إعـــــــلان

Collapse

.

,
See more
See less

تصليح كاسيت النوبيرا ...بالصور

Collapse
X
 
  • Filter
  • الوقت
  • Show
Clear All
new posts

  • تصليح كاسيت النوبيرا ...بالصور

    بسم الله الرحمن الرحيم
    كتير من مُلاك النوبيرا اشتكوا ان الشريط بيدخل جوة الكاسيت ومابيطلعش والبعض قال ان ده عيب فى الشريط نفسه وان الكاسيت مابيقبلش غير الشرايط الاصلية....الحكاية دى حصلت عندى وقعدت اكتر من سنة اشغل راديو بس ومش عارف اطلع الشريط المحشور جوة باى حاجة لا سكينة ولا مفك ولا غيره لدرجة ان جزء من الشريط اتكسر وبردو حالف مايتحرك مللى, وديتها لبتوع الكاسيتات كلهم خافوا يفتحوه اساسا و قالولى وديه التوكيل بتاعه لغاية مارحت التوكيل فى الاسماعيلية وقالى ان تصليح الكاسيت لازم فى توكيل فى القاهرة ولما بعته مع واحد للتوكيل فى القاهرة ,التوكيل قاله هنغيرهولك بواحد جديد وطبعا الجديد بتاع نوبيرا 2 فمرضتش اغيره
    وفى يوم من الايام الشيطان لعب فى دماغى وقالى جرب كده فيه (خصوصا ان دى هوايتى) ماهو كده كده بايظ انت مش هاتبوظ حاجة زيادة اتحمست وعملتها والحمد لله نجحت واليكم التفاصيل...اهم حاجة القلب الجامد وافتكر انك مش هاتخسر حاجة لأنه كدة كدة بايظ
    عربيتى نوبيرا 1 فالتابلوه مختلف عن نوبيرا 2 بس بصراحة ماخدتش بالى مختلف فى ايه والشرح على نوبيرا وان بس ان شاء الله يكون فى تشابه مع نوبيرا تو
    اول حاجة هانشيل الاطار البلاستيك اللى حولين الكاسيت...ازاى؟؟ هانفتح درج الولاعة هنلاقى مسمارين فى الدرج من فوق ماسكين الفرام البلاستيك هانفكهم وبعد كدة نحاول نشده بادينا ولو مانفعش ممكن بمفك عادة (هو متركب كبس)
    تانى حاجة هنلاقى مسامير الكاسيت والاكويلايزر هانفكهم كلهم
    هيطلع لينا الاتنين لازقين فى بعض زى الصورة اللى تحت هانفصلهم عن بعض عشان نشتغل على رواقة

    تالت حاجة نمسك الكاسيت عدِل هنلاقى مسامير صغيرة فى الجنب فوق هانفكها(يعنى المسامير فى الجنب) وباى حاجة(انا عملته بمفتاح الشقة) ليها سن نشيل غطا الكاسيت الحديد(سقف الكاسيت ) والصورة دى بتوضح مكان المسامير



    رابع خطوة هنلاقى الكاسيت من جوه بالشكل ده..الدايرة رقم واحد ده الشريط اللى اتكسر وانا بحاول اطلعه والدايرة رقم اتنين ده الماتور اللى هانشتغل عليه




    خامس حاجة هنلف راس الموتور الصغير ده (فى الدايرة رقم واحد) بس الصراحة مش فاكر انهى ناحية المهم انك تحس ان مكان مدخل الشريط( عند السهمين الحمر فى الصورة) بيطلع لفوق وماننساش اهم حاجة واللى انا افتكرت نفسى فشلت بسببها>>>شايفين الدايرة رقم اتنين هتلاقوا حديدة صغيرة على شكل حرف L .الحديدة دى هتلاقوها داخلة فى اتجاه السهم اللى جمبها ومانعة الشريط انه يطلع لفوق..الحديدة دى هانشدهها لبرة يعنى عكس اتجاه السهم اللى مرسوم جمبها ونبدأنلف راس الموتور فى الاتجاه اللى تحس ان الشريط بيترفع لفوق لما بتعمله وماننساش ده كله واحنا شادين الحديدة الصغيرة برة الهيكل اللى فيه الشريط



    طبعا هتلاقوا الشريط اترفع وبقى قدام باب الكاسيت بس مش راضى يطلع منه, انزلوا وصلوا الكاسيت بالعربية واول حاجة هاتشوفوها هو الشريط وهو بيطلع من الكاسيت ان شاء الله...صوروها فيديوا وذلوا بيها التوكيل

