الجريده السودا بتاعت الباب اجبها منين ((نرجو الرد))

[casperinoo]

وهل محتاجه فرش الباب يتفك علشان تتركب؟؟
ومكانها في تطبيقه بسيطه كده ديه ارجعها ازاي؟؟
ان عارف ان الموضوع بسيط بس العبد لله لسه ابيض في كل حاجه...فياريت تساعدوني
وياريت لو حد يعرف تتكلف كام يقولي؟؟

[HNaga]

والله لو العربيات زى بعض يبقى الجريدة بتتفك من برة مش من جوة
الجريدة بيتبقى ماسكة فى الباب بكليبسات والباب بيكون مخرم وكل خرم ليه مجرى صغير
عشان تفكها لازم تشدها مواية للباب عشان الكليبسات تمشى فى المجرى و بعد كده نشدها لبرة
ونفس الطريقة عشان تركبها

[hazem_khidr]

ممكن تكون كلبسات و ممكن تكون لزق
لو لزق سهله جدا و من غير ما تفك فرش الابواب و لا حاجه.
انما لو كليبسات بقي علي حسب
لو عندك مجري زي ما نجا باشا قالك يبقي مفيش مشكله
لو الكليبسات متثبته حتضطر انك تفك فرش الابواب و تركبها

[casperinoo]

شكرا ليكو بس تتجاب منين؟؟

[hazem_khidr]

من عند بتوع الكماليات

[Sherif Khalifa]

المتر ب 10 جم لزق
اغسل العربية قبلها و لما يركب متجيبش علية مية ليوم كامل عاشان اللزق ينشف كويس

[banboty]

هي العربية نوعها ايه ؟؟؟

لان الاكسنت مثلا بتتباع الجريدة بتاعتها بالواحدة

[zakiali]

وأيه ميزه الجريدة الجلد دي ؟