طلب صغير!

[NaderNabil]

عندي مشكلة في فيشة الكاسيت اللي في العربية.
هو JVC و فيشته هيه هيه بتاعت ال Sony
المشكلة ان الفيشة مفهاش غير خارج سماعتين و انهاردة بعد ماركبت سماعات قدام لقيت ان ملهمش سلوك في الفيشة و اتخنقت جدا
الكاسيت نفسه له خارج بس الفيشة لأ.

هل من الممكن الاقي الفيشة دي عند حد تكون بتاعت كاسيت قديم مثلا ؟؟
او لو تقدروا تدلوني ألاقيها فين!!!!!
متشكر جدا

[Adham]

يعني اية الكاسيت نفسة فية خارج بس الفيشة لأ ؟؟؟

تقدر توصل سماعتين على كل سلكتية بس يكونوا عالتوازي بس يكون الواط بتاعهم ضعف واط الكاسيت لأنهم في الحالة دي حايبقوا نص المقاومة

[Karim_Monir]

0103096792
ده تليفون عادل مزيكا
قولة انا صاحب كريم منير
ده احسن صنايعي كماليات وصوتيات في شارع دمشق
جنب السجان على طول
محل اسمه عالم الكماليات
وقولة على طلبك بس في الغالب هايحتاج يشوف الجهاز لان ممكن يكون عارف شكل الفيشة بس مش عارف بتاعت ايه

[مدحت منيب]

رنا يخلليك لنا ادمين .... بجد مش اشكرك ازاى..؟؟ اية رايك انعم عليك بلقب ظريف ؟ : بلدوزر المشاكل :D :D :D مع خاص الحب , و 1000 حمدللة ع السلامة و عقبال الرحلة الجاية

[NaderNabil]

متشكر يا جماعة على الردود و متشكر يا كريم على مساعداتك

المشكلة ان الفيشة ناقصها سلكتين واحدة من الشمال و واحدة من اليمين عشان كده موضوع توصيل الاتنين على فردة واحدة مستبعد...
الفيشة أصلا كان شكلها فيها السلكتين دول بس وقعوا بقى ولا ايه معرفش

[Adham]

متشكر يا جماعة على الردود و متشكر يا كريم على مساعداتك

المشكلة ان الفيشة ناقصها سلكتين واحدة من الشمال و واحدة من اليمين عشان كده موضوع توصيل الاتنين على فردة واحدة مستبعد...
الفيشة أصلا كان شكلها فيها السلكتين دول بس وقعوا بقى ولا ايه معرفش

ياباشا الموضوع ابسط مما تتخيل

بيبقى فية كلبس مدور كدة جوة الفيشة هو عبارة عن زي بالضبط ماسورة رفيعه بيتحط فيها سلك من ناحية و يتضغط علية بزرادية يقفل
و تدخلة في الفيشة من الطرف التاني يمسك في ال Pin اللي في ضهر الكاسيت

اي صنايعي كاسيت يقدر يعملهالك من كليبسات اي فيشة قديمة عندة مالهاش لازمة

و الفيش دي بتتباع في باب اللوق في كل الاحوال

بس ليها مقاسات من حيث التخانة

[NaderNabil]

الف شكر يا آدهم باشا...كده طمنتني شوية..
أنا هنزل أركب السماعه اليمين و أعدي على الراجل بتاعي...و هوافيكوا بآخر اللآخبار

[NaderNabil]

تم حل المشكلة الحمد لله ...و بدون الذهاب الي الصنيعي..
قمت بتركيب سلكين في الفيشة مكان اللي كانو واقعين و ثبتهم كويس و بعد كده وصلت السماعات و الدنيا بقت ذي الفل :D
ألف شكر ياجماعة على مساعداتكم و اهتمامكم

[Adham]

ركبتهم بترامل مدورة زي اللي قلت لك عليهم ؟

[NaderNabil]

ركبتهم بترامل مدورة زي اللي قلت لك عليهم ؟

لأ.... :D
اولا الفيشة مش زي ما حضرتك فاكر..أنا عارف قصدك ايه
دي الترامل بتاعتها صغيرة أوي أد 1mm كده
اللي النا عملته اني دخلت سلك متعري مبروم :lol: مكان الترامل فبقى عامل زيهم بظبط و جربتهم ذي الفل 8)