حملات مكثفة لتعقب السيارات المزودة بالزينون

[007]

انا بس أحب أوضح حاجه
الزينون اللي بيتركب عالأيد و علي أي فانوس ده غلط كبير
الزينون لازم يتركب علي فانوس عدسه عشان توزيع الضوء يبقى عالطريق و بيتزبط زاويه السطوع بتاعته صح
ثم لو ركزتوا فالبي أم و المرسيدس اللي تازينون فيها استندر حتلاحظوا أن الزينون علي فانوس عدسه ثم لو انت مقابله عالطريق الناحيه التانيه تحس انو مش مشغل النور أساسا يا دوب لون بنفسجي هادي بس بالنسبه لسائق العربيه بيكشف الطريق جدا منغير ميضرب فعين المقابل
يعني مالأخر يا تركب زينون صح يا متركبش ، مش واحد راكب فيات 128( مع احترامي للسياره و مالكيها ) ييجي يركب زينون منظره و خلاص و الاسم روشنه و تظبيط

[khalid_adel]

انا الحمد لله عندي لينس والنور ضعيف اصلا ولو وقفت قدامه والدنيا كحل مش بيوجع العين خالص (ضعيف اوي مش عارف ليه )
المهم انا موتي وسمي لما الاقي 127 ولا 128 وضارب زينون وهو اصلا الفانوس عنده مربع مالوش اي ملامح ولا اي نقاء فتلاقي نور زي نور الشمس عامل زغلله كده وملوش مصدر اصلا وفارش من اول السما لحد الارض وتلاقيه اصلا جوه مش واخد باله من النور عشان مش محدد ولا مركز علي اي حاجه غير انه يعمي اللي قدامه وبس
اهو ده فغلا اللي حرام عليه بس المشكله لو الظابط ولا الامين قولتلو دي لينس حيقولك كمان بتغلط طب رخصك وانسي لو شفتها تاني :shock:

[HESHAM AMIN]

انا الحمد لله عندي لينس والنور ضعيف اصلا ولو وقفت قدامه والدنيا كحل مش بيوجع العين خالص (ضعيف اوي مش عارف ليه )
المهم انا موتي وسمي لما الاقي 127 ولا 128 وضارب زينون وهو اصلا الفانوس عنده مربع مالوش اي ملامح ولا اي نقاء فتلاقي نور زي نور الشمس عامل زغلله كده وملوش مصدر اصلا وفارش من اول السما لحد الارض وتلاقيه اصلا جوه مش واخد باله من النور عشان مش محدد ولا مركز علي اي حاجه غير انه يعمي اللي قدامه وبس
اهو ده فغلا اللي حرام عليه بس المشكله لو الظابط ولا الامين قولتلو دي لينس حيقولك كمان بتغلط طب رخصك وانسي لو شفتها تاني :shock:

هوا دا الى الفروض يسحبوا العربية منة مش الرخص علشان بياذىالناس الى ماشية
هو مش عايز ينور الطريق بس عايز يارف الى قدامة

[ramy_fiat_2000]

والله سرقه اذا كان الاغلب الزيرو نازل بزينون يبقى يعمل ايه مش هيستورد العربيه ده ولا ايه دا عبط من الدخليه بلد حرميه وحميها حرميها

[pendodo2002]

يشربوا من البحر ...

[bolvegari]

والله الواحد مش عارف يعمل ايه فى المرور ده انا كرهت العربيه عشان خاطرهم انا سحبوا منى الرخصه بتاعة العربيه 3 مرات فى شهر !!!!!!!!!!!!!!!!!!!!!!!!!

اول مره عشان الفيميه وشيلتوا

ثانى مره عشان استيكر على باب العربيه طوله لا يتعدى ربع متر واقل كمان

تالت مره عشان دخلت الكمين وكنت منور النور والمشكله ان الظابط الغتت كان فاكره العالى وقعدت ساعه الا ربع اقنعه ان الفانوس مش مظبوط وانا عالى عن الارض وطبعا مرضيتش اكتر معاه لانى مركب زينون ولو خد خبر تبقى مصيبه

وفعلا انا مقتنع ان الفلوس فى المواقف دى بتنفع


لان قبل كده على كمين السلام نقيب وقفنى وكانت الساعه 3 الفجر ومكنش فى اى حاجه مخالفه فى العربيه لكن كان عايز يسترزق من اى حاجه ومرضاش يمشينى لا لما اخد 5 جنيه والصراحه انا استغربت ان نقيب يهزأ نفسه عشان 5 جنيه !!!!!!!!

