اليكم القول الفاصل عن اللمبات المغشوشة (المضروبة)

[keko]

طبعا كل واحد عنده مشكله ازلية فى معرفة اللمبات دى اصلية ولا لا
خبرتى مش كتير عن لمبات العربيات ولكن اتاجر فى اللمبات المنزلية منذ زمن طويييييييل و انعم على الله بالخبرة والقواعد فى معرفة المضروب والاصلى هى ذاتها فى لمبات المنازل
دى اشهر انواع
فيليبس - هولندية الاصل Home - Royal Philips
اوزرام - المانية الاصل OSRAM|index
سيلفانا - المانية الاصل OSRAM SYLVANIA - SYLVANIA Home
تنجزرام - مجرية الصنع
جنرال اليكتريك GE - مجرية الصنع GE : imagination at work

بالنسبة لبلد الصنع فالانواع الثلاثة الاولى نادرا ان تجد بلد الام هى بلد الصنع فمثلا الماركة لديها مصانع فى هولندا وبولندا وفرنسا والصين لذلك بلد الصنع ليست مقياس
بالنسبة لفيليبس تعتبر اشهر ماركة لمبات فى التاريخ لذلك يتوجه الجميع الى استخدام اسمهم التجارى على البضائع المغشوشة فتحتاج صعوبة فى ايجاد الاصلى لذلك ان افضل صناعة تشتريها فى فيليبس هى الصينى !! اجل لانك عندما تشترى فيليبس صينى فهى اصلى اكيد لان مافيش حد هيعمل لمبة مضروبة ويكتب عليها صينى هايكتب فيلبس فرنساوى او هولندى (اساسا بطلو يعملوها فى هولندا ) انما الصينى ضامن ان هى اصلى اضف انها ستكون اقل فى السعر من الاوروبى والاهم من ذلك ان فيليبس لابد ان تحافظ على مستوى جودتها سواء كان المصنع فى الصين او حتى عزبة كرومبو طالما المنتج فيليبس

اوزرام وسيلفانيا من نفس المجموعة زى فولكس و سكودا ولكن الفرق ان اوزرام معروفة وقديمة جدا فى مصر لذلك كان لها نصيب الاسد فى البضائع المغشوشة والمضروبة وحتى الاصلى منه تجده made by osram germany وتلك ليست made in germany انما المقصود صنعت بواسطة اوسرام الالمانية بغض النظر عن بلد الصنع لذلك انصح بالابتعاد عنها قدر الامكان الا لو من مكان ثقة جداااا اما سيلفانيا فعلى الرغم من عدم انتشارها ولكنها من اجود الانواع فعلا وصعب جدا تلاقى منها مضروب واغلب صناعاتها اوروبى وليس صينى

النسبة لتنجزرام و جنرال اليكتريك فهما وجهان لعملة واحدة حيث ان تنجزرام احدى شركات مجموعة جنرال واغلب ما وصلنا من جنرال يكون من مصنع تنجزرام المجرى اى نفس الجودة وتتميز تنجزرام عن الجميع بانها قديمة ايضا فى السوق ولكن قليل جدا المضروب منها لذلك فهى محل ثقة
اضف الى ذلك هناك قواعد اساسية لتمييز المضروب فى اى منتج يعنى مثلا تلاقى الكتابة مايلة على المنتج او طباعة العلبة مش قوى وايضا تحكيم العقل يعنى لو تاجر بيقولك عندى لمبة تايوانى ب 40 جنيه وعندى المانى ب 40 فصعب التصديق والثقة فى المحل امر هام جدا
بعد كده تقدر تشوف احتياجاتك فى الاضاءة موجوده فى اي من تلك الماركات
واحب اضيف معلومة بالنسبة لانك تلاقى اللمبة مكتوب عليها 3000k و 5000 k دى تسمى color temprature يعنى درجة حرارة اللون !! معنى كده ان النار عند درجة حرارة 3000 كيلفن بتكون لونها احمر لما تزيد عند 4000 لحد 5000 تكون لون الشمس و من 5000 لحد 6500 تكون الابيض الصريح وبعد كده يبدا اللون فى الزرقان اللى اجمل درجاته 8000 ولما توصل ل 12000 يبدا اللون يكون بنفسجى

