جين 2 ولا فيات لينيا ؟؟؟؟؟

[tutankhamoun]

سبحان الله ....... كلام غريب قوي في الموضوع ده ( كلام يضايق بجد )

أنا مش عارف أيه المشكلة من مقارنة عربية ماليزي بعربية إيطالي ؟؟؟

طيب أنا عندي خبرة في الماركتين و ركبت الماركتين و كذا موديل .

الفيات اللينيا العادية ( اللي من غير توربو ) لا تُقارن أصلا بالجين 2 ........ مفيش وجهة مقارنة بينهم
اللينا تقيلة ..... و موتور صغير .......... و عربية خنيقة و مش بتاعة جري ........
لو على جودة التقفيل ............ ماشي اللينيا تكسب .

الخامات ........ مفيش فرق .
كماليات ......... الجين 2 تكسب .

أنا أصلا لو هاشتري عربية صغيرة بموتور صغير ....... أيه اللي يخليني أشتري عربية كبيرة في الحجم كدا بموتور صغير ؟؟
أنا عايز أخنق نفسي يعني ؟؟؟؟؟؟
لو هاشتري عربية عربية موفرة ........ طيب ما أشتري الجراند بونتو أو البونتو ......... أخف في الوزن و القوة متقاربة .


أما بعض الناس اللي بتتضايق قوي من وضع عربية مع أسم تجاري كبير مع عربية تانية مع أسم تجاري أصغر أقولهم


شوفوا الياباني و الكوري دلوقتي ........ بيتقارن في أوروبا و أمريكا بالأوروبي و الامريكي عادي جدا .
منتجين بينافسوا بعض ....... أيه المشكلة أني أقارنهم ؟؟؟؟؟؟؟؟؟؟؟؟؟ مش فاهم .

حتى الصيني ........ ممكن يدخل في المقارنة ....... أيه المشكلة ؟؟؟؟ مش فاهم ؟؟؟؟؟


كل حاجة لها مميزات و لها عيوب ...... و مفيش حاجة ممتازة على الأطلاق و حاجة وحشة على الأطلاق .

و أعتقد أن الجين 2 أثبتت نجاح باهر باهر بجد ....... عربية بتتباع بدون تعريفة مصروفة على الدعاية !!!!
عربية بتبيع نفسها بنفسها بدون أي مجهود تسويقي ...
أكيد يعني مش عربية زبالة .


================================================== ========

لو بنقارن بين الجين 2 و اللينيا أم توربو

اللينيا توربو تكسب ............ خصوصا لو مش عايز تبيع بدري ... لأن سوقها واقع .
أهم حاجة تتأكد من ناس قبلك أشتروها و تشوف التوكيل خصوصا لو ناوي تشتري أم توربو .... علشان مش هاتعرف تصلحها برة و قطع غيارها أيضا مش متوفرة
لو ناوي عليها
تسأل على التوكيل
تسأل على قطع الغيار برة .

أنا فخور أني معايا جين 2 ماليزي ( الدولة الإسلامية الوحيدة اللي عندها صناعة حقيقية ) ربنا ينصرهم و يعلي مراتبهم و يقويهم .......... و يقوي مركزهم في السوق العالمي .....

كفاية بقى دعم للأعداء جهارا نهارا ............................................ و كفاية تهبيط معنويات ....عايزين نقب بقى على وش الصناعة العالمية و يكون لينا أسم ........ و كلمة بدل البهدلة و قلة الأدب اللي من كل من هب و دب ( أيطاليا و ألمانيا و أمريكا ........... و الدعم المتواصل اللانهائي للصهاينة )

أنا عارف هاييجي واحد يقولي سياسة و مش سياسة
مش فلوسنا اللي بتروح ليهم دي هي اللي جزء منها راجع لليهود الصهاينة علشان يقتلوا به الفلسطينين المسلمين و المسيحين ؟؟؟؟؟؟؟

السياسة في كل حاجة وده رأيي و توكلت على الله .

[tutankhamoun]

ااه صح الموتور بتاع الجين هو الوحيد اللى 110 حصان بجد عشان الجين بتنزل فى امريكا واوروبا بالموتور ال1600

الجين 2 مش بتتباع في أمريكا !!!