    الموضوع ده افتكاسة شخصية وتصوير حى من غرفتى بعد اغلاق ابوابها بالمفتاح ..لأن لو كان السيد الوالد قفشنى مع الكاسيت المتفكك كان ممكن يحرمنى من الميراث ويطردنى من البيت ويتبرى منى كمان لذا ارجو عند النقل ذكر المصدر:نايل موتورز
    وفقكم الله
    [CENTER]نص مخى شريحة الكترونية ونصه التانى ماتور عربية
    [/CENTER]
    محمود حمودة...صيدلى عاشق للهندسة

  • #2
    عملوها الوحوش ....................... ياريتنى كنت معاهم قبل ما يقفلوا الغرفة بالمفتاح
    [SIGPIC][/SIGPIC][FONT=Arial Black][SIZE=4][B]
    وطنى لو شغلت بالخلد عنة
    نازعتنى الية فى الخلد نفسى[/B][/SIZE][/FONT]
    الأربعاء 27 جمادى الثانية 1431

    Comment


    • #3
      شكرا على مشاركتنا التجربه الناجحه دي
      م / محمد حماد
      =========

      بعد جدال عنيف بينه و بين زوجته , اتت اليه زاحفه على يديها و ركبتيها . . . . و صاحت به . . . . . . كن رجلا و اخرج من تحت السرير :)

      Comment


      • #4
        الله ينوّر عليك
        :S_thum1[1]:فتح الشنطة بالريموت بطريقة دراماتيكية!:[COLOR="Blue"]www.nilemotors.net/Nile/392122-a.html[/COLOR]
        موسوعة الشاهين وأخواتها!:[COLOR="blue"]www.nilemotors.net/Nile/399252-a.html[/COLOR]
        دليل المواصفات والصيانة للماروتي عربي:[COLOR="blue"]www.nilemotors.net/Nile/98669-800.html[/COLOR]

        Comment


        • #5
          موضوع 100100

          Comment


          • #6
            انا عندى نفس المشكلة بس الكاسيت عندى kenwood
            [CENTER]كلمات اتعبت الملائكه فى كتابة الأجر
            ((اللهم لك الحمد كما ينبغى لجلال وجهك وعظيم سلطانك))
            [/CENTER]

            Comment


            • #7
              المشاركة الأصلية كتبت بواسطة elzl_mido مشاهدة المشاركة
              انا عندى نفس المشكلة بس الكاسيت عندى kenwood
              تقريبا هاتبقى نفس الخطوات
              [CENTER] [img3]http://www.wathakker.net/designs/images/7amla14.gif[/img3]
              [B][FONT=Arial][SIZE=4][URL="http://www.nilemotors.net/Nile/187496-a.html"]أرخص و أسهل تعديل[/URL][/SIZE][/FONT][/B]
              [SIZE=4][URL="http://www.nilemotors.net/Nile/147374-a.html"][FONT=Arial][COLOR=DarkRed][B]ازاي نحافظ على الفتيس الاوتوماتيك[/B][/COLOR][/FONT][/URL][/SIZE]
              [FONT=Arial][SIZE=4][COLOR=Blue][B][URL="http://www.nilemotors.net/Nile/182370-a.html"]كيف تختبر مكونات السيارة-الجزء الأول[/URL]
              [URL="http://www.nilemotors.net/Nile/185560-a.html"]كيف تختبر مكونات السيارة-الجزء الثاني[/URL][/B][/COLOR][/SIZE][/FONT]
              [/CENTER]

              Comment


              • #8
                المشاركة الأصلية كتبت بواسطة mohfud مشاهدة المشاركة
                عملوها الوحوش ....................... ياريتنى كنت معاهم قبل ما يقفلوا الغرفة بالمفتاح
                ههههه ياترى فى عملية بجد ولا بيحمسونا زى كل مرة...تشرف فى اى وقت والابواب المقفولة تتفتحلك

                المشاركة الأصلية كتبت بواسطة casio2000 مشاهدة المشاركة
                شكرا على مشاركتنا التجربه الناجحه دي
                العفو يافندم ..دى حاجة لاتذكر مقارنة بما استفدته من اعضاء المنتدى الجميل ده


                المشاركة الأصلية كتبت بواسطة hrh_sameh مشاهدة المشاركة
                الله ينوّر عليك
                شكرا ياسامح باشا على الكلمات التشجيعية دى

                المشاركة الأصلية كتبت بواسطة engahmedsamy مشاهدة المشاركة
                موضوع 100100
                شكرا يابشمهندس...من بعض ماعندكم

