Ipod interface Adapter

[amadjoo]

السلام عليكم,

القصة بدأت عندما أشتريت عربيتى البيجو ال307 ومالقيتش فيها كاسيت طبعا CD فقط وانا كنت متعود انى أشغل الIpod على الشريط الشهير...المهم اشتريت FM transmitter وكان صوته وحش جدا وغير نقى...وبعد البحث وجدت ان فيه حاجة اسمها الIpod interface adapter وهو عبارة عن جهاز بيمثل دور الCD changer والميزة فيه الأتى:

1) صوت نقى جدا.
2) يمكن التحكم فيه من الكاسيت أو ال Multi function wheel.
3) يمكن عرض محتويات الIpod على الشاشة الموجودة فالعربية ودى طبعا ميزة جامدة برضو
4) يمكن شحن الIpod عن طريقه.
5) سهل جدا فى توصيله

ودى صورة للجهاز للى عايز يشوفو:

http://www.nexxia.co.uk/iPod_MP3_Adaptors/images/CTAPGIPOD011.jpg

وده الموقع بتاع الشركة:

Ipod MP3 Car Stereo Adapters & connectors

ياريت لو حد جربه أو يعرف عنه أى معلومات يفدنا لأنى غالبا كده هاشتريه قريب بس كنت عايز أتأكد أنه فعلا بيعمل كل الحاجات دى لأنه كده فعلا يبقى جامد جدااااااا وأحسن من الTransmitter مليون مرة.

تحياتى وفى انتظار مشاركتكم وأرائكم

[a7mode]

اى حاجه فى الدنيا حتبقى احلى من ال fm دا ههههههه

[amadjoo]

والله عندك حق....وشكرا على مرورك

[amadjoo]

يا أهل الصوتيات...مفيش أى معلومة أو مساعدة؟؟

[mikology]

متهيألى انه لازم يكون الكاسيت مزود بخدمه دعم ال IPod

[amadjoo]

لأ مش لازم هى الفكرة بس ان الكاسيت يكون فيه إمكانية تركيب CD Changer بس لأن الجهاز بيشتغل كأنه CD

شكرا على الرد

[KoDaK_Gti]

ابعت واسألهم اذا كان يمشى مع كاسيت عربيتك ولا لاء الاول قبل اى حاجة

[amadjoo]

شكرا يا kodak على الرد وانا فعلا بعت وسألتهم وقالولى انه بيشتغل ومفيش مشكلة بس انا منت عايز اعرف هل فعلا حد جربه على العربيات اللى بتيجى مصر لاحسن يكونو شايلين أى حاجة ولا حاجة انت عارف بقه المصرى

[FunnyMickey]

اول حاجه الجهاز ده موجود بكام
وازاي الواحد يعرف انه ممكن يركب عالكاسيت بتاعه ولا لا
يعني اي كاسيت مكتوب عليه cd changer
يبقي بيركب عليه؟؟؟؟

[amadjoo]

والله ياباشا الجهاز ده سعره حوالى 650 جنيه...وتقدر تعرف إذا كان بيركب عندك ولا لأ من الموقع بتاع الشركة اللى هو:

Ipod MP3 Car Stereo Adapters & connectors

والمفترض انه ممكن يركب على أى كاسيت فيه مكان للCD

[أبو_حمزة]

بالسعر ده اشترى كاسيت جديد و يكون فيهMP3 و Aux و USB

[amadjoo]

هى فكرة برضو بس المشكلة ان الكاسيت العادى مش هاينفع اتحكم فيه من الmulti function اللى فالدركسيون يبقى كده أوبشن راح.
تانى حاجة الليست بتاعة الIpod مش هاتظهر على شاشة العربية عندى يبقى كده الشاشة بالنسبة ليا مالهاش لزمة...وأدى وبشن كمان راح

علشان كده انا شايف ان الجهاز ده مفيد وخصوصا للعربيات الحديثة اللى فيها الأوبشنز اللى قلت عليها

شكرا للمرور والرد

[MoMohsen]

انا دخلت على السايت اللى انت باعته ومن الواضح ان امكانيات الجهاز تنحصر فى انه هيوصل iPod زى الـ cd changer و هيديك امكانية التحكم فى الاغانى على iPod بس فيه حاجة بسيطه تاخد بالك منها:

This ipod connector lead can be used to plug your ipod into your car audio system via the CD changer port giving excellent sound quality. Compatible with most 3rd generation ipod models. The adaptor will charge the ipod, and allow control through the steering controls. Track information will also be displayed.

هما قايلين تراك و المقصود هنا مش ID3 tag هما يقصدوا معلومات التراك زى اكنك مشغل Audio CD على اى كاسيت mp3 اللى بيظهر وقت الاغنيه و رقم التراك بس.

[MoMohsen]

على فكرة انت مش هتلاقى اى حاجة تظهرلك معلومات الاغانى ID3 Tag على شاشة العربيه.
لكن لو هاوز تستخدم الـmulti function steering wheel ممكن تجيب ادابتور زى اللى فى اللينك دة و ساعتها ممكن تركب اى كاسيت يعجبك
CTSPG007 CAN-Bus steering control adaptor Steering Control Adaptor - Car Audio Direct

[amadjoo]

والله يامحمد انا بعت للناس وسألتهم على النقطة دى بالذات واللى رد عليا قاللى انه Track information يعنى الID3 Tag وكمان ممكن أشوف الfolders اللى على الIpod على الشاشة عندى...فالحقيقة انا صدقته لأن ليا واحد صاحبى معاه بى إم 520 وركب الجهاز ده عنده وبيشوف التراكات والفولدرز على الشاشة عنده وأعتقد ان ده برضو ينفع فيه نفس الكلام...عموما أن بعت أشتريه وهايجيلى أخر الشهر ده إن شاء الله وهاقولك على اللى حصل بالضبط

تحياتى لك وشكرا