إعـــــــلان

Collapse

.

,
See more
See less

"بيس" .......... ولا "بيز " ؟؟!!!

Collapse
This topic is closed.
X
X
 
  • Filter
  • الوقت
  • Show
Clear All
new posts

  • "بيس" .......... ولا "بيز " ؟؟!!!

    السلام عليكم أعضاء المنتدى الكرام ...

    بقالي كتير بخش على المنتدى هنا والناس دايماً بتكتب كلمة bass بالعربي .. بيز !

    مع العلم ان النطق الصحيح ليها هو .. بيس !

    وممكن نسمع النطق الصحيح للكلمة من على الموقع ده:

    bass - definition of bass with pronunciation by Macmillan Dictionary

    ده النطق البريتيش .. او البريطاني .. النطق الأمريكي:

    bass - definition. American English definition of bass with pronunciation by Macmillan Dictionary

    أرجو تصحيح المعلومة وتثبيت الموضوع لتعم الفائدة .. وشكراً

  • #2
    base>>>بيز
    bass>>>بيس
    بس مش هتفرق في النطق مادام اللي قدامك فاهمك ... حضرتك لو سافرت برة أو لو اتكلمت مع حد أجنبي لو نطقك أو نطقه مش قد كدة بس عارفين تفهموا بعض يبقي كدة تمام :) ... اللغة معمولة عشان الناس تعرف تتواصل مع بعض

    Comment


    • #3
      المشاركة الأصلية كتبت بواسطة ENG.MaRk مشاهدة المشاركة
      base>>>بيز
      bass>>>بيس
      بس مش هتفرق في النطق مادام اللي قدامك فاهمك ... حضرتك لو سافرت برة أو لو اتكلمت مع حد أجنبي لو نطقك أو نطقه مش قد كدة بس عارفين تفهموا بعض يبقي كدة تمام :) ... اللغة معمولة عشان الناس تعرف تتواصل مع بعض
      مظبوط كلام حضرتك .. بس مع احترامي .. هو النطق الصحيح هيؤدي الى عدم التواصل ؟! :)

      base - definition of base with pronunciation by Macmillan Dictionary

      ده نطق كلمة base برضه بتنطق بيس :)

      يعني تقريباً مفيش حاجة في الانجليزي اسمها بيز !

      حضرتك احنا في المنتدى بنتواصل ونتعامل لتعم الفائدة .. اللي عنده معلومة بيحاول انه يوصلها لغيره بدون انتظار مقابل

      لكن فكرة طالما اللي قدامك فاهمك مش فارقة تنطقها ازاي .. مع احترامي مش متفق معاك فيها ومش شايف ليها علاقة بالموضوع :)

      Comment


      • #4


        :D :D

        Comment


        • #5
          في أمريكا بينطقوها بيز
          في بريطانيا و أستراليا مثلا بينطقوها بيس
          و افتح يوتيوب و شوف بس مش اشكال برضه انت عندك في مصر الAmplifier بيسموا جي أم و في الخليج مضخم

          Comment


          • #6
            المشاركة الأصلية كتبت بواسطة hesham ista مشاهدة المشاركة
            في أمريكا بينطقوها بيز
            في بريطانيا و أستراليا مثلا بينطقوها بيس
            و افتح يوتيوب و شوف بس مش اشكال برضه انت عندك في مصر الamplifier بيسموا جي أم و في الخليج مضخم
            في امريكا بتتنطق بيس برضه يا باشا وانا حاطط لينك من اونلاين ديكشينري بيوضحلك النطق الامريكي والبريطاني

            شوف حضرتك اليوتيوب واي اونلاين ديكشينري ولو بتتنطق بيس احب اعرف والله الكلمة جت منين فعلاً انا مش بجيب حاجة من عندي

            بالنسبة لموضوع الامبليفاير ..

            بيقولو عليه في مصر هنا جي ام عشان نزل موديل من بايونير كان اول حرفين فيه جي ام وانتشر جداً وبقو بيسمو الامبليفاير جي ام ، وده كده يضاف الى قائمة الفضايح اللغوية اللي عندنا لأن ممكن تسأل مليون واحد يعني ايه جي ام هيقولك الشيء اللي بيركب ده عشان الصب .. لو كان عارف انه اسمه امبليفاير .. لو سالته طب جي ام دي اختصار ايه مش هيعرف

            في الخليج مضخم صوت لأنه هو معنى كلمة امبليفاير مضخم ..