[YaSSerwIN]

طيب والى عايز يركب زينون على 127 بطريقة سليمة يعمل اية

انا عربيته باظت بسبب النقر والبلاعات الى فى الشوارع المظلمة

[adidas_vip2]

طب ما طالما هما خايفين على عيون الناس اوى كدة طب ما يخافوا على ارواحهم ويظبطوا الشوارع اللى زى الزفت دى ويزودوا الطرق الامنة على السفر وبعد كدة يشيلوا اللى يشيلوة طب ما يشوفوا كام حادثه بتحصل كل نص ساعه على الصحراوى او الدائرى او الزراعى بسبب يا اما الشبورة اللى المفروض الزينون نازل عشانها او ان الطرق زى الزفت وهما ولا بيصلحوا طرق ولا بيخلونا نركب زينهم هههههه الناس دى عاوزة تموتنا وخلااااااااااااااااااص وعلى العموم ابقوا شيلوة ولو انت ظابط اكيد مش هييجوا يشيلوا الزينون اكيد هايبعتولك عسكرى يلمعلك الفوانيس بلد بتاعت ظباط صحيح

[kemo_hacker]

حكومة عايزة تلم فلوس باى شكل

طب يصلحوا الشوارع الاول من المطبات والبلاعات المفتوحة وبعدين يبقوا يتكلموا

دة كوووم وعواميد النور بتاعت الطرق اللى بينوروها الصبح ويطفوها بالليل

*** ****
____________
برجاء الالتزام باداب الحوار
مشـرف القسم.

[aif]

قرار صائب وممتاز واتمني تطبيقه بمنتهي الحزم ... من المرات القليلة المرور ياخد قرار صح
البتاع ده بيعمي الناس اللي جاية في المقابل .... تخيل نفسك في طريق سريع فردي واصلا شايف بالعافية وفجأة لقيت الزتيون ده في عينك ....... يبقي اما في الترعة او في الأتجاه العكسي او لابس في شجرة كافور من اللي علي الطريق
خلينا منطقيين و موضوعيين ... مش كل حاجة تيجي من الحكومة تبقي وحشة ... هو فعلا مش مناسب لمصر ..اولا الجو عندنا مش محتاج ... ثانيا احنا اصلا بنسيئ استخدام الميه الساقعة ... ما بالكم بالبتاع المهبب ده ... ده لو اتساب ... ح ينتشر وتبقي مصيبة .
اللإعتراف بالحق فضيلة

[Engesso]

يا جماعة الحكومة كل ما يشغلها هو لم الفلوس فقط، والله ولا تفرق معاها صحة الناس...

[talent]

انا اعرف ان النور العالى بتاعنا هو ال بيضايق لانه بيطلع بطريقه عشوائيه من الكشافات
بعكس الزينون تماما

[ask]

:arghh: يا جماعه الموضوع اللى الحكومه عايزه تعمله والله حلو فى الطرق الفرديه اللى فيها العربيات رايحه جايه فى طريق واحد بس يا ترى الكلام ده بيتطبق على عربيات والاد الزوات والبشوات والوزرات والا ايه ............................؟

[kingnoro]

معلش حكومتنى اللي بتفهم وكل الدول برة بهائم

[aif]

معلش حكومتنى اللي بتفهم وكل الدول برة بهائم

الناس في مص مش بتحط زينون مظبوط .. والهدف منه ( عند 80 % ) مجرد انه يضرب في وش اللي قدامه عشان يعميه..او يثيت للناس اللي حوله انه احسن منهم وعنده حاجه متفوقة عليهم ( مركبات نقص بعيد عنكم ) .... لو انتشر ح يبقي كارثة ... احنا بنسيء استخدام المياه فما بالكم بالاختراع ده اللي اسمة زيتون
بلاش تحسب الموضوع عن اعضاء المنتدي .... اعتقد ان دول نخبة من المجتمع
لكن تخيل لو المكروباسات الرمسيس مركبة زيتون ... والنص نقل مركب زيتون ... والنقل مركب زيتون ... والاجرة مركب منه دستة .....
ابقو فرجوني بقي مين اللي ح يعرف يسوق في مصر المحروسة
المفروض يطبقو الكلام ده بكل حزم ........