كيفية تنظيف الفرش الجلد للسيارة والتابلوه

[Mohamed A S]

الأخوة الكرام
السلام عليكم ورحمة الله وبركاته
هل يعلم أحد نوع جيد من الاسبريهات لتنظيف الفرش الجلد للسيارة دون إحداث تشقق له، وكذلك التابلوه، لو فيه حد مجرب حاجة يا ريت يقولنا على اسمها .. ولكم جزيل الشكر

[eng_mkhalaf]

Re: كيفية تنظيف الفرش الجلد للسيارة والتابلوه

[quote="Mohamed A S"]الأخوة الكرام
السلام عليكم ورحمة الله وبركاته
هل يعلم أحد نوع جيد من الاسبريهات لتنظيف الفرش الجلد للسيارة دون إحداث تشقق له، وكذلك التابلوه، لو فيه حد مجرب حاجة يا ريت يقولنا على اسمها .. ولكم جزيل الشكر[/
quote]
+1
انا محتاج حاجة زى كدة أرجو الرد من الأخوة الزملاء

[HNaga]

فيه واحد إسمه إس تى بى على ماأتذكر

[Mohamed A S]

دا للفرش الجلد والا التابلوه

[HESHAM AMIN]

فى فكارفور اسفنجة خاصة لتلميع التابلوة انا جربتها رائعة و رخيصة ب 4 جم تقريبا واعتقد انها تنفع الفرش الجلد كمان

[Mohamed A S]

شكرا لردك يا هشام بس المشكلة إن كارفور دا عاوزله يوم مخصوص علشان تروحله لأنه بعيد عني تماماً لو تعرف تقول لنا اسم الاسفنجة دي يبقى كثر ألف خيرك

[HNaga]

دا للفرش الجلد والا التابلوه

الإتنين وينفع للكاوتش كمان جربته تقريبا مرتين واللى قاللى عليه عاامل كار كير قى بنزينة

[Mohamed A S]

ألف شكر يا هشام باشا أبو النجا بس يا ريت تقدر تفتكر لنا اسمها بالضبط أنا هسأل على اللي انت قلت عليه وربنا يسهل ..

[Adham]

بص بعد ماتنضف التابلوة كويس احسن حاجة تلمع بيها الجلد انك تشتري البولش(الكراون) بتاع الاحذية و تلمع بية عالجلد (بس يكون جديد)

و لتلميع الفبر بتاع التابلوة و الكونسول تشتري بليدج بتاع تلميع الموبيليا و ترشة بخات من بعيد و تسيبة تماما من غير ماتمسحه
يستحسن انك ترش بعد ماتركن العربية بالليل
و الصبح حاتلاقي التابلوة بيلمع زي الجديد

و غالبا حاتلاقي نقاط مياة زي الندى كدة عالفبر مطرح البليدج ابقى امسحها بفوطة ناشفة و بس
و ماتكترش في البليدج قوي و ماترشش جوة الحتت اللي ممكن يخش فيه للزراير و الكهرباء

[HESHAM AMIN]

اسمها armorall ودى امريكى

[Mohamed A S]

ألف شكر ليك يا أدهم وشكراً ليك يا هشام

[محمدايهاب]

في بعض محطات موبيل ( إلي جربتها) بينظفوا العربية بالكامل من برة و جوة و بينظفوا الفرش و التابلوه ب80 جنية بس حاجة أخر جمال و الريحة احلى جاحة

[Mohamed A S]

معلش يا جماعة أخوكم ميح في الحاجات دي .. يا ريت حد يقولي البوليش بتاع بدي العربية دا له اسم معين أو ماركة معينة .. وهل هو نفس البوليش بتاع تنظيف الفرش الجلد واللي قال عليه أدهم (الورنيش) بتاع الأحذية (كراون)

[Adham]

يا أستاذ محمد

البوليش اللي انا باتكلم علية لتلميع التابلوة الجلد في السيارة هو البوليش بتاع تلميع الاحذية
السفنجة المشمعه اللي بتيجي في علبة

انما بوليش الصاج بتاع العربية, دة زي كريم بييجي في علبة زي علبة الكريم و بيتلمع بية بودي العربية من برة بحتة قطن

[Mohamed A S]

معلش يا أدهم باشا أعذرني لجهلي بهذه المسائل. ومتشكر لردك والتوضيح .. وكل سنة وأنتم جميعاً بخير