            احنا عندنا الشعب ما شاء الله بيحط لغة تانية من عنده في البداية بتكون للاختصار او للاستسهال في النطق او غلط في النطق من عند واحد وبتبتدي تعم وتنتشر وتغطي على الاصل لحد ما توصل للاجيال اللي بعدك على انها الصح وتسأله على الصح تلاقيه ما يعرفش عنه حاجة

            تيجي بعد كده تخش امتحان تويفل ولا تقعد في انترفيو تلاقي نفسك بتتكلم لغة تانية واللي قدامك هتقوله بيز وماي نيم ايس محمد ... هو هيفهمك اه بس هيعرف انك مش مثقف من كلامك وهيعلم عليك ... عشان كده انا حبيت اوضح للناس كلمة غلط من ضمن كلام كتيييييييييير اوي غلط عشان اللغة الاصلية بقا بيتردم عليها بجد والجهل بيمتد ما بين اللغة والتصرفات

            يعني في الجيم اي واحد لو سألته عن تمرين منطقة الصدر .. هيقولك آه .. انت هتتمرن بنج النهارده .. أو بنش

            لو سألته يعني ايه بنش ... هيتنح برضه .. لو عارف هيقولك الترابيزة اللي بتتمرن عليها .. كده بقا تمرين عضلة الصدر اسمه بنش !!!

            طب اسمها ايه بالانجليزي يا برنس ؟ برضه هيتنح ... تسعين في الميه دخل الجيم لقا الناس بتقول النهاردة هتمرن بنش خلاص فهم ان عضلة الصدر هي البنش .. وده طبعاً تهريج وجهل روعة .. عضلة الصدر هي الشست .. وواحد في المليون اللي بيقول كده

            بالمثل عضلة الترابيزيوس .. ما بين الرقبة ولوح الكتف .. اي حد هيقولك الترابيس .. قوله طيب ايه الترابيس دي ؟ !!

            ده غير الفتي في اسلوب التمرين وكل ما يتعلق بالتمرين

            كل حاجة في الموبايلات والكمبيوتر بقت ابداع تاني: مذر بورد .. بوردة ، فان .. فانة ، شيب .. شيباية ، الصب ووفر برضه تسعين في الميه من الناس ما تعرفش ايه الكلمة دي ومعناها ايه ... هي سماعات وخلاص ويمكن ما يعرفش انها بتطلع البيس بس او الصوت التخين يعني .. وفي اللي يقول صب هوفر ، وصب بوفر ، وصب اوفر ....... وأخيراً .. صباية

            Comment


            • #7
              المشاركة الأصلية كتبت بواسطة ashjo مشاهدة المشاركة
              في امريكا بتتنطق بيس برضه يا باشا وانا حاطط لينك من اونلاين ديكشينري بيوضحلك النطق الامريكي والبريطاني

              شوف حضرتك اليوتيوب واي اونلاين ديكشينري ولو بتتنطق بيس احب اعرف والله الكلمة جت منين فعلاً انا مش بجيب حاجة من عندي

              بالنسبة لموضوع الامبليفاير ..

              بيقولو عليه في مصر هنا جي ام عشان نزل موديل من بايونير كان اول حرفين فيه جي ام وانتشر جداً وبقو بيسمو الامبليفاير جي ام ، وده كده يضاف الى قائمة الفضايح اللغوية اللي عندنا لأن ممكن تسأل مليون واحد يعني ايه جي ام هيقولك الشيء اللي بيركب ده عشان الصب .. لو كان عارف انه اسمه امبليفاير .. لو سالته طب جي ام دي اختصار ايه مش هيعرف

              في الخليج مضخم صوت لأنه هو معنى كلمة امبليفاير مضخم ..

