عايز اجيب مقاس لضغط الأطارات

[محمد محمد]

السلام عليكم ورحمة الله وبركاته........
عايز اشتري مقاس لضغط الأطارات يكون بيدي قرأءة صحيحة .
انا كنت جايب واحد تايواني خلفيته بيضا بس لقيته تعبان وبيدى قراءة خاطئة.
ياريت تفيدوني وشكرا.

[A.Saad]

ممكن تلاقى فى راديو شاك
بيكون ديجيتال
وممكن تلاقى فى محلات ابو الجوخ للعجل
عداد
وغالبا تايوانى برده
بس عرفت ازاى ان قريته غلط

[sadangel_6306]

بص يا باشا انا جايب نوع حلو جدا المانى وشغال زى الحمار واسمو بوش ودة عبارة عن عداد وماسورة وهتلاقية من جوة فى كفر ازرق وبحوالى 45 جنية واضمنوا برقبتى وعايرتة كذا مرة وزى الفل وبيدى قرايات مظبوطة وهتاكدلك منين بيتجاب واقولك بالظبط لان واحد حبيبى كان جايبهولى من سنة

[محمد محمد]

شكرا ياجماعة علي الردود انا متابع.

[elmashboh]

متابع بأهتمام

[ابوهاشم]

ياريت تقولنا التفاصيل بالظبط
منين وبكام
انا كمان عاوز اشترى واحد
لان بصراحه وعن تجربه
كل العدادات اللى عند بتوع الكاوتش بايظه
وبتدى قراءه غلط
مره يضغطلى الكاوتش على الاخر
ومره يفضيه لحد ماينام وانا غلبت معاهم
والله مره روحت بنزينة شل ضغطلى الكاوتش بطريقه غبيه
والعداد بتاعهم بايظ وروحت لبتاع الكاوتش بعدها ظبطه
علشان كده عاوز اشترى واحد بتاعى لواحدى اقيس انا بيه

[Sameh]

أنا كنت على وشك أشترى واحد من على النت إنجليزى لأنى يأست إنى ألاقى مقاس هوا محترم فى مصر !!!
فى مرة جربت المقاس اللى معايا والمقاس اللى عند بتاع الكاوتش لاقيت الفرق 10 درجات كاملة !!
يا ريت تقولنا موضوع المقاس الألمانى ده جبته منين

[dr-mohamed]

يا حاج
يا ملاك يا حزين
انت فين
الناس كلها حزينة وعايزة تعرف المقاس جالك منين
الحق وقول بسرعة قبل ما الكل يدعي عليك وتبقي انت الحزين

[ramylanos]

انا جايب واحد من شارع الجمهوريه المفروض انه ايطالي تقريبا كان ب 40 جنيه من سنتين تقريبا

وشغال تمام الحمد الله

انا جبت بعد ما شفت الي كان بيحصل في فيا من بتوع الكاوتش

يقولي ظبتهولك علي 30 الاقيه بعد كده علي 42

رجعتله وقلتله لو حد ماشي علي طريق والكاوتش فرقع والعربيه اتقلبت بيه ذنبه في رفبتك

اروح لواحد تاني يقولي مقاسي مظبوط بالمللي اقوله اظبط ياعم الحج

الاقي الكاوتش بعد كده فيه 20

وانا بسافر كتير وربنا يستر علشان كده جبت المقاس وياريت كل الناس تجيب المقاس علشان مهم وخطر جدا موضوع ضغط الاطارات

[ahmed azab]

انا اشتريت من قريب واحد ديجيتال ب 30 جنيه مظبوط تمام وسهل الاستخدام وجاري رفع صوره

[محمد محمد]

يا ريت الأخوة اللى اشتروا يقولوا مكان الشراء والسعر وباقي التفاصيل وحبذا لو فيه صور.

[ابوهاشم]

منتظرين الردود وباهتمام
وشكرا للى فتح الموضوع ده
ودعوه عامه لكل مالك سياره
انه يكون معاه المقاس ده من ضمن عدة السياره
فعلا ياجماعه المقاس ده مهم جدا
ومهم طبعا يكون سليم ومظبوط

[sadangel_6306]

مقياس الهواء للاطارات

انا جبت لكل المتابعين موضوع مقياس الهواء لكاوتش السيارة
اولا هو المانى الصنع
ونوعة VDO
ودة يا جماعة ومش على شان بتاعى بشكر فية الجهاز دة حمال اسية منى ومرة داست علية عربية وزى الفل
وثمنة هتلاقية من 45الى 55
وهتلاقوة منتشر جدا بس عند المحلات المحترمة وفى منة فى المطرية بس للاسف جيت اجيب العنوان ومحل التليفون بتاع المحل وجدت صاحب المحل فى عمرة ومرفق الصور
ولكم تحياتى وكدة تمام يا CAIRO2005

[ابوهاشم]

جزاك الله كل خير
ومنتظرين تقرير العداد الديجتال

[aymansaad]

انا اشتريت واحد من شارع الجمهورية ايطالى ب45 جنيه
وكان فى تقليد ب30جنيه بس الراجل نصحنى بعدم شرائه