برده وبيتئال نفس الكلام انما بائى العربيات مش موثوق فى ارقامها ال 122 و 124 لئنها مابتنزلش بره بمواتيرها دى بتنزل بمواتير 2000 سى سى وبتدى حوالى 130 او 140 حصان فقط طب ازااااى ؟؟؟؟؟
والدليل على كدب التجار المصريين
اللانسر البومة قالو انه 120 حصان وطلع 105 بس
والصنى قالو 118 وطلع 102 بس والكدب ده فى مصر بس طبعا
انما الجين2 فى المواقع الامريكية 1600cc campro iafm dohc 110 hp
وده كلام موثوق فيه 100%
ولا انتوا رأيكو ايه فى الموضوع ده ؟؟؟؟؟؟؟؟؟؟

كل العربيات من ناحية قوة الحصان بتقلل حوالي 10 % أهلاك فاقد الات الجر و العجل .

مفيش عربية في العالم كله بتقيس من عند العجل و تحط الرقم في الكتالوج .


كله قبل توصيل الات الجر ............ مرسيدس و فيات و بي أم و بروتون


و على فكرة
الجين 2 أقل قوة من اللينيا أو البرافوا اللي فيهم توربو .....

و موضوع النقلات البدري ده حسب الفتيس مش الموتور ...............

و مرة تانية بأكد
مفيش عربية في العالم بتقيس رقم من عند العجل

بتوع السباقات بس اللي بيعملوا كدا

إنما الماركات التجارية كلهم بيقيسوا قبل توصيل الات الجر .
يعني الجين 2 أقل 10 % ........ يعني حوالي 101 حصان صافي للعجل
و اللينيا أقل 10 % يعني حوالي 112 حصان صافي للعجل .

و عايز برضه أٌول حاجة تانية
الإلنترا و الكورولا ................. 120 أو يزيد قليلا برضه أرقامهم قبل الات الجر ......... و برضه أقوى من الجين 2 أو البيرسونا .

اللانسر البومة فيه منها 105 و دي المواصفات المصري
و المواصفات الخليجي 122 حصان تقريبا بس لازم بنزين 95 علشان تحس بيهم كلهم .

أرجوا أني أكون وضحت نقطة مهمة ....
علشان زي ما أنا بحب الجين 2 و بموت في ماليزيا و فرحان بيهم
بس لازم الكلام يكون في حجمه الطبيعي .

[tutankhamoun]

آه ونسيت أقول حاجة إن اللنيا اللي هي 77 حصان ده ب 100 حصان من الكوري قوي الماليزي لأن الفية بتقيس الحصان وال مطور في العربية لكن الكوري وال مالذي والياباني كمان بيأسه وهو بره جسم العربية فـبيبقى الحصان بتاع القربي ب 1.63 من الحصان التاني يا ريت تكون فهمت قصدي وشكره :d

يا جماعة مين بس اللي قال الكلام ده ؟؟؟؟ كلام غير صحيح بالمرة ؟؟؟

هات عربية فيات 77 حصان ........ و هات الجين 2 أو اللانسر البوما و أطلع شد

الفيات هاتشم التراب اللي خارج من عجل اللانسر ..



كل البشر بيقيسوا بمقياس واحد ........ من قبل توصيل الات الجر .....................


تاني مرة كله بقيس قبل توصيل الات الجر .........
أقولك بلاش لانسر 1600

هات ياريس 1300 اللي هي 84 حصان ..............
و الله العظيم هاتقطع أي عربية فيات 77 حصان ...............

[momopersona]

طب ليه العربيات الالمانى بتبئا الهورس باور قليل وبرغم كده سحبها اعلى من الكورى اللى الهورس باور بتاعه كتيير زى الاوكتافيا وغيره
هل ده بيبئا فرق فى الفتيس
ولا الهورس باور مالوش دعوة بسرعة تجميع العربية ولا ايه
على فكرة انا قصدى فى البونتو واللينيا التربو ان نفس النقلة قصير فبيخليك مع التسارع بتستهلك نقلات اكتر مع كل نقله اكيد بتاخد وقت وانت بتنقل فبتطول وقت التسارع الفعلى بتاعك طبعا فى المانوال فاهمنى ؟؟
انا مش عارف اشرحها كويس
قصدى ان انت لما بتدوس دبرياج وتنقل بتاخد نص ثانية تقريبا من غير شد عشان تنقل
فى الجين بتاخد نص ثانية بس عشان بتنقل من الاول للتانى بس اما البونتو بتاخد ثانية عشان بتنقل مرتين ففرقت نص ثانية فى التسارع ده غير التجميع فى اول كل نقلة بيبئا غير عند 4000 ار بى ام وانت طالع
يا رب اكون وضحت وجهة نظرى
وطبعا رخمة ان نفس العربية يبئا مكتفك