              احنا عندنا الشعب ما شاء الله بيحط لغة تانية من عنده في البداية بتكون للاختصار او للاستسهال في النطق او غلط في النطق من عند واحد وبتبتدي تعم وتنتشر وتغطي على الاصل لحد ما توصل للاجيال اللي بعدك على انها الصح وتسأله على الصح تلاقيه ما يعرفش عنه حاجة

              تيجي بعد كده تخش امتحان تويفل ولا تقعد في انترفيو تلاقي نفسك بتتكلم لغة تانية واللي قدامك هتقوله بيز وماي نيم ايس محمد ... هو هيفهمك اه بس هيعرف انك مش مثقف من كلامك وهيعلم عليك ... عشان كده انا حبيت اوضح للناس كلمة غلط من ضمن كلام كتيييييييييير اوي غلط عشان اللغة الاصلية بقا بيتردم عليها بجد والجهل بيمتد ما بين اللغة والتصرفات

              يعني في الجيم اي واحد لو سألته عن تمرين منطقة الصدر .. هيقولك آه .. انت هتتمرن بنج النهارده .. أو بنش

              لو سألته يعني ايه بنش ... هيتنح برضه .. لو عارف هيقولك الترابيزة اللي بتتمرن عليها .. كده بقا تمرين عضلة الصدر اسمه بنش !!!

              طب اسمها ايه بالانجليزي يا برنس ؟ برضه هيتنح ... تسعين في الميه دخل الجيم لقا الناس بتقول النهاردة هتمرن بنش خلاص فهم ان عضلة الصدر هي البنش .. وده طبعاً تهريج وجهل روعة .. عضلة الصدر هي الشست .. وواحد في المليون اللي بيقول كده

              بالمثل عضلة الترابيزيوس .. ما بين الرقبة ولوح الكتف .. اي حد هيقولك الترابيس .. قوله طيب ايه الترابيس دي ؟ !!

              ده غير الفتي في اسلوب التمرين وكل ما يتعلق بالتمرين

              كل حاجة في الموبايلات والكمبيوتر بقت ابداع تاني: مذر بورد .. بوردة ، فان .. فانة ، شيب .. شيباية ، الصب ووفر برضه تسعين في الميه من الناس ما تعرفش ايه الكلمة دي ومعناها ايه ... هي سماعات وخلاص ويمكن ما يعرفش انها بتطلع البيس بس او الصوت التخين يعني .. وفي اللي يقول صب هوفر ، وصب بوفر ، وصب اوفر ....... وأخيراً .. صباية
              ههههههههه الله ينور عليك بجد جبت مالأخر

              Comment


              • #8
                السلام عليكم يا شباب
                هو مش بيتهيألى احنا فى قسم الصوتيات و لآ فى قسم تعليم النطق فى بوابة الثانويه العامه
                يا استاذ ashjo الناس فى مصر بتفهم بعضها بالاشاره ومش مستهله الدرس التعليمى ده كله
                خلينا فى حاجه تهم القسم عشان نقدر نفيد الناس فى المواضيع الخاصه بالصوتيات
                او على الاقل نخلينا فى الحاجات الخاصه بالسوند سيستم اللى معظم الناس مهتمه بى هنا فى القسم
                مش بيز وبيس!!!!!
                وعموما عشان اريحك روح عند ادؤيان او السجان او اى توكيل فى مصر كل الناس المتخصصه فى بيع السوند سيستم بتاع العربيات هتلاقيهم بينطقه الكلام بالعميه مش باللغه الانجليزيه الفسحه ههههههههههههههههههههه
                واعتقد من يوم ما اتفتح منتدى نايل موتورز لحد ما انت عملت الموضوع ده محدش علق على الكلمه لان الناس فهمه المعنى كويس بغض النظر عن بيز او بيس
                تحيات...........................
                [SIGPIC][/SIGPIC]
                حسبى الله لا إله إلا هو عليه توكلت وهو رب العرش العظيم
                (لا إله إلا الله سيدنا محمد رسول الله)

                Comment


                • #9
                  المشاركة الأصلية كتبت بواسطة body7733 مشاهدة المشاركة
                  السلام عليكم يا شباب
                  هو مش بيتهيألى احنا فى قسم الصوتيات و لآ فى قسم تعليم النطق فى بوابة الثانويه العامه
                  يا استاذ ashjo الناس فى مصر بتفهم بعضها بالاشاره ومش مستهله الدرس التعليمى ده كله
                  خلينا فى حاجه تهم القسم عشان نقدر نفيد الناس فى المواضيع الخاصه بالصوتيات
                  او على الاقل نخلينا فى الحاجات الخاصه بالسوند سيستم اللى معظم الناس مهتمه بى هنا فى القسم
                  مش بيز وبيس!!!!!
                  وعموما عشان اريحك روح عند ادؤيان او السجان او اى توكيل فى مصر كل الناس المتخصصه فى بيع السوند سيستم بتاع العربيات هتلاقيهم بينطقه الكلام بالعميه مش باللغه الانجليزيه الفسحه ههههههههههههههههههههه
                  واعتقد من يوم ما اتفتح منتدى نايل موتورز لحد ما انت عملت الموضوع ده محدش علق على الكلمه لان الناس فهمه المعنى كويس بغض النظر عن بيز او بيس
                  تحيات...........................
                  لو مش مريحه البيز يخليها الدبه والدبه الجامده بتهز الارض
                  مصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجر

