أستيكر زجاج عازل للحرارة

[Dawayaty]

السلام عليكم
كنت عاوز استفسر عن موضوع الأستيكر رول اللى بيتلزق على الزجاج زى الفامية و بيكون عازل للحرارة و UV protection
انا كنت سمعت ان فيه نوع اسمه V-Cool لو حد يعرف معلومة عنه أكون شاكر جدا
و ايضا وجدت نوع عادى و مكتوب عليه انه بيمنع الحرارة و يوفر فى استهلاك التكييف و أكد الراجل انى ممكن اركب العربية فى الشمش و لا يحدث اى سخونة داخل السيارة
و ده كان تكلفته حوالى 160 جنيه للأربع ابواب و الزجاج الخلفى

ممكن معلومات و ايضا هل يمكن عمل جميع السيارة بما فيها الزجاج الأمامى
و هل هناك مخالفة مرور لو كان شفاف او هناك درجة لون خفيفة جدا

منتظر آراء الأخوة الأفاضل

[amrrashed]

اى فيميه بيجيب مخالفة على طول الا اذا كنت ثابت الفيميه فى الرخصة ودى عايزة واسطة جامدة اوى وكمان اى ملصقات على العربية ممكن تعرضك لسحب الرخصة ...

[eng_mkhalaf]

الفى كوول ب 600 جنية وتركيبة لية طريقة خاصة
160 كويس جدا بس عايزين حد مجربة وبالنسبة للزجاج الأمامى دة ممكن بس هيكلف كتير قوى علشان حجمة

[Dawayaty]

amrrashed
بخصوص هذا الإستيكر فهو شفاف و لو فى درجة لون قليلة مش هيبان تماما

eng_mkhalaf
حضرتك تعرف فين يباع ال V-COOL و هل فعلا بيمنع الشمش تماما

[Karim_Monir]

ال في كول مفيش غير مكان واحد بس في القاهرة
بنزينة وطنية اللي جنب سيتي ستارز
وفعلا هو بيبتدي من 600 للزجاج كامل حتي الامامي
وبيوصل لحد 4 الالاف جنية ده اللي جواه عزل فضة
واللي معقول وشفاف عالي بحوالي 1300 جنية

[Dawayaty]

كريم باشا
يعنى كدة اللى ممكن يركب و يكون عزله كويس ب 1300 جنيه علشان يكون شفاف
و بالنسبة للسعر بتاع 160 جنيه ده انا مش مطمن انه يكون كويس فى الجودة لو ان سعر الفى كوول عالي كدة

مشكورين على ردودكم و ان شاء الله هعدى على وطنية اسأل فيها

;)

[Adham]

سعر 160 جنية دة رائع 8) سمعت السعر دة فين اروح اشوفة

[ramysultan]

بالنسبه لل V-Cool ده اختراع رائع وفعلا بيمنع اشعه الشمس وبياثر جامد علي التكيف وهو نازل اوريجينال مع كل العربيات المرسيدس وال بي ام دبليو الجديده وبتختلف درجاته يعني ممكن تعمل الزجاج الامامي درجه غير الابواب وفعلا هاتحس بفرق وهو مش بيبان بالنسبه لبتوع المرور ....................

اما بالنسبه الاستيكرز العادي هو حلو وبقضي الغرض بس عيبه الوحيد في اللي بيركبه لانه لو متركب وحش بيعمل فقاقيع هوا

[kimoboy]

NOT all BMW and Benz have V-cool in their car, and if they have only in front glass :)

بالنسبه لل V-Cool ده اختراع رائع وفعلا بيمنع اشعه الشمس وبياثر جامد علي التكيف وهو نازل اوريجينال مع كل العربيات المرسيدس وال بي ام دبليو الجديده وبتختلف درجاته يعني ممكن تعمل الزجاج الامامي درجه غير الابواب وفعلا هاتحس بفرق وهو مش بيبان بالنسبه لبتوع المرور ....................

اما بالنسبه الاستيكرز العادي هو حلو وبقضي الغرض بس عيبه الوحيد في اللي بيركبه لانه لو متركب وحش بيعمل فقاقيع هوا

[BASHAR]

اى فيميه بيجيب مخالفة على طول الا اذا كنت ثابت الفيميه فى الرخصة ودى عايزة واسطة جامدة اوى وكمان اى ملصقات على العربية ممكن تعرضك لسحب الرخصة ...

+111111111 ;)

[Hisham_ElFeky]

يعني من ١٦٠ لــــ ١٣٠٠ اكد فيه حاجه غلط