فيمت العربية وربنا يستر!!

[zzizzo]

بالليل بدل ما تفتح الزجاج افتح نور الكابينه الداخلي

الي هوه في سقف العربيه

وبالنهار افتح بس الزجاج الامامي

والنظريه في كده
ان بالليل النور الداخلي بينور الكابينه كلها فا ما بيلاحظش ان العربيه مضلمه من الفامية

وبالنهار لما بتفتح الزجاج الامامي النور بيدخل جوه العربيه فا بينورها وبيعطي نفس النتيجه بتاعة اللمض الي في السقف

انا مفيم درجة 02 من سنه

وما حدش وقفني غير مره واحده علشان نسيت افتح الزجاج الي جنبي وعلشان كانت بصراحه ساعتها النمر ممسوحه

[sherifahmed]

معلش يعنى بس ليه الاصرار على مخالفة القانون ؟

[ASKAFRAWY]

معلش يعنى بس ليه الاصرار على مخالفة القانون ؟

هو ياباشا مش اصرار ولا حاجة الحكاية كلها ان حر الصيف و عدم كفاءة التكييف فى عز الضهر تخليك لازم تشوف حل عشان ما تتسلقش جوا العربية
1-تفييم العربية
2-v-cool ودة غالى شويتين
3-ستاير كبس
وانا عن نفسى بعد ما جربت الستاير الكبس عرفت قيمتها كفاية انى كنت بركن العربية ساعتين فى عز الضهر و اجى اركب لازم استنى ربع ساعة و افتح ال3 شبابيك عشان اعرف اسوق
دلوأت بصراحة مبحسش ان العربية واقفة فى الشمس اساسا

[HeMa_LanCeR]

الدرجة 01

ماتقلقش كلها شهر بالكتير وهتلاقيه بقي خفيف جدا ومبين كل حاجه ومحدش هيتكلم عليه
هو بس في الاول بيكون غامق شويه لكن بعد مده من الشمس هيكون تمام

[ashouhdy]

الفامية 00 ذى 03
لو فيمت فيم صح
ذى بالضبط لو سرقت اسرق جمل !!
يا عزيزى كلة مخالف فالما تتسحب خليها تتخالف ع حاجة تستاهل مش 00 او 01
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!

[Medo007]

الفامية 00 ذى 03
لو فيمت فيم صح
ذى بالضبط لو سرقت اسرق جمل !!
يا عزيزى كلة مخالف فالما تتسحب خليها تتخالف ع حاجة تستاهل مش 00 او 01
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!

مش صح اوى لانك لو مفيم كله دارك 05 حتى
ودخلت لجنة والظابط شافك
هيقول ده حلال فيك سحب رخص وتخش فحص
اما لو شاف درجة الفاميه قليلة
يقولك مخالفة ملصقات وخلاص 50 جنيه

[ahmad--ezzat]

الفامية 00 ذى 03
لو فيمت فيم صح
ذى بالضبط لو سرقت اسرق جمل !!
يا عزيزى كلة مخالف فالما تتسحب خليها تتخالف ع حاجة تستاهل مش 00 او 01
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!

لا طبعا 00 دة low low black اخف من 03 بكتييييييير

وحتى لو الفاميه مش ممنوع مش بحب الازاز يكون اسود اوى يعنى

[P407]

طيب يا جماعة لو اتسحبت ارخصة و انا ليا حد يقدر يجبهالى برضو حدفع الغرامة وبعدين لو الظابط لو شافنى وانا بنزل الازاز (مفيم الازازين الادام) ممكن يقولى ارفع الازاز

[P407]

اة با جماعة ما حدش عايز يرد عليا لية؟؟؟؟؟؟؟

[Medo007]

طيب يا جماعة لو اتسحبت ارخصة و انا ليا حد يقدر يجبهالى برضو حدفع الغرامة وبعدين لو الظابط لو شافنى وانا بنزل الازاز (مفيم الازازين الادام) ممكن يقولى ارفع الازاز

لو حد هيعرف يجبهالك يبقى تمام
زي ما حصل معايا قبل ما اطلع رخصة قيادة اتسحبت مني جبتها
والمخالفة مدفعتهاش واسطة
ولو شافك برده منزل الازاز قدامه هيقولك ارفعه وتتخالف عليه

[GMakram]

مش عارف المفروض اقول مبروك ولا ربنا يستر عليك بصراحه,انا عارف قد ايه الواحد لما بيكون عامل حاجه جديده فى عربيته بيبقى مبسوط بيها وبيتضايق لما حد يقوله ده مش صح او مش حلو,موضوع الفيميه طبعا الاعضاء كلهم عارفينه ومش محتاج كلام زياده بس انا من يومين كنت قرأت ان احد اعضاء المنتدى كان مفيم ودخل لجنه والظابط رخم عليه خلاه يشيله بالمفاتيح بتاعت العربيه فخد بالك
عموما مبروك ورمضان كريم
تقبل تحياتى

[Michael_Lanos]

حسبي الله و نعم الوكيل... على اية دا كله مش عارف!!

يا باشا ده علشان المرور بتاعنا ناس محترمه وماشيين بما يرضى جشعهم وقرفهم

[abo_lamar]

والله بعد الكلام ده كله انا نزلت وشيلت الشغل اللي عملته .. مش عايز فامية .. عايزيين نمشي جنب الحيط احسن

[Michael_Lanos]

والله بعد الكلام ده كله انا نزلت وشيلت الشغل اللي عملته .. مش عايز فامية .. عايزيين نمشي جنب الحيط احسن

جدع يا مان
بدل ما ظابط تيت يخربشلك الزجاج وياخد الرخص

[Abdallah]

والله بعد الكلام ده كله انا نزلت وشيلت الشغل اللي عملته .. مش عايز فامية .. عايزيين نمشي جنب الحيط احسن

الى يحضر العفريت لازم يصرفه, لو معرفش يصرفه يستحمل اذاه وصدقنى الى انت عملته دة ارحم كتير من الأذى الى ممكن العفاريت تسببهولك....
انا عندى لانوس مركب فيها ستارة خلفية و 2 باب خلفى ومحدش بيتكلم عليهم وممتازين فى الشمس وطبعا هى ستاير كبس.