                  Comment


                  • #10
                    المشاركة الأصلية كتبت بواسطة ashjo مشاهدة المشاركة

                    طب اسمها ايه بالانجليزي يا برنس ؟ برضه هيتنح ... تسعين في الميه دخل الجيم لقا الناس بتقول النهاردة هتمرن بنش خلاص فهم ان عضلة الصدر هي البنش .. وده طبعاً تهريج وجهل روعة .. عضلة الصدر هي الشست .. وواحد في المليون اللي بيقول كده

                    بالمثل عضلة الترابيزيوس .. ما بين الرقبة ولوح الكتف .. اي حد هيقولك الترابيس .. قوله طيب ايه الترابيس دي ؟ !!

                    شست ؟!!!!!!!!!!!!!!!!!!!!!!
                    اصلا بتنطق تشست و ليس شست زى ما انت قولت
                    وممكن نسمع النطق الصحيح للكلمة من على الموقع ده:
                    chest - definition of chest with pronunciation by Macmillan Dictionary
                    ده النطق البريتيش .. او البريطاني .. النطق الأمريكي:
                    chest - definition. American English definition of chest with pronunciation by Macmillan Dictionary

                    المهم ان عضلة الصدر ف الاناتومى اصلا اسمها (pectoralis major & minor)


                    رفقا بالناس
                    [COLOR=Black]الحمد لله عدد ما احصى كتابه و الحمد لله على ما احصى كتابه
                    الحمد لله ملء ما فى السموات و ملء ما فى الارض و ملء ما بينهما [/COLOR]
                    [img2]http://nileup.com/up/uploads/nilemotors_13651184541.jpg[/img2][COLOR=Black]
                    [SIZE=4] You decide on your speed. Physics decides whether you live or die(بأمر الله طبعا)[/SIZE][/COLOR]

                    Comment


                    • #11
                      المشاركة الأصلية كتبت بواسطة body7733 مشاهدة المشاركة
                      السلام عليكم يا شباب
                      هو مش بيتهيألى احنا فى قسم الصوتيات و لآ فى قسم تعليم النطق فى بوابة الثانويه العامه
                      يا استاذ ashjo الناس فى مصر بتفهم بعضها بالاشاره ومش مستهله الدرس التعليمى ده كله
                      خلينا فى حاجه تهم القسم عشان نقدر نفيد الناس فى المواضيع الخاصه بالصوتيات
                      او على الاقل نخلينا فى الحاجات الخاصه بالسوند سيستم اللى معظم الناس مهتمه بى هنا فى القسم
                      مش بيز وبيس!!!!!
                      وعموما عشان اريحك روح عند ادؤيان او السجان او اى توكيل فى مصر كل الناس المتخصصه فى بيع السوند سيستم بتاع العربيات هتلاقيهم بينطقه الكلام بالعميه مش باللغه الانجليزيه الفسحه ههههههههههههههههههههه
                      واعتقد من يوم ما اتفتح منتدى نايل موتورز لحد ما انت عملت الموضوع ده محدش علق على الكلمه لان الناس فهمه المعنى كويس بغض النظر عن بيز او بيس
                      تحيات...........................
                      هو بغض النظر عن بوابة الثانوية العامة .. انا قريت الكلمة دي هنا كتير جداً مش في بوابة الثانوية العامة وعشان كده حبيت اصححها للناس اللي بتنطقها كده .. هنا !

                      والتعليم مش مقتصر لحد الثانوية العامة .. التعليم من المهد للحد حضرتك .. تحياتي :)

                      المشاركة الأصلية كتبت بواسطة rotanamasoud مشاهدة المشاركة
                      لو مش مريحه البيز يخليها الدبه والدبه الجامده بتهز الارض
                      سيادتك ده كمان من الغلطات الجميلة اللي ملهاش حصر عندنا .. لأن البيس مش هو الدبة .. لأن معنى كلام حضرتك اني لو مشغل قرءان يبقا مش هسمع حاجة خالص لأن القرءان طبعاً مفيهوش اي دب .. لكن البيس حضرتك هو الصوت التخين :)

                      تحياتي ...

