نويت على بابونيير !!!!

[AbdelRa0uf]

السلام عليكم
انا نازل ان شاء الله التوفيقية الاتنين الجاى و هجيب سماعات للابواب 16 سم بس مش عارف بيونيير ولا سونى انا كنت ناوى على البايونيير دى
TS-A1685R - 6-1/2" 4-Way Speaker (6-3/4" Oversized Cone) | Pioneer Electronics USA

ولا فى حاجة احسن منهم الاتنين مع العلم انى عايز بيييز قوى من غير جى ام و الشهر الجاى هجيب كينوود 450وات و هقص فى الصاج !! يا ترى اجيب جى بى ال للابواب ولا اييييييه ؟؟ و مش عارف عندى المقاس كام ! و الصينى حلو ؟ علشان مفيش غيرو
انا عربيتى نيسان صنى 2010
شكرا :)

[اكرم زيد]

البيونير اللي هتجبها ورا اللي هتقصلها في الصاج بيونير 600 وات 5 واي و90 ارم اس وعلي فكرة البيونير الصيني الجديد احسن من الموديلات القديمة لان الرق بتاعه كربون سماعات جامدة جدا وبتطلع بيز نضيف وتربل جامد

[AbdelRa0uf]

انا اللى عجبنى فى الكينوود انها بيييز قوى و خشن بس المشكلة دلوقتى فى سماعات الابواب اجبها كام وات و نوع ايه !

[meero_boy2000]

عن تجربه ورا هات كينود صوت نقي وبيز محترم وقدام انا جايب سوني بس 13 مجربتش 16 افضل ولا في حاجه تانيه

[AbdelRa0uf]

يعنى اجيب سونى ولا بيونيير ولا jbl فى الابواب؟ علشان انا عايز بييز كويس من غير امبليفر

[AbdelRa0uf]

?????

[elsokily]

سونى كمبوننت

[AbdelRa0uf]

طيب ممكن لينك ليها ؟

[Honda_lover]

كينوود ١٦ سم ٢٧٠ واط جامدة جدا فالابواب

[AbdelRa0uf]

و اعرف مقاس السماعات الامامية عندى كام ؟؟ يعنى 16 سم ممكن تركب عادى ؟

[ahmed_m_ashraf]

العربية نيسان صني؟ شوف في قسم الصني وإسأل مقاس السماعات يمكن حد يدللك، لأنا بتختلف من عربية للتانية وممكن تجيب سماعات متركبش عندك، لازم تتأكد من المقا قبل الشراء.

لو ١٦ سم يبقى هات سماعات كمبوننت وش (مع العلم مجربتهاش بنفسي، بس معروف الكمبوننت دايما أحسن من العادي ف توزيع الصوت)، فيه في السوني ومعرفش هتلاقي ماركات تانية ولا لأ. أنا نفسي ف كمبوننت بس الأبواب عندي ١٣ سم ومبينزلش عندنا ١٣ سم كمبوننت للأسف!

السوني في ال١٣ سم ضعيف عن تجربة بترزع في البيز وتحس إنها هاتنفجر، وجربت بلوبنكت بعدها أحسن من السوني في المقاس ده والبيز بتاعها مش قوي بس السماعة متماسكة وبتهندل البيز أفضل، مع العلم ١٣ سم مش هتاخد منها بيز يذكر بشكل عام. الإتنين في الميد التريبل متساويين وكويسين.

خد بالك ال كينوود ال ٤٥٠ ممكن وصلها مبدأيا على الكاسيت على طول، بس حط في الخطة أمليفاير بعد شهر ولا إتنين عشان تاخد منها أفضل أداء. وساعتها لو تقدر تزود شوية وتجيب أمليفاير ٤ قناة وتوصل السماعات الأمامي كمان عليه يبقى هتاخد نظام صوت متوازن و نقي.

[ahmed_m_ashraf]

بقولك إيه، أنا إللي أعرفة إن البايونير الأصلي في السوق فيتنامي (السماعات)، بصراحة معرفش الصيني ده إيه، بس مره كنت بسأل في محل ولقيت دروب جامد قوي في السعر بسأل عن الصناعة لقيتها صيني. فبصراحة الصيني ده مش مضمون إنه يكون أصلي.

[AbdelRa0uf]

خد بالك ال كينوود ال ٤٥٠ ممكن وصلها مبدأيا على الكاسيت على طول،

معلش مش فاهم الحتة دى ؟؟؟