[tutankhamoun]

طب ليه العربيات الالمانى بتبئا الهورس باور قليل وبرغم كده سحبها اعلى من الكورى اللى الهورس باور بتاعه كتيير زى الاوكتافيا وغيره
هل ده بيبئا فرق فى الفتيس
ولا الهورس باور مالوش دعوة بسرعة تجميع العربية ولا ايه

أنا مش عارف أزاي الأوكتافيا تسبق الكورولا أو الإلنترا ؟؟؟؟؟
إذا كان أنا بالجين 2 اللي هي أقل من الكورولا و الإلنترا في الحصان ........ كنت ماشي و سابق الأوكتافيا بسنة بسيطة
و الإلنترا تسارعها أحسن مني ....... و بالتالي الأرقام بتقول أن الإلنترا أو الكورولا الجديدة أحسن من الأوكتافيا في الستارع و في زمن الوصول لسرعة معينة
بس الفروق مش كبيرة قوي لأن فرق الحصان مش كبير قوي برضه .
و الزم برضه نخلي بالنا من حاجة مهمة و هي نسبة الفاقد من عربية لعربية بتختلف حسب تصميم الات الجر و الفتيس
بس أنا مازلت متأكد أن الإلنترا و الكورولا الجديدة أقوى من الأوكتافيا


على فكرة انا قصدى فى البونتو واللينيا التربو ان نفس النقلة قصير فبيخليك مع التسارع بتستهلك نقلات اكتر مع كل نقله اكيد بتاخد وقت وانت بتنقل فبتطول وقت التسارع الفعلى بتاعك طبعا فى المانوال فاهمنى ؟؟
انا مش عارف اشرحها كويس
قصدى ان انت لما بتدوس دبرياج وتنقل بتاخد نص ثانية تقريبا من غير شد عشان تنقل
فى الجين بتاخد نص ثانية بس عشان بتنقل من الاول للتانى بس اما البونتو بتاخد ثانية عشان بتنقل مرتين ففرقت نص ثانية فى التسارع ده غير التجميع فى اول كل نقلة بيبئا غير عند 4000 ار بى ام وانت طالع
يا رب اكون وضحت وجهة نظرى
وطبعا رخمة ان نفس العربية يبئا مكتفك

بالنسبة لموضوع الفتيس و النفس القصير أو الطويل

بُص الموتور صُغير ........ مهما كان عليه توربو و لكن حجمه صغير و بالتالي مش كويس الصعود بعدد اللفات لعدد كبير لمدد طويلة خصوصا أن فيات بتحاول تعمل مواتير وسط ....... لا هي قوية قوي ........ و لا ضعيفة و أستهلاك البنزين دائما في الحسبان لأنهم أساسا شركات عربية صغيرة الحجم
هي دي العربيات اللي منجحة الشركة و عاملاها أسم في أوروبا .... مش العربايت الكبيرة خالص .


المهم خلاصه الخرج اللي خارج من العربية ................. خارج أمتى و أزاي و السرعة القصوى و هكذا

[bishoy02010]

اللينيا افضل بس توكيل اسوء وعدم انتشار وقطع غيار اغلى تخليك تروح للجين2 ولو مستعد تغامر هات اللينيا

+11111

[asas223]

شكرا يا جماعة ... بس هوه فعلا قطع غيار اللينيا هى الجراند بونتو؟؟ .. اعتقد كده قطع غيارها حتبقى متوفرة

[tutankhamoun]

شكرا يا جماعة ... بس هوه فعلا قطع غيار اللينيا هى الجراند بونتو؟؟ .. اعتقد كده قطع غيارها حتبقى متوفرة

طيب يعني هي فطع غيار الجراند بونتو متوفرة ؟؟؟؟؟؟
عربيات فيات الجديدة مشكلتها أنها مش منتشرة ...... و بالتالي قطع الغيار خصوصا زي ( رفارف و فوانيس ....... الخ ) صعب تلاقيها برة التوكيل .

بالنسبة للمواتير
لو الموتور اللي في الجراند بونتو 77 حصان زي بتاع اللينيا يبقى غالبا مشتركين في قطع غيار الموتور
و ممكن طبعا يكونوا مشتركين في قطع غيار تانية زي تيل الفرامل و العفشة ........ الخ .

