اضحك مع رجال المرور

[wahba87]

والدى خد مخالفة سرعة كان ماشى 73 فى طريق المطار

[devilishtigers]

فى اشارة فى الخليفة المامون و انت رايح روكسى اللى جنب فندق بس مش فاكر اسمه
الناس بتمشى لما بتبقى احمر و تقف لم تبقى اخضر حتى لو فى عسكرى واقف

ولا الاشارة اللى تخت كوبرى العباسية عشان تخش الخليفة المامون تفتح 30 ثانية و تقفل 90 ثانيه

انا فعلا بيطلع عيني وبكون عايز اعيط لما اقف في اشارة فندق تريومف والاشارة اللي بعدها على طول
بجد محتاجين حد فاهم ينظم ويريحنا من الهم اللي احنا فيه

والدى خد مخالفة سرعة كان ماشى 73 فى طريق المطار

هو في رادار بعد ما تنزل من الكوبري وانت متجه للمطار

[shiko85]

والدى خد مخالفة سرعة كان ماشى 73 فى طريق المطار

فين دا يا باشا ؟؟
الشارع الطويل اللى من بعد الدخله اليمين اللى عند الكوبرى ؟؟
المفروض السرعه كام ؟؟

[mmffor]

............*

if they will do that i will go from tomorrow and apply in traffic police academy

[SGH]

انا اتاخدت مخالفة على 67 قبل طنطا على الزراعى واكتشفت ان معظم الزراعى 60 يعنى الواحد يروح اسكندرية ولا دمنهور فى يوم و يقولك علشان السكن اللى على الطريق طب سيبتوهم لية يبنوا لغاية لما المبانى بقت فى نصف الشارع؟؟؟؟؟؟؟؟؟؟؟؟

[mody_halawa]

والدىة كان راجع من إسكندرية مع سواق بيجو كان لابس جلابية و قفواه فى لجنة و قالوا يا تقلع الجلبية يا أخد رخصك راح حاطط له الجلبية فى البنطلون اتلى كانت لابسه تحتها و عدى

هههههههههههههههههههههههههههههههههههههههههههههههه جامدة والله

[Ahmed Galal]

السواقة بالجلابية مخالفة و العمة كمان عشان بتشوش على الرادار

[Ahmed Sharaf]

السواقة بالجلابية مخالفة و العمة كمان عشان بتشوش على الرادار

حلوة قوي.

[tareksaber]

رد

أنا لسة واخد مخالفة رادار على طريق أسيوط القاهرة الغربي على سرعة 105
واللى كان قبلى خد مخالفة على سرعة 95
يعنى المطلوب امشى 500 ك من سوهاج الى القاهرة على سرعة 90 ازاى ؟
دفعت زى الباشا 150 جنية ورفعت السرعة الى 120

[bshndi]

موضوع السواقة بالجلابيه ده ممنوع للأجرة فقط وليس للملاكي ومش عارف ليه الرخامه ، بس للأسف ساعات ما بتنفعش غير قلة الأدب والكلمة إلي البلد حفظتها أنا مين وإبن مين ، يا إما يتهت ويسيبك يا إما يدي الرخصة للضابط إلي واقف وتتصرف معاه بالتليفون أو بقيمة المخالفة .
ربنا يسترها علي الجميع ، طريق إسماعيلية رخم حاول دائماً تخلي السفر متأخر أو بدري الصبح علشان تتقي الحملات والرادار وكذلك زحمة السلام :)

[wghazi]

انا لسة واخذ مخالفة رادار علي 145 كم انا طبعا غلطان, بس الي يغيظ ان و انا واقف اغتت علي العسكري علشان مدفعش سمعت علي اللاسلكي رسالة" شيروكي سوداء165 كم" و ببص لاقيت الشيروكي امامي و الضابط بيكلمة و بعدين عدي عادي!!!
المهم الضابط لاقاني طولت مع العسكري ام جاي فقولتلة اشمعنا الشيروكي عدي و هو 165كم؟ قالي دة معاه تصريح مأمورية و اياكش ماشي علي 200كم هيعدي!!!!!
يعني الاخ الضابط الي سايق و معاة مراتة و عيالة في مأمورية عائلية و من حقة يمشي زي ما هوا عايز.

هيا مخالفه الردار دى مش المفروض انها للحفاظ على حياه الناس؟

يعنى المفروض مفيش حاجه اسمها ماموريه لفلان ومن حقه يمشى باسرع من المفروض
ولا هو بياخد مع الماموريه والتصريح ورقه فيها ضمان انه مش ح يحصله حادثه عشان هوه فى مهمه قوميه


ربنا لا تؤاخذنا بما فعل ال .............. منا

[devilishtigers]

ربنا لا تؤاخذنا بما فعل ال .............. منا

[saf_saf123]

يا جماعة حد شاف الاشارة للي في جامعة الدول
ده انا ضحكت ضحك يوم ماشفتها
عاملين الاشارة وحطين فوقيها لوحة بتقول اوعى تقطعالاشارة عشان مراقبة بكاميرا وعملنها متفح والسياح هناك عمالة تصور كان ناقص ينزولها خر في الاهرام
احنا قدامنا 100 سنة عشان نكون زي الدول التانية اللي احنا اللي علمناهم يعني ايه مرور
اليابان بتحتفل بانهم ازالوا اخر اشارة واحنا عملين مهرجان على تركيب اول اشارة صحيحة في مصر
عمار يا مصر

[saf_saf123]

يا جدع دول العالم كلها عاملة الردار ده هقولك ايه
السعودية مثلا بين كل عربية شرطة وعرية شرطة تانية لا يزيد عن كيلو
ومشغلين السفتي عشان تشفها من بعيد
ليه بقى عشان انت لو كان بين كل عربية وعربية من بتوع الشرطة كيلو مش ها تلحق تزيد عن السرعة القانونية فكده يبقى حماك وخمى الاخرين من غير مخالفات احنا هنا بنتفنن ازاي نضحك على الشعب ونخبي الردادر ده لو جسوس مش ها يتخفى كده اللي تلقيه ورا صخرة على الصحراوي او حفرلنه خندق من بتوع الحرب واللي تلقيه فوق شجرة على الزراعي او لابد في درة ولا مستخبي ورا جموسة واقفة حاجة تجنن

[smax]

هيا مخالفه الردار دى مش المفروض انها للحفاظ على حياه الناس؟

يعنى المفروض مفيش حاجه اسمها ماموريه لفلان ومن حقه يمشى باسرع من المفروض
ولا هو بياخد مع الماموريه والتصريح ورقه فيها ضمان انه مش ح يحصله حادثه عشان هوه فى مهمه قوميه


ربنا لا تؤاخذنا بما فعل ال .............. منا

كلامك سليم جدا . عايز اقولك انة اكيد مش طالع مأمورية في عربيتة الخاصة و معاة مراتة و عيالة و لا معاه تصريح و لا نيلة و الغريب ان الموضوع بتاع الضباط الي بيخالفوا بدون عقاب بقي هوا القاعدة يعني ركز علي الناس الي ماشية عاكسي و لازق فيمة و شايل النمر.... هتلاقي اغلبهم من الاخوة الضباط الي المفروض انهم بينفزوا القانون علي الكل و المفروض يكونوا قدوة للأنضباط!