انا متأكد إنه Speed Camera لأني شفت الجهاز وقارنته بواحد زيه على النت و ده الكوبرا و لا حس بيه و لاكأنه شايفه على عكس ال V1 اللي كشفة بس على بعد قريب جدا يمكن 30-50 متر
            3- نوع حديث ايضا ممكن يكون برضه Speed Camera و الله أعلم و برضه الكوبرا ما بيكشفوش و اللي بيكشفه هو ال V1 ومن خلال التجربة بيكون المدى بتاعة قريب جدا و الجهاز ده موجود على طريق الزعفرانه-رأس غرب -الغردقه و على طريق بورسعيد -دمياط
            [CENTER]قال تعالى " [FONT=&quot] وَاتَّقُوا يَوْماً تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لا يُظْلَمُونَ [/FONT]" 281 البقرة
            [/CENTER]

            Comment


            • #7
              يا جماعة مع كامل احترامى لكم و للموضوع هاتفرق وقت اد ايه لما امشى 120 او 130 بدل 100 مع حساب المخاطرة و سوء الطرق و عدم التزام السواقين على الطرق بقواعد المرور اصلا و بالتالى نسبة المخاطرة بتزيد لأن زمن رد الفعل و مسافة التوقف بيطولوا جدا
              فهل دقائق فرق تسوى كده ؟؟؟
              ده رأيى الشخصى مع احترامى الكامل لكم جميعا
              و تحياتى
              [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
              [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
              [CENTER][COLOR=DarkGreen][B][SIZE=5]الصحة تاج على رؤوس الأصحاء
              لا يراه إلا المرضى
              [/SIZE][/B][/COLOR] [/CENTER]

              Comment


              • #8
                المشاركة الأصلية كتبت بواسطة mshamy مشاهدة المشاركة
                شكرا جزيلا على الشرح الوافي
                انا معايا الجهاز V1& Cobra
                ومن خلال خبرتي في السفر على طرق كثيره و خلال محافظات مختلفة شفت 3 أنواع من الرادارات في مصر بس الحقيقة معرفش أنواعهم إيه بالظبط
                1- نوع قديم زي المستخدم على طريق القاهرة -إسماعيلية و ده كان بيكتشفه الكوبرا و بيشتغل على X band و بيتكشف من على بعد يمكن 300-400 متر
                2-- نوع حديث في الغردقة وده انا متأكد إنه Speed Camera لأني شفت الجهاز وقارنته بواحد زيه على النت و ده الكوبرا و لا حس بيه و لاكأنه شايفه على عكس ال V1 اللي كشفة بس على بعد قريب جدا يمكن 30-50 متر
                3- نوع حديث ايضا ممكن يكون برضه Speed Camera و الله أعلم و برضه الكوبرا ما بيكشفوش و اللي بيكشفه هو ال V1 ومن خلال التجربة بيكون المدى بتاعة قريب جدا و الجهاز ده موجود على طريق الزعفرانه-رأس غرب -الغردقه و على طريق بورسعيد -دمياط

                ممكن أعرف .... لما بتقرب من الرادار... وجهاز ال V1 ,,, يشتغل...

                في نور أحمر بينور جمب واحد من الباندات... إلي هيه K,Ku,X>>>>>>> تقدر تحدد إنهي واحد فيهم؟؟؟؟

                وكمان المسافه إلي بتقول عليها ده... قليله جدا........ هوه حضرتك مثبت الجهاز فين وإزاي؟؟؟؟

                Comment


                • #9
                  فى برنامج دلوقتى بيتحمل على n95 والاجهزة اللى فيها GPS
                  ده واحد منهم غير مجرب وده الرابط اضغط هنا
                  [CENTER]:00020140:
                  [/CENTER]

                  Comment


                  • #10
                    المشاركة الأصلية كتبت بواسطة prof_ahmed_anwar مشاهدة المشاركة
                    ممكن أعرف .... لما بتقرب من الرادار... وجهاز ال V1 ,,, يشتغل...