ربنا يوفقك و تختار العربية اللي تناسبك إن شاء الله .

و إن كان فيات لينيا أو جين 2 ........ الأثنين حلوين .

[Ahmed R08]

انا فى رأىى ان مفيش حد بيروح يشترى عربيه عشان هى ماليزى واول دوله مسلمه ليها صناعه...

لأ السياسهه مش بتدخل فى كل حاجة فى الحياه بالمنظر دة .... ولو فكرت كدة مش هتعيش....

بعيد بأة عن السياسه وأحوال المسلمين

الينيا من وجهه نظرى تتميز بالاتى الاتى:

-خامات ممتازة سوء داخليه او خارجيه.
-موتور ادائه مرضى (العادى) لقياده رزينه محترمه (احنا مش داخلين رالى).
-اقتصاديه سواء فى استهلاك البنزين او فى اسعار قطع الغيار المعمره جدا
-تصميم رائع وشيك جدا(مسأله ازواق).
-وسع داخلى معقول للصالون وللشنطه(كبيره جدا)


تتميز الجين 2 على الينيا فى نقطتين

- سعر اعاده البيع
-توفر قطع الغيار خارج التوكيل.
-الموتور اقوى

كأسم لشركه وخبره وتاريخ وعراقه فى التصنيع واللى أكيد بيظهر فى كل حاجة فى ريحه العربيه ف فيات تتفوق بلا منازع.

تحياتى....

[tutankhamoun]

انا فى رأىى ان مفيش حد بيروح يشترى عربيه عشان هى ماليزى واول دوله مسلمه ليها صناعه...


متهيألي لو السلعة تستاهل ....... يبقى أولى تسيب سلعة عدوك و تشتري سلعة أخوك و لا أيه ؟؟؟

لأ السياسهه مش بتدخل فى كل حاجة فى الحياه بالمنظر دة .... ولو فكرت كدة مش هتعيش....

السياسة داخلة في كل حاجة
لأن كل مليم بندفعه في سلعة أعدائنا بُيستخدم ضدنا في النهاية و بيساعد الأعداء على التقدم و أحنا بنزداد تخلف .
و أعتقد أن الواحد لما يعمل حاجة و نيته فيها الخير لله عز و جل نصرة أخوانه المحاصرين ....يبقى هانعيش على الأقل مرتاح الضمير أني في أيدي حاجة عملتها ........

بعيد بأة عن السياسه وأحوال المسلمين

الينيا من وجهه نظرى تتميز بالاتى الاتى:

-خامات ممتازة سوء داخليه او خارجيه. ( و الله أنا ركيب فيات ........ و خامات اللينيا العادية اللي شوفتها ما تفرقش حاجة عن خامات الجين 2 غير جودة التفقيل العالية )
-موتور ادائه مرضى (العادى) لقياده رزينه محترمه (احنا مش داخلين رالى). ( تقصد موتور ميت .... 77 حصان و وزن العربية 1200 كجم .......... أعتقد أنها مش مريحة خالص خصوصا على الطرق السريعة و السفر .)
-اقتصاديه سواء فى استهلاك البنزين او فى اسعار قطع الغيار المعمره جدا ( قطع الغيار حسب نوعها )
-تصميم رائع وشيك جدا(مسأله ازواق). من ناحية التصميم فيها سيارة جميلة و رائعة شكلا و مضمونا
-وسع داخلى معقول للصالون وللشنطه(كبيره جدا)


تتميز الجين 2 على الينيا فى نقطتين

- سعر اعاده البيع
-توفر قطع الغيار خارج التوكيل.
-الموتور اقوى

كأسم لشركه وخبره وتاريخ وعراقه فى التصنيع واللى أكيد بيظهر فى كل حاجة فى ريحه العربيه ف فيات تتفوق بلا منازع.

تحياتى....

يا جدعان الدنيا مش تاريخ و أحنا مش بنقارن تاريخ شركتين هنا
أنا لما بأنزل أشتري عربية مش بأقول أنا عايز أقدم عربية في السوق العالمي و أروح أشتري منها ؟؟؟
أيه المنطق الغريب ده

أحنا بنقارن سلعة بسلعة

طيب تعالى نقارن سينا ......... و دايو لانوس

شوف مين اللي له سوق بيع ....... و مين اللي عليه طلب ......... و مين اللي اعتمادي أكتر .
مش سينا اللي بتسخن دي تبع فيات الأعرق من دايو مثلا .......

قارن سