دواسات حديد

[samirpop2]

انا مسافر في رحله تبع الشغل الي سيوه ومن سيوه داخل الجبل الي الواحات 350 كيلو داخل الرمل انا كنت عايز اعرف لو حد يعرف ممكن اشتري منين الدواسات الحديد اللي بتتحط تحت العربيه لما تغرز

[amrrashed]

بقالك كتير غايب يا سمير فينك يا راجل ؟؟

[samirpop2]

والله انا نفس اشارك علي طول بس ظروف الشغل كانت صعبه الايام الي فاتت بس ربنا يسهل واكون متواجد علي طول

[samirpop2]

وانا متشكر علي اهتمامك بوجودي في المنتدي

[fahd_628]

بصراحة معنديش فكرة خالص

بس فية شركة كدة بتطلع لجيب اكسسوارات اسمها MOPAR ممكن تسأل كدة فى التليفون او حاجة

[hazem_khidr]

حمد الله علي سلامتك يا راجل انت فين و الله واحشني
المهم ما تغيبش عليناكده
اما بالنسبه للدوراسات ما انا ما شوفتهاش قبل كده

[eng_mkhalaf]

طب ممكن توضح لينا أية هيا الدواسات دية وبتحمى أية بالظبط وبتتحط فين

[samirpop2]

الله يسلمك يا استاذ حازم و انا سعيد جدا بأهتممكو لرجوعي ان شاء الله اكون متواجد علي طول
بالنسبه للدواسات هي مش بتحمي حاجه كل شغلها ملما العربيه تغرز في الجبل بترفع الرمل بكوريك رمل وبعد كده بتحط الدواسات تحت العجل الخلفي علشان العجل يمشى عليها مش يلف علي الفاضي هي عباره عن قطعه من الحديد خشن علشان متتزحلئش انا ممكن اعمل اثنين عند الحداد بس مش هتكون زي الاورجينال لان لها دوفر بينزل في الرمل علشان متجريش تحت العجل كل ده لان عندي في الشغل بنعمل رحلات سفاري كتير بلعربيه ولو معرفناش نطلع من الجبل مشمش هشوف الاسفلت تاني

[hazem_khidr]

يبقي دور عند بتوع الكماليات الكبار زي ارابكوم 2000 مثلا اكيد حتلاقيها عنده .
و الف حمد الله علي سلامتك يا سمير بيه

[eng_mkhalaf]

الصراحة أول مرة أسمع عنها ومش هقدر أفيديك

[samirpop2]

انهارده انا نزلت سالت عند بتوع الكماليات مفيش بس وصلت لحل كويس رحت للجماعه بتوع لطاط الجيش في جسر البحر في شبرا وعرفت شكلها وهروح اعملها في السبتيه لان دي كان موجود منها في الجيش بس دلوقتي محدش مهتم يعملها لان مفيش طلب عليها
علي اي حال انا متشكر جدا لااهتمام بلموضوع

[IAbdou]

كل دة للتكتك ال 6 سلندر ؟؟!
:| :| :| :| :|

[eng_mkhalaf]

كل دة للتكتك ال 6 سلندر ؟؟!
:| :| :| :| :|

تكتوك دة علشان العين العربية أصلا شيروكى 6 سليندر :shock: :shock: :shock:

[samirpop2]

والله لا عين ولا حاجه هي مش شيروكي دي تويوتا لاند كروزر برادو موديل اكتوبر 2007
بس والله بتاعت الشغل انا غلبان عندي 128

[eng_mkhalaf]

والله لا عين ولا حاجه هي مش شيروكي دي تويوتا لاند كروزر برادو موديل اكتوبر 2007
بس والله بتاعت الشغل انا غلبان عندي 128

طب ممكن تيجى بيها المقابلة الجاية نعملها تست دريف :D :D :D