                المشاركة الأصلية كتبت بواسطة elzl_mido مشاهدة المشاركة
                انا عندى نفس المشكلة بس الكاسيت عندى kenwood
                ماتفرقش...امشى بمبدأكدة كدة بايظ واتكل على الله هاتلاقيه اتصلح...بس اهم حاجة تكون بتحب الحاجات دى لأنك لو بتعملها من غير نفس هتلاقى نفسك ملّيت وزهقت فى وقت بسيط جدا وممكن كمان تستخسرحتى تقفله تانى زى ماكان
                [CENTER]نص مخى شريحة الكترونية ونصه التانى ماتور عربية
                [/CENTER]
                محمود حمودة...صيدلى عاشق للهندسة

                Comment


                • #9
                  المشاركة الأصلية كتبت بواسطة m.zaher مشاهدة المشاركة
                  تقريبا هاتبقى نفس الخطوات
                  طب ماهى لو نفس الخطوات يبقى ننقل الموضوع للعام احسن عشان الفايدة تعم...انا قلت اعمله فى قسم الدايو عشان الكاسيت نوعه دايو
                  [CENTER]نص مخى شريحة الكترونية ونصه التانى ماتور عربية
                  [/CENTER]
                  محمود حمودة...صيدلى عاشق للهندسة

                  Comment


                  • #10
                    انا عندي نوبيرا 97 وفيها نفس الكاسيت بس المشكلة مختلفة وهي ان اول ما بدخل الشريط بيطلع لوحدة بعد كام ثانية جربت كذا شريط ونفس النتيجة ينطر لوحدة يا ترى ايه المشكلة فى الحالة دى
                    [CENTER]في الماضي كان الخطر الكبير الذي يواجه المصريين النظام الفاسد[/CENTER]
                    [CENTER]الان الخطر الاكبر الذي يواجه مصر والمصريين هو الجهل[/CENTER]

                    Comment


                    • #11
                      اهم حاجة جمودية القلب ، كده صح الصح
                      شكرا علي مشاركتك
                      [CENTER]انا زهقت[/CENTER]

                      Comment


                      • #12
                        انا حاولت بس مع الحر و النفخ ده توصلت لحل كويس وهو يبقى الحال على ماهو علية لانى خلاص مش عايزه و ربنا يبارك فى mp3 modultor ابو 30 جند لحد ما جيب الكاسيت الىى نزل فى النوبيرا 2007
                        [CENTER]كلمات اتعبت الملائكه فى كتابة الأجر
                        ((اللهم لك الحمد كما ينبغى لجلال وجهك وعظيم سلطانك))
                        [/CENTER]

                        Comment


                        • #13
                          بس ماتزعلش منى و بصراحة هو مجهود رائع و عظيم بجد لانى ما كنتش فاكر انه ليها حل و بينى و بينك الشريط اللى جوة الكاسيت زى م تقول كده حصلت عشرة بينى و بينو و هو شريط عبد الباسط سورة الرحمن وكمان و انا بفك الكاسيت افتكرت كم مره ربنا انقذنى من خبطات والشريط ده جوه و قلت يا واد سيبه مش احسن ما تحط شريط اغانى و ما يطلعش و القران بيريح الاعصاب فقلت خلاص و كمان مرة بشكرك على الموضوع الرائع ده
                          [CENTER]كلمات اتعبت الملائكه فى كتابة الأجر
                          ((اللهم لك الحمد كما ينبغى لجلال وجهك وعظيم سلطانك))
                          [/CENTER]

                          Comment


                          • #14
                            المشاركة الأصلية كتبت بواسطة mahmoudysf مشاهدة المشاركة
                            انا عندي نوبيرا 97 وفيها نفس الكاسيت بس المشكلة مختلفة وهي ان اول ما بدخل الشريط بيطلع لوحدة بعد كام ثانية جربت كذا شريط ونفس النتيجة ينطر لوحدة يا ترى ايه المشكلة فى الحالة دى
                            مش هاعملك فيها عم المُحنك الى فاهم فى كل حاجة الحقيقة مش عارف المشكلة ايه ...بس هاقولك وجه نظرى(وهاكتبلك طريقة تفكيرى خطوة خطوة يمكن تقتنع بيها)وان شاء الله تكون المشكلة فيها وتتحل...بما انك بتقول ان الشريط بيطلع على طول (كانت بتحصل معايا كتير قبل مايبوظ)وده معناه ان الشريط مافيش حاجة بتثبته فى مكانه.يعنى الحديدة اللى على شكل حرف L(فى الصورةالرابعة) مابتدخلش فى الهيكل الحديد لأنها لو دخلت عمره ماهيطلع ودى اللى ممكن يكون العيب فيها...فباقترح عليك تفك الكاسيت وتفك الغطا الحديد اللى فوق وتوصله بالعربية وتشوف حركة الشريط جوة وحركة الحديدة الصغيره اياها عاملين ايه وتشوف ايه المشكلة وان شاء الله يكون العيب فى المنطقة دى ويتحل بسهولة(لو حتى تزييت الحديدة دى بزيت اكل..لو رشة wd40 يبقى مية مية)
                            وعشان اجّمد قلبك..وانت بتفك الغطا اكيد هاتكون خايف( كنت بفكه بحرص متناهى) لاحسن تكون حاجة ماسكة فيه وتقع او سوستة جوة تطير بمجرد ماتشيل الغطا..احب اطمن حضرتك الكاسيت كله ماسك فى شريحة خضرة ومش هايتأثر بفك الغطا ولو حضرتك حسيت انك هاتتوه اربط كل حاجة زى ماكانت وكأن شيئا لم يحدث