اسف على الاطالة وارجو ان اكون قد وفقت فى عمل اضافة لهذا المنتدى العظيم

[M.almaghraby]

فعلا معلومات هامة جدا

الف شكر يا باشا

طيب في منافذ بيع مضمونة؟

[mazagngi2010]

شكرا ياكبير

[keko]

فعلا معلومات هامة جدا

الف شكر يا باشا

طيب في منافذ بيع مضمونة؟

هوا انا من اسكندرية بس اعتقد الاعضاء من القاهرة ممكن يدلوك على الناس المضمونة واسمع ان هاشم باص محترم

شكرا ياكبير

تسلم يا غالى

[2faster]

هااااااااااااااااااااااااااااااااااايل


انا او مرة اعرف ان كل ما الحرارة تزيد كل ما اللون يبقي اصفي

[bakkarahmed]

شكرا علي المعلومات دي

[keko]

هااااااااااااااااااااااااااااااااااايل


انا او مرة اعرف ان كل ما الحرارة تزيد كل ما اللون يبقي اصفي

بس المقصود مش حرارة اللمبة ده مقياس لون على النار العادية يعنى اللهب بتاعها بيكون بلون معين عند درجة حرارة معينة

[smsm_nabawy]

موضوع جميل الصراحة ، و جزاك الله خير

[A.Saad]

منافذ البيع المضمونة هتكون التوكيل

[keko]

منافذ البيع المضمونة هتكون التوكيل

كلامك مظبوط ولكن اغلبنا بيشترى اللمبات من برة التوكيل عشان يكون فيه تشكيلة كبيرة باعتبار ان التوكيل يبيع انسب الانواع للسيارة ولكن لو محتاج درجة اضائة مختلفة ماتكونش فى التوكيل لذلك يستحسن سكون عند الواحد خليفية سواء الشراء من التوكيل او بره

[Deshahcoka]

دلوقتي احنا بنتكلم عن لمبات البيت ولا الزنون ؟ ولا ايه بظبط ؟

[fawzyyyy]

الف شكر يا باشا علي المعلومات
بس انا عندي سؤال مهم هل اللمبات اللي 8000k موجودة عادي ولا ديه في الزينون بس

اصل انا عمري ما شوفت لمبات عاديه باللون ده

[A.Saad]

كلامك مظبوط ولكن اغلبنا بيشترى اللمبات من برة التوكيل عشان يكون فيه تشكيلة كبيرة باعتبار ان التوكيل يبيع انسب الانواع للسيارة ولكن لو محتاج درجة اضائة مختلفة ماتكونش فى التوكيل لذلك يستحسن سكون عند الواحد خليفية سواء الشراء من التوكيل او بره

انا متفق معاك تماما فى لازم وجود خلفية لدى الشخص لان طبعا منافذ التوكيلات مش فى كل مكان ومواعيدها ساعات مش بتناسب البعض
الف شكر على المجهود فى الموضوع

[keko]

دلوقتي احنا بنتكلم عن لمبات البيت ولا الزنون ؟ ولا ايه بظبط ؟

لا الكلام على اللمبات العادية مش الزينون

الف شكر يا باشا علي المعلومات
بس انا عندي سؤال مهم هل اللمبات اللي 8000k موجودة عادي ولا ديه في الزينون بس

اصل انا عمري ما شوفت لمبات عاديه باللون ده

لا ياباشا هيا موجودة عادى وتقريبا فيه 12000 كمان بس مش متاكد انما ال 8000 اكيد وسعرها مش غالى

مشكورين على المرور يا جماعة واسف على التاخير فى الرد والله لسا واخد بالى م الاسئلة

[weta]

اضيف حاجه لو سمحتم بعد مشترت لمبتين جان مكتوب علي العلبه صناعه الماني عند التركبب ببص لقيت علي المبه نفسها صنا عه هندي كانوا ال260/200 خلو بالكوا.............