3 حاجات نفسى احطهم فى العربية

[M.Mekawy]

بقالى فترة فى 3 حاجات نفسى احطهم فى العربية و دماغى مش رايقة أدور عليهم

1- wire لجر السيارة فى حالة الطوارئ
2- وصلة البطارية لتوصيلها ببطارية أخرى فى حالة الطوارئ
3- الكومبريسور اللى بيشتغل على الولاعة

فيا ريت اذا كان حد من السادة المحترمين هنا اشترى أى حاجة من الحاجات دى و جرب أنواعها و بالذات كابل البطارية لأان اللى أعرفه ان فى أنواع منه أى كلام , و يا سلام كمان لو قال همة جابها منين ( بس بلاش التوفيقية و لا الهرم )
متشكرين مقدما لكل من سوف يقدم يد المساعدة لأخوكم , و يا بختك يا فاعل الخير .

[Lion_Heart]

و هل فى انواع من الكومبريسور و اسعاره كام

[محمد محمد]

الحاجات دي موجودة في كارفور.

[samey]

بص باة انا عندى كابل توصيلة للبطارية ودة لازم تعمله عمولة علشان يطلع كويس لان كل الموجود جاهز فى السوق مالوش لازمة والسلك بيسخن جداا وفى كثير من الاوقات مايرضاش يقوم المارش .
والسلك العمولة انك تجيب 4 متر سلك 10 ميللى وتقسمهم نصين يعنى كل جزء 2 متر وتجيب2 مشبك نحاس كبير بيد سوداء و2 مشبك نحاس بيد حمراء , وتركب الاثنين الحمر فى سلك والاثنين السود فى السلك الثانى ..

[eng.octooo]

1- wire لجر السيارة فى حالة الطوارئ
2- وصلة البطارية لتوصيلها ببطارية أخرى فى حالة الطوارئ
3- الكومبريسور اللى بيشتغل على الولاعة

الكمبريسور موجود فى كارفور ب 90 ج تقريبا
ووصلة البطارة اعملها عمولة زى ما سامى قالك والوير دة مش عارف منين او بكام

[M.Mekawy]

بص باة انا عندى كابل توصيلة للبطارية ودة لازم تعمله عمولة علشان يطلع كويس لان كل الموجود جاهز فى السوق مالوش لازمة والسلك بيسخن جداا وفى كثير من الاوقات مايرضاش يقوم المارش .
والسلك العمولة انك تجيب 4 متر سلك 10 ميللى وتقسمهم نصين يعنى كل جزء 2 متر وتجيب2 مشبك نحاس كبير بيد سوداء و2 مشبك نحاس بيد حمراء , وتركب الاثنين الحمر فى سلك والاثنين السود فى السلك الثانى ..

الكمبريسور موجود فى كارفور ب 90 ج تقريبا
ووصلة البطارة اعملها عمولة زى ما سامى قالك والوير دة مش عارف منين او بكام

فعلا كابل التوصيل و احد بتاع بطاريات قاللى برضه أعمله عمولة مجيبوش جاهز عشان الجاهز أى كلام , عشان كدة سألت اذا كان برضه فى نوع جاهز كويس بس شكلى كدة هشوفلى كهربائى يعمله , و الكومبريسور برضه سمعت انه فى كارفور , بس محدش يعرف ماركة معينة ؟
ناقص كدة ال wire , يا ريت حد يدلنا عليه

[A.Saad]

[b]الواير فى كارفور وبنزينات شل
وفيه واير صلب او قماش عريض

[/b]

[medozaed]

ايه الحكايه انت كل تفكيرك فى الاعطال
الكابل ده بهدله على الفاضى ياعنى البطريه مابتعملهاش الا كل ثلاث او اربع سنين ولما تعملها جيب وحده جديده بسرعه وريح دماغك والبطريات رخيصه
الواير ده بيبهدل العربيه فى الجر لو العربيه عطلط خلى واحد صحبك يبجبلاك ميكانيكى وهو هيشغلهالك
اما الكمبروسر انا بتهيالى انه دوخه على الفاضى اى حد بتاع كاوتش وانتا معدى هيظبطلك الكاوتش ب1جنيه ممكن تعمل الحكايه دى مره كل شهر وفى ثوانى

[max_ziro]

لقدر الله الاعطال بتحصل ف اى وقت و ملهاش علاقة ب العربية جديدة ولا لا
بس دة تفكير صح
يعنى مثلا انا معرفش امشى منغير العدة ف العربية و كام سايب مية و زيت و طقم البوجيهات القديم علطول ف العربية احتياطى ..
الكابل دة انا عملتة كدة
جبت 3متر سلك نحاس من الى هو صعب تتنية ب ايدك (معلش ولله معرفش كام ملى بس هو حاجة كبيرة كدة بصراحة استطخت هههه)
و ل فردة الارضى جبت كابل اقل و مشابك و الحياة بقت زى الفل
و ب النسبة للواير جبت الى زى القماش دة بيبقى عالم زى الحزام بتاع الامان و دة روعة ..
لسة بقى الكومبريسور بس مبفكرش فيها اوى صراحة ..

[haysam2000]

انا موافقك محدش يعرف ايه الظروف او امتى الكلام ده هيحصل
و على فكرة الواير الصلب اللى فى كارفور حلو و 55 جنيه

[medozaed]

يجماعه العربيه لازم تبقى اصيله وبنت ناس ومايحصلش منها مواقف كده ولا كده ولو حصل لا قدر الله موقف كده ولا كده واتكرر كذا مره يبقى جه الوقت الى تطلق اقصد تبيع فيه العربيه

[medozaed]

هوانا راكب عربيه تريحنى ولا تقرفتى
انفخ والمس سلوك واقطر

[michohat]

عملت سلك توصيل البطاريه عموله وكلفنى 100 جنيه ثمن 4 متر سلك
5 جنيه ثمن الكباشات
ونفعنى كتير ايام لما كانت البطاريه بايظه

[M.Mekawy]

يجماعه العربيه لازم تبقى اصيله وبنت ناس ومايحصلش منها مواقف كده ولا كده ولو حصل لا قدر الله موقف كده ولا كده واتكرر كذا مره يبقى جه الوقت الى تطلق اقصد تبيع فيه العربيه

يا سيدى قدر نسيت الفلاشر , قدر الكاوتش اتخرم خرم بسيط , قدر العربية وقفت لسبب او لاخر بعيييد عن اى خدمة جر , و كمان قدر أى واحد صاحبك احتاج مساعدة , تبقى انت جاهز تساعده باللازم

بس 100 جنيه !! تمن السلك ؟

[M.Mekawy]

متشكر يا جماعة لكل من ساهم بالرد , ربنا يكرمكوا ...