مازدا 323 الحقوووووووووووووووني

[ashrafbahaa]

اولا انا بشكركم على مجهودكم الكبير واهتمامكم,,انا اشتريت مازدا 323 موديل 81 هاتشباك لونها ابيض من يومين ..وكرهتها واتخنقت منها جدا بجد لانها مفيهاش اى حاجه شبابي خالص انا واخدها من راجل كبير, التابلوة اسود بس فى كسور وبيعمل صوت جامد وتخبيط.وفرش الببان لونه بيج فاقع ومفيش لا كاسيت ولا سماعات ولا اى حاجه من برة العربيه العربيه قرعه خالص .لدرجة انى بقيت اتكسف اركبها..دلونى ايه التظبيطات الخفيفه اللى اعملها تغير شكل العربيه شويه لانى بجد كرهتا..شكرا

[bmw323]

روح عند سروجى وخلية يعملك فرش كامل للعربية ويكسى التبلوة جلد
وبعد كدة هتلك طقم صوت كاسيت محترم بايونير أو أكسبلود وسماعات بيضاوى بردو بايونير أو أكسبلود وجهاز أنزار وسنتر ومعطر حلو كدة هتلاقى العربية معاك زى الفل وياسلام بقا لو رينجات فى الفوانيس
وكلها حاجات أسعارها فى الحنين ومش غالية بس أنتا ومزانيتك


يارب اكون قدرت أفيدك

[Fadi Ezzat]

وكمان زيادة على كلام بى ام
اعملها اكصدامات رياضية قدام وورا واعملها عتب وسبويلر صغنون كدة
وادهنها بقة اللون الى يعجبك وعيش الحياة من جديد

[ehabbasha30]

اهم من دة كلة واول حاجة تعملها
طقم جنوط وكاوتش 14 او 15

[ashrafbahaa]

متشكر يا جماعه جدا على اهتمامكم ومجهودك وسعيد جدا بردودكم
انا هعمل زى ماقلتوا بس واحده واحده عشان الميزانيه.بس ممكن سوال للاستاذ عزت:يعنى ايه اكصدامات رياضيه واعمل العتب ازاى ياريت تفهمنى ولو فى صور يكون افضل؟شكرا

[uhlphp]

ارجو من له دراية وخبرة فى تعديل المازدا يقولى لو حبيت اركب اكصدام امامى وخلفى وعتب واسبويلر اركب اية لانى دورت كتير ومقدرتش اوصل لحاجة

[moh_taia]

أظن ان الإكصدامات الرياضيه دى بتتعمل تفصيل عند اى حد بتاع فيبر
هتلاقى مواضيع كويسه هنا عن بتوع الفيبر الى فى الحرفيين وغيرهم

وكأفكار دى بعض الصور الى ممكن تستعين بيها مع اختلاف الموديل فى بعض السيارات













يعنى جمع منهم او من غيرهم الى يناسبك ونفذه

وربنا يوفقق

[agwaa]

اولا انا بشكركم على مجهودكم الكبير واهتمامكم,,انا اشتريت مازدا 323 موديل 81 هاتشباك لونها ابيض من يومين ..وكرهتها واتخنقت منها جدا بجد لانها مفيهاش اى حاجه شبابي خالص انا واخدها من راجل كبير, التابلوة اسود بس فى كسور وبيعمل صوت جامد وتخبيط.وفرش الببان لونه بيج فاقع ومفيش لا كاسيت ولا سماعات ولا اى حاجه من برة العربيه العربيه قرعه خالص .لدرجة انى بقيت اتكسف اركبها..دلونى ايه التظبيطات الخفيفه اللى اعملها تغير شكل العربيه شويه لانى بجد كرهتا..شكرا

السلام عليكم
بص يا عم أشرف
أولا مبروك عليك العربية
ولازم تعرف إن المازدا 323 هي أرخص عربية ياباني وهي محترمة جداً وثابتة على الطريق وقطع غيارها في متناول اليد يعني موجودة وبأسعار معقولة بالنسبة لعمر قطعة الغيار خاصة إذا تحريت القطعة الياباني الأصلي وأحياناً الكوري والتايواني بيكونوا معقولين دة بالنسبة لقطع الغيار
تعالى بقى نشوف إللي إنت عاوزه وأنا معاك خليها واحدة واحدة بصرف النظر عن الميزانية كمان علشان إللي تصرفه عليها يروح مصاريف وما تحسش بيه

_ الفرش الداخلي للأبواب فيه واحد في باسوس بيرجع الفرش زي الفابريقة ( بياخد منك الفرش القديم بشرط يكون موجود به الخوص المعدن اللي بتركب في الباب من فوق وبيركب عليه فرش جديد زي الأصلي وبتستلمه بعد يومين وبتركبه إنت بنفسك ( أنا عملت كدة )
_ تاني حاجة التابلوه الأجزاء المكسورة لو كانت بسيطة زي إللي عند معظم الناس ومنهم العبد لله ممكن توضع علية قطعة فرو ولو مؤقتاً ودي رخيصة ومتوفرة بكثرة في التوفيقية واممتاز منها ب 20 جنيه
أما لو حبيت الصح بس دة بعدين ممكن تخلي سروجي يخلع الجزء المكسور في التابلوه من الخارج ( القطعة إللي من ناحيتك وإللي دايماً بتتشرخ في الموديل دة بالذات ) ويكسيها جلد وليس كسوة التابلوه بالكامل لأن دة هيخليك تفك التابلوه عند كهربائي سيارات علشان يفك الضفيرة منه بمعرفته وكذلك توصيلات العدادات ومنه واير السرعة والحرارة والبنزين وخلافه وتاخد التابلوه فارغ لواحد مخصوص لكسوة التابلوهات في شارع جانبي متفرع من شارع شامبليون إسمه ( خليل وأولاده ) وتستلمه بعد 3 -7 أيام وترجعه للكهربائي علشانيركبه بعد ما يجمع كل إللي خلعه ( شغلانة .. موش كدة ..!؟)
وفيه حل أسهل
خللي بتاع دوكو يمعجن الأجزاء المكسورة بمعجون إستوك ( المعجون الخاص ببتوع الدوكو ) وبعدين يرشه باللون إللي إنت عاوزه _ بس الحل دة لازم تكون المساعدين والعفشة عندك كويسين علشان المطبات متكسرش إللي إتعمل دة ..

_ بعد كدة الجنوط وتختار طقم جيد وعموماً أنا شخصياً لا أحبذ الجنوط لسببين:-
الأول إن الجنوط بتوضع في السيارة بقياسات ودلالات معينة وإن لم تكن الجنوط فابريقة يعني نازلة مع السيارة من الفابريقة عمرك ما هتركب جنوط مضبوطة ودة رأي علمي من مهندسين السيارات وأنا أحترم هذا الرأي .
الثاني إن الجنوط الأصلية بتاعة الموديل دة كويسة وموش بطالة .

آسف على الإطالة ونكمل بعدين