                      المشاركة الأصلية كتبت بواسطة monamize4 مشاهدة المشاركة

                      شست ؟!!!!!!!!!!!!!!!!!!!!!!
                      اصلا بتنطق تشست و ليس شست زى ما انت قولت
                      وممكن نسمع النطق الصحيح للكلمة من على الموقع ده:
                      chest - definition of chest with pronunciation by Macmillan Dictionary
                      ده النطق البريتيش .. او البريطاني .. النطق الأمريكي:
                      chest - definition. American English definition of chest with pronunciation by Macmillan Dictionary

                      المهم ان عضلة الصدر ف الاناتومى اصلا اسمها (pectoralis major & minor)


                      رفقا بالناس
                      شكراً على التوضيح وانا عارف نطق الكلمة ومتشكر على الايضاح حضرتك .. بس انا ما حبتش اكتبها كده عشان ما حدش يقراها T-shest فأكيد شست اقرب بكتير من تـــ شست

                      بالنسبة لتعديل حضرتك التاني ... حضرتك اللي قلته كأنك بتقولي ان لا الذراع فيه باي سبس !

                      البكتوراليس في "الأناتومي" اللي هو مالوش دعوة بالجيم طبعاً عضلة من عضلات الصدر اللي هو الشست



                      لكن الصدر ما اسموش البنش ، ولا الشست معناها الترابيزة :)

                      فحضرتك كده معرفش افدتنا بايه ... بغض النظر عن مكوناته .. الصدر هو الشست والشست هو الصدر

                      بالنسبة لغلطات حضرتك الاملائية في النص اللي فات حيث إنها تهمك:

                      " اصلا (أصلاً) بتنطق تشست و ليس شست زى (زي) ما انت (أنت) قولت (قلت)
                      المهم ان (إن) عضلة الصدر ف الاناتومى اصلا اسمها (في الأناتومي أصلاً إسمها) (pectoralis major & minor)


                      رفقا (رفقاً) بالناس"

                      وأخيراً الموضوع مش معمول بغرض إهانة حد او التعالي على حد ولكن للإفادة فقط .. فاللي عايز يستفتيد .. اللهم زده علماً .. واللي مش عايز .. يا ريت يفسح المجال أمام غيره عشان يستفيد :)
                      تحياتي :)


                      Comment


                      • #12
                        أولا أنت بتهرى كتيييييييييييييير أوى حتى موضوعك اللى انت بتسأل فيه عن تظبيط الصوت فى الإلنترا 2007 مفيش حد رد عليه بإفاده لآنك بتكتب كتير جدا
                        بصراحه أنا بشفق عليك ربنا يكون معاك دا أنا بكتب سترين ايديا بتوجعنى انت بصراحه سوبرمان فى الكتابه
                        ثانيا هو انت شغال فى وزارة التربيه والتعليم
                        حضرتك انت محسسنى كأنك بتشرح حاجه صعبة اوى دى كلمه
                        وبعدين انت بتقول التعليم موقفش لحد الثانوية العامه ودى عندك حق فيها
                        بس انت فعلا بتفكرنا بأيام درس الإنجليزى فى الثانويه العامه
                        ثالثا ده قسم للصوتيات مش قسم للترجمه او قسم لتعليم النطق وبعدين بيز او بيس هى هى نفس المفهوم
                        رابعا انت مكبر الموضوع أوى وواخده على أعصابك هدى نفسك وكده كده الناس فهما المعنى
                        أخر حاجه هقولهالك انا بصراحه كان نفسى الإدارة تلغى الموضوع
                        أساسا لآنه ملوش اى صله بقسم الصوتيات خالص انت بتتكلم فى مصطلحات تخص اللغة فقط متخصش القسم
                        وده موضوعك 160 مشاهده و4 ردود و 2 منهم رد فقط للأعضاء ومفيش فيهم أى إفاده بسبب كتر الكلام مع إحترامى
                        وده لينك للموضوع بتاعك http://www.nilemotors.net/Nile/451464-2007.html (تظبيط صوت النترا 2007)
                        [SIZE=5][SIGPIC][/SIGPIC]
                        [marq="3;left;2;scroll"]لا إله إلا الله سيدنا محمد رسول الله[/marq][/SIZE]

                        Comment


                        • #13
                          المشاركة الأصلية كتبت بواسطة ashjo مشاهدة المشاركة