                    في نور أحمر بينور جمب واحد من الباندات... إلي هيه K,Ku,X>>>>>>> تقدر تحدد إنهي واحد فيهم؟؟؟؟

                    وكمان المسافه إلي بتقول عليها ده... قليله جدا........ هوه حضرتك مثبت الجهاز فين وإزاي؟؟؟؟
                    بالنسبة للرادار القديم اللي بينور ال X Band
                    بالنسبة ل Speed Cam اللي بينور ال Ku Band
                    الجهاز انا مثبته حسب توصيات الصانع في وسط الزجاج الأمامي بحيث ان الأثنين Antenna القدام و اللي وارا يقدروا يشتغلوا من غير وجود عوائق و التثبيت باستخدام الحامل الخاص بالزجاج
                    [CENTER]قال تعالى " [FONT=&quot] وَاتَّقُوا يَوْماً تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لا يُظْلَمُونَ [/FONT]" 281 البقرة
                    [/CENTER]

                    Comment


                    • #11
                      تسلم كتابتك يا باشا معلومات جميلة جدا

                      Comment


                      • #12
                        أستاذ مشامي.

                        هوه حضرتك لما الجهاز بيدي إنذار ...... هل ده في الشوارع الداخليه ولا على الطريق السريع؟؟

                        وكمان.... إذا كان على الطريق السريع.. هل حضرتك بتحدد للجهاز ال V1 إنك على ال high way... مع العلم إنها لازم تتحدد عشان يزود من حساسية ال antenna ???

                        Comment


                        • #13
                          المشاركة الأصلية كتبت بواسطة prof_ahmed_anwar مشاهدة المشاركة
                          أستاذ مشامي.

                          هوه حضرتك لما الجهاز بيدي إنذار ...... هل ده في الشوارع الداخليه ولا على الطريق السريع؟؟

                          وكمان.... إذا كان على الطريق السريع.. هل حضرتك بتحدد للجهاز ال V1 إنك على ال high way... مع العلم إنها لازم تتحدد عشان يزود من حساسية ال antenna ???
                          انت بتشغلو على ال auto و هو بيحدد لوحده
                          [CENTER] [B][SIZE=3]سلامى و تحياتى للجميع
                          د/أكمل حمدى عبد الله[/SIZE][/B][/CENTER]

                          Comment


                          • #14
                            المشاركة الأصلية كتبت بواسطة prof_ahmed_anwar مشاهدة المشاركة
                            أستاذ مشامي.

                            هوه حضرتك لما الجهاز بيدي إنذار ...... هل ده في الشوارع الداخليه ولا على الطريق السريع؟؟

                            وكمان.... إذا كان على الطريق السريع.. هل حضرتك بتحدد للجهاز ال V1 إنك على ال high way... مع العلم إنها لازم تتحدد عشان يزود من حساسية ال antenna ???
                            سؤال حضرتك ده خاص بجهاز الكوبرا و ده انا لم أعد أستخدمة منذ أن اشتريت ال V1 اللي بيشتغل بنظام مختلف كالأتي:
                            1- نظام يكشف لحضرتك جميع الترددات بدون إستثناء All

                            2-نظام منطقي Logic
                            3- نظام منطقي متقدم Advanced Logic
                            و باستخدام النمط المنطقي يبقى انا بأترك للكومبيوتر الخاص بالجهاز عملية تحديد إذا ما كان هناك رادار أم لا
                            [CENTER]قال تعالى " [FONT=&quot] وَاتَّقُوا يَوْماً تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لا يُظْلَمُونَ [/FONT]" 281 البقرة
                            [/CENTER]

                            Comment


                            • #15
                              معلومات قيمة بس الجهاز ده بيتباع فين وبكام
                              [CENTER][SIZE=6][B][COLOR=Blue]خلوها تصدى وموديلها يعدى[/COLOR][/B][/SIZE]

                              [mtohg=null]http://i647.photobucket.com/albums/uu192/bishoy02010/651654076.jpg[/mtohg]
                              [/CENTER]

                              Comment

                              Working...
                              X