مساعدة في شراء غطاء water proof

[ehab]

عايز مساعدتكم يا اعضاء نايل موتورز
شوفت غطاء water proof في اسبينز ب100 جنية
و شوفت واحد تاني مختلف شوية في كارفور ب 210
هل حد جرب دا او دا يقولي علي الفرق او انهي افضل لان انا مش عارف افاضل بينهم
او حد يدلني علي مكان اجيب منه هو الغطا دا الي عاجبني فيه انه فيه طبقة ناعمة من جوا .
و شكرا .

[Ahmed Selim]

فى عرض للمنتدى من شركة top cover
خصم خاص للأعضاء من شركة Top Cover Egypt

أنا و كذا عضو فى رينو و فى بروتون كمان عملنا أغطية عندهم و هى ممتازة فى رأيي
كنت راكن العربية فى يوم من الصبح و مغطيها و نزلت على الساعة 4 شيلت الغطاء و ركبت العربية حسين أنى كنت راكن العربية فى الظل.

سعرها بيبقى فى حدود 200 جم و الخصم 15% للأعضاء.

[أحمد كمال]

chato_eg مشكورا جاب لي غطا هدية مرتين منهم

واحد اما اتجوزت و واحد لعربيتي الجديدة

و الاتنين تحفة

[medo980]

انا لسة جايب واحد من التوفيقية نضيف جدا ب 145 جنية

[aescorc]

أنا اشتريت واحد صينى بـ 130 جنيه المقاس الكبير
و المقاس الوسط منه بـ 120 جنيه

[abo_lamar]

أنا اشتريت كفر وتر بروف الحجم الوسط Medium ب 120 جنيه .. بس عايز نصيحتي .. الغطا ده ممكن بسهولة يتسرق فهات احسن غطا عادي مش حيزيد عن 40 او 50 جنيه .

[ahmed_atik]

انا جبت غطاء أكثر من ممتاز من سبير كار اللي في امتداد رمسيس ووتر بروف بالشنطة بتاعته متبطن من جوه عشان ميحكش البويه ب 120 جنيه