                          شكراً على التوضيح وانا عارف نطق الكلمة ومتشكر على الايضاح حضرتك .. بس انا ما حبتش اكتبها كده عشان ما حدش يقراها t-shest فأكيد شست اقرب بكتير من تـــ شست


                          بالنسبة لغلطات حضرتك الاملائية في النص اللي فات حيث إنها تهمك:

                          " اصلا (أصلاً) بتنطق تشست و ليس شست زى (زي) ما انت (أنت) قولت (قلت)
                          المهم ان (إن) عضلة الصدر ف الاناتومى اصلا اسمها (في الأناتومي أصلاً إسمها) (pectoralis major & minor)


                          رفقا (رفقاً) بالناس"

                          ايه يا بنى اللى انت بتكتبه دا ؟
                          انت عايز الناس تكتب (إن) بدل (ان) و تكتب (رفقاً) بدل (رفقا)
                          ؟!!!!!!!

                          بجد انت عندك كام سنة ؟
                          [COLOR=Black]الحمد لله عدد ما احصى كتابه و الحمد لله على ما احصى كتابه
                          الحمد لله ملء ما فى السموات و ملء ما فى الارض و ملء ما بينهما [/COLOR]
                          [img2]http://nileup.com/up/uploads/nilemotors_13651184541.jpg[/img2][COLOR=Black]
                          [SIZE=4] You decide on your speed. Physics decides whether you live or die(بأمر الله طبعا)[/SIZE][/COLOR]

                          Comment


                          • #14
                            المشاركة الأصلية كتبت بواسطة abdelrhman010 مشاهدة المشاركة
                            أولا أنت بتهرى كتيييييييييييييير أوى حتى موضوعك اللى انت بتسأل فيه عن تظبيط الصوت فى الإلنترا 2007 مفيش حد رد عليه بإفاده لآنك بتكتب كتير جدا
                            بصراحه أنا بشفق عليك ربنا يكون معاك دا أنا بكتب سترين ايديا بتوجعنى انت بصراحه سوبرمان فى الكتابه
                            ثانيا هو انت شغال فى وزارة التربيه والتعليم
                            حضرتك انت محسسنى كأنك بتشرح حاجه صعبة اوى دى كلمه
                            وبعدين انت بتقول التعليم موقفش لحد الثانوية العامه ودى عندك حق فيها
                            بس انت فعلا بتفكرنا بأيام درس الإنجليزى فى الثانويه العامه
                            ثالثا ده قسم للصوتيات مش قسم للترجمه او قسم لتعليم النطق وبعدين بيز او بيس هى هى نفس المفهوم
                            رابعا انت مكبر الموضوع أوى وواخده على أعصابك هدى نفسك وكده كده الناس فهما المعنى
                            أخر حاجه هقولهالك انا بصراحه كان نفسى الإدارة تلغى الموضوع
                            أساسا لآنه ملوش اى صله بقسم الصوتيات خالص انت بتتكلم فى مصطلحات تخص اللغة فقط متخصش القسم
                            وده موضوعك 160 مشاهده و4 ردود و 2 منهم رد فقط للأعضاء ومفيش فيهم أى إفاده بسبب كتر الكلام مع إحترامى
                            وده لينك للموضوع بتاعك http://www.nilemotors.net/Nile/451464-2007.html
                            حضرتك الحمد لله انا خريج علوم قسم الرياضيات وعلوم الحاسب .. وخدت كورس Typing .. واشتغلت Typist قبل كده .. فالكتابة عندي مفيش اسهل منها :)

                            بالنسبة للهري حضرتك .. ممكن تقرا اول مشاركة في الموضوع مش هتلاقي فيها غير سطرين فيهم المفيد لكن الهري اللي بعد كده لأن كل واحد بيقرا الكلام بيحس انها شتيمة ليه واهانة ليه يا اما يدافع عن الكلمة يا اما يهاجم الموضوع .. يعني الموضوع ببساطة .. فضلاً انطق الكلمة بيس بدل بيز .. بسسسسسسسسسسسس

                            المفروض اللي يقرا والله وعرف الصح يستفيد ويغير .. او في ناس ما بتتغيرش خلاص زي الطبع يغلب التطبع كده ثابت على حاجة معينة بقاله فترة مرتاح بيها مش عايز يغيرها زي السجاير