                            المشاركة الأصلية كتبت بواسطة waleedraafat مشاهدة المشاركة
                            اهم حاجة جمودية القلب ، كده صح الصح
                            شكرا علي مشاركتك
                            اصلى كنت شارب ماونتين ديو جمد قلبك وبايع القضية ...شكرا لمرورك الكريم

                            المشاركة الأصلية كتبت بواسطة elzl_mido مشاهدة المشاركة
                            انا حاولت بس مع الحر و النفخ ده توصلت لحل كويس وهو يبقى الحال على ماهو علية لانى خلاص مش عايزه و ربنا يبارك فى mp3 modultor ابو 30 جند لحد ما جيب الكاسيت الىى نزل فى النوبيرا 2007
                            المشاركة الأصلية كتبت بواسطة elzl_mido مشاهدة المشاركة
                            بس ماتزعلش منى و بصراحة هو مجهود رائع و عظيم بجد لانى ما كنتش فاكر انه ليها حل و بينى و بينك الشريط اللى جوة الكاسيت زى م تقول كده حصلت عشرة بينى و بينو و هو شريط عبد الباسط سورة الرحمن وكمان و انا بفك الكاسيت افتكرت كم مره ربنا انقذنى من خبطات والشريط ده جوه و قلت يا واد سيبه مش احسن ما تحط شريط اغانى و ما يطلعش و القران بيريح الاعصاب فقلت خلاص و كمان مرة بشكرك على الموضوع الرائع ده
                            لا لا ربنا مايجيب زعل ... احترم رأي حضرتك طبعا..وانا قلت اللى مالهوش صبر للحاجات دى بلاش يبدأ فيها اساسا...وربنا يباركلك فى الام بى ثرى بس عمر صوته ماهيكون زى صوت الشريط نفسه وتقريبا مش هتلاقى بيس فيه.غير كدة حرام تركن مواتير الكاسيت كتير لانها كده هاتبوظ من الركنة وممكن مايبقاش فيه امل لتصليحها...غير كده تقريبا شكل كاسيت النوبيرا وان اشيك من تو
                            على فكرة انا محتفظ بالشريط المكسور اللى كان فيه وغلفته كمان عشان الاتربة... ضربت فى دماغى اسمع لام كلثوم (للصبر حدود)ودخلت الشريط وياريتنى مادخلته العربية حلفت ماتشغل ام كلثوم فيها وماسمعتش ثانية واحدة من الشريط ده
                            [CENTER]نص مخى شريحة الكترونية ونصه التانى ماتور عربية
                            [/CENTER]
                            محمود حمودة...صيدلى عاشق للهندسة

                            Comment


                            • #15
                              الله ينور عليك
                              اهم حاجة انك جمدت قلبك واشتغلت
                              انا بقى الحمد لله استغنيت عن الكاسيت والاكولايزر الفابريكة
                              وركبت شاشة dvd تاتش اسكرين + بلوتوث + usb +مدخل مومرى كارت ميكرو + مخرج i pod +راديو am/fm + تلفزيون . ( جيالى هدية من السعودية )

                              وركبت مكان الكاسيت بالكولايزر بالمللى وبصراحة خلت التابلوة شكلة تحفة والصوت انقى بكتيييير من الاول
                              ادعولى بقى اغير سمعات الفابريكة الخلفى واركب 2 بيونير او كينود بيضاوى .

                              اعبلكم جميعا .
                              [B]لا اله الا الله محمد رسول الله[/B]
                              [B] يارب احمى مصر[/B]

                              Comment

                              Working...
                              X