سؤال بخصوص ال Fm modulator

[M.Mekawy]

أنا كنت فى كومبيو مى بتاع سيتى ستارز و سالت على ال fm modulator ال promate ,كان فى حد من الاعضاء هنا"Yarisawy" قال عليه , و رحت شفته و عجبنى جدا خصوصا موضوع الريموت اللى بيركب فى الطارة ده, لقيته ب 155 جنيه , قلت ماشى , سالت البياع قولتاه دلوقتى انا لو عايز اقسمه فولدرات , و كل فولدر فيه شوية أغانى , ينفع اقلب بين الفولدرات ولا لأ , الراجل معرفش , فا كنت بسأل اذا كان فى حد من الأعضاء عنده اجابة شافية .

هوة شبه ده بس مش هوة بظبط
و سؤال تانى اذا كان المفروض أفصله كل مرة اما اسيب العربية و لا هوة بيفصل لوحده؟
و سؤال أخير هل فيه حل تالت غير الmodulator وال car kit (الشريط) ؟

[M.Mekawy]

ايه يا بشر , مصر مفيهاش واحد بيستخدم ال fm modulator ولا ايه

[voiky]

راى شخصى انا جربت استعمله كان لذيذ شويه بس جوده الصوت مش حلوه وكمان كتير بيعمل صوت تشويش الراديو ده خلعتها وريمتها فى البيت وجبت كاسيت سونى اكسبلود اللى بيقرا فلاش كارد ومليت الفلاش 8 جيجا فولدرات ودلع :d اشترى واحد هو بيعمل فى حدود 800 اللى بيقرا فلاش وفى انواع تانيه غير السونى بتوصل ل 600 برده

[micromoud]

لا ياباشا مافيش تقليب فى الفولدرات الجهاز بكل بساطه بيجمع كل الاغانى اللى عالفلاشه او الكارت ويرتبهم فى "بلاى لست" او يرقمهم
وبعد كدا انت تقلب ما بينهم
هو كأوبشن ضعيف

[Aywan]

انا عايز اعرف ايه حكاية ال mp3 modulator و Fm modulator اصل اانا جديد فى حكاية العربيات و ايه عداد القوايم ده . لو سمحتوا فهمونىىىىىىىىىىى

[cazanovausa]

[marq="3;right;3;scroll"]
الموضوع سهل وبسيط دى حجات كلها بسيطه المهم انها مش تشغلك عن القياده او عن الطريق
[/marq]

---

#2f0eed

[amegoo75]

لالا هو عندى بالريموت بس مش بيركب فى الطارة الريموت عادى وهو بيرتب الاغانى فى بلاى ليست لواحدة مش فولرات ولا حاجة وكلة حسب الفلاشة ؟؟؟

[أبو_يوسف]

النوع دا فعلا بيقسم الملفات لفولدرز (promate)
عندي نفس النوع بس اللي من غير ريموت بيركب في الطارة..
بيكون فيه اختيارات انك تشغل الملفات داخل الفولدر اللي تختاره أو انك تشغل كل الملفات اللي على الفلاشة ورا بعض او تشغل الملفات بشكل عشوائي ..
ولكن بيتم اختيار الفولدر عن طريق رقم من خلال أزرار +fl أو -fl في الريموت يعني مش بيظهر اسم الفولدر على الشاشة وتختاره..

[احمد عز]

ده كان سعره كام يا باشا

[agwaa]

النوع دا فعلا بيقسم الملفات لفولدرز (promate)
عندي نفس النوع بس اللي من غير ريموت بيركب في الطارة..
بيكون فيه اختيارات انك تشغل الملفات داخل الفولدر اللي تختاره أو انك تشغل كل الملفات اللي على الفلاشة ورا بعض او تشغل الملفات بشكل عشوائي ..
ولكن بيتم اختيار الفولدر عن طريق رقم من خلال أزرار +fl أو -fl في الريموت يعني مش بيظهر اسم الفولدر على الشاشة وتختاره..

أنا عندي واحد زي ده وبريموت لكن مابيركبش في الطارة وكنت أشتريته ب35 جنيه من شارع العطار بالعتبة ( الشارع الخاص بإكسسوارات الموبايل ) وقبل كدة كنت إشتريت واحد من مول سفنكس ب 50 جنيه

[أبو_يوسف]

كان ب 85ج من كام شهر كدا من سبينس

[أبو_يوسف]

ودا كان النوع الثاني اللي بريموت في الطارة
كان بحوالى 150ج

[wael6]

عندى مشكلة فى الصوت خاصة بام بي ثري الولاعه بيفصل عند اى هزه للعربيه والكهربائي بيقولى كهربة العربية عاليه ومش هتنفع معاك هل ده له حل ام لا مع العلم انى جربت 3 ام بي ثري ونفس النتيجه والجديد كمان انى كنت بشغل التلفون على شريط ام بي ثري وبقا بيفصل زى ام بي ثري الولاعه (( هل كهربة العربية ممكن توطى شوية وتتظبط الولاعه وطقم الصوت ولا توطيتها هيأثر على سحبها )) ارجو الافادة