                            لكن اغلب الناس هما اللي واخدين الكلام على اعصابهم بصراحة مش انا والله عشان كده بدل ما يسمع ويقول شكراً او يمشي في هدوء .. تلاقيه حس انك بتغلط في لغته العظيمة وتعليمه العريق مع ان الموضوع ابسط من كده بكتير والله

                            بالنسبة لحذف الموضوع والله الكلمة ما بتتكتبش تقريباً غير هنا بالشكل ده .. فهي حاجة تقريباً تخص القسم ده .. وبعيداً عن حصص النحو واللغة العربية والخ ... لو هي ملهاش علاقة بالقسم عشان احنا مش في درس انجليزي .. يبقا الموضوع المثبت في اول القسم اللي بيتكلم عن الوات والقدرة الفعلية والمدى المسموع والغير مسموع لدى أذن الانسان ده ملوش مكان في القسم حيث اننا في قسم الصوتيات مش في حصة فيزيا

                            وكان في موضوع قبل كده بيتكلم عن اصل كلمة جي ام اللي الحمد لله عرفت المعلومة دي منه ربنا يباركله بدل ما ابقا بردد وخلاص جي ام وانا مش عارف الحروف دي اختصار ايه .. يبقا كان الموضوع ده المفروض يتحذف حيث اننا في قسم الصوتيات مش في حصة تاريخ

                            موضوعي اللي عن تظبيط صوت الالنترا ممكن اكتب زي العنوان جوه .. عايز اظبط صوت الالنترا واسكت مش هخسر حاجة والله .. وكل مشاركة سؤال وارد واسال على سؤال جديد الى ما شاء الله .. ما هو الاختيارات كتير جداً حضرتك والعربية مش معمول في الصوت بتاعها حاجة وانا عايش طول عمري هوايتي الصوت بس في حدود اوضتي ما حطيتش حاجة في عربية فاكيد عندي استفسارات كتير حطيتها كلها في مشاركة واحدة احسن ما ارد على كل مشاركة بسؤال جديد انا اريحلي كده لأني قريت مسبقاً ردود الاعضاء الخبراء زي حضرتك واللي عايزين يعرفوه فبحط اللي مطلوب قبل ما اتسئل عنه .. والحمد لله حتى بعد ما لخصت الموضوع ما حدش قال كلمة مفيدة في الموضوع اللي هو في صميم القسم لكن هنا في الموضوع اللي حضرتك شايف انه بعيد عن صميم القسم المشاركات والمشاهدات اكتر بكتير مع انه بعد الموضوع التاني .. فمش عارف بصراحة كده مين اللي واخد الكلام على اعصابه :)



                            المشاركة الأصلية كتبت بواسطة monamize4 مشاهدة المشاركة
                            ايه يا بنى اللى انت بتكتبه دا ؟
                            انت عايز الناس تكتب (إن) بدل (ان) و تكتب (رفقاً) بدل (رفقا)
                            ؟!!!!!!!

                            بجد انت عندك كام سنة ؟
                            هو انا مش ابن حضرتك الحمد لله :)

                            مش فاهم ايه علاقة السن بالموضوع بصراحة ...

                            موضوعي الاصلي كلمة bass بتنطق بيز وده نطق خاطئ يا جماعة النطق الصحيح بيس ..

                            حضرتك سبت الموضوع الاصلي ولقيتك بتقولي ايه ده .. انت كاتب chest شست .. لا دي بتتنطق تشست .. وواخد اقتباس من كلامي وحاطه مع تغيير اللنكات للنك الكلمة

                            وبعدين اضفت اضافة تانية مش عارف علاقتها بالموضوع وقلت ان في الـ "أناتومي" عضلة الصدر اسمها pectoralis minor and major

                            فصححت لحضرتك حيث انك مهتم بالتصحيح شوية الغلطات اللي عندك عشان تاخد بالك منهم لكن مش عايز "الناس" تكتب إن بدل ان (مع ان ده مفهوش حاجة خارقة للعادة .. بس معلش كل واحد على قد تعليمه) ولا عايز الناس تكتب رفقاً بدل رفقا .. ولا حتى حضرتك .. كل واحد يكتب زي ما هو عايز

                            انا موضوعي السبب منه محطوط في البداية وواضح وصريح للي عايز المعلومة .. اللي مش عايزها شكراً اعتراضك على الغرض من الموضوع يا ريت تحتفظ بيه .. حاسس ان فيه اهانة ليك دي مشكلتك الشخصية وبكرر تاني:

                            وأخيراً الموضوع مش معمول بغرض إهانة حد او التعالي على حد ولكن للإفادة فقط .. فاللي عايز يستفتيد .. اللهم زده علماً .. واللي مش عايز .. يا ريت يفسح المجال أمام غيره عشان يستفيد
                            تحياتي

                            Comment


                            • #15
                              المشاركة الأصلية كتبت بواسطة ashjo مشاهدة المشاركة
                              في امريكا بتتنطق بيس برضه يا باشا وانا حاطط لينك من اونلاين ديكشينري بيوضحلك النطق الامريكي والبريطاني

                              شوف حضرتك اليوتيوب واي اونلاين ديكشينري ولو بتتنطق بيس احب اعرف والله الكلمة جت منين فعلاً انا مش بجيب حاجة من عندي

                              بالنسبة لموضوع الامبليفاير ..

                              بيقولو عليه في مصر هنا جي ام عشان نزل موديل من بايونير كان اول حرفين فيه جي ام وانتشر جداً وبقو بيسمو الامبليفاير جي ام ، وده كده يضاف الى قائمة الفضايح اللغوية اللي عندنا لأن ممكن تسأل مليون واحد يعني ايه جي ام هيقولك الشيء اللي بيركب ده عشان الصب .. لو كان عارف انه اسمه امبليفاير .. لو سالته طب جي ام دي اختصار ايه مش هيعرف

                              في الخليج مضخم صوت لأنه هو معنى كلمة امبليفاير مضخم ..

                              احنا عندنا الشعب ما شاء الله بيحط لغة تانية من عنده في البداية بتكون للاختصار او للاستسهال في النطق او غلط في النطق من عند واحد وبتبتدي تعم وتنتشر وتغطي على الاصل لحد ما توصل للاجيال اللي بعدك على انها الصح وتسأله على الصح تلاقيه ما يعرفش عنه حاجة

                              تيجي بعد كده تخش امتحان تويفل ولا تقعد في انترفيو تلاقي نفسك بتتكلم لغة تانية واللي قدامك هتقوله بيز وماي نيم ايس محمد ... هو هيفهمك اه بس هيعرف انك مش مثقف من كلامك وهيعلم عليك ... عشان كده انا حبيت اوضح للناس كلمة غلط من ضمن كلام كتيييييييييير اوي غلط عشان اللغة الاصلية بقا بيتردم عليها بجد والجهل بيمتد ما بين اللغة والتصرفات

                              يعني في الجيم اي واحد لو سألته عن تمرين منطقة الصدر .. هيقولك آه .. انت هتتمرن بنج النهارده .. أو بنش

                              لو سألته يعني ايه بنش ... هيتنح برضه .. لو عارف هيقولك الترابيزة اللي بتتمرن عليها .. كده بقا تمرين عضلة الصدر اسمه بنش !!!

                              طب اسمها ايه بالانجليزي يا برنس ؟ برضه هيتنح ... تسعين في الميه دخل الجيم لقا الناس بتقول النهاردة هتمرن بنش خلاص فهم ان عضلة الصدر هي البنش .. وده طبعاً تهريج وجهل روعة .. عضلة الصدر هي الشست .. وواحد في المليون اللي بيقول كده

                              بالمثل عضلة الترابيزيوس .. ما بين الرقبة ولوح الكتف .. اي حد هيقولك الترابيس .. قوله طيب ايه الترابيس دي ؟ !!

                              ده غير الفتي في اسلوب التمرين وكل ما يتعلق بالتمرين

                              كل حاجة في الموبايلات والكمبيوتر بقت ابداع تاني: مذر بورد .. بوردة ، فان .. فانة ، شيب .. شيباية ، الصب ووفر برضه تسعين في الميه من الناس ما تعرفش ايه الكلمة دي ومعناها ايه ... هي سماعات وخلاص ويمكن ما يعرفش انها بتطلع البيس بس او الصوت التخين يعني .. وفي اللي يقول صب هوفر ، وصب بوفر ، وصب اوفر ....... وأخيراً .. صباية
                              ههههههههههههه
                              انت كدا هيجيلك ضغط وسكر
                              هدي اعصابك يا اكسلانس
                              ولو اجتمعوا على ان يضروك بشيء لن يضروك الا بشيء قد كتبه الله لك

                              Comment

                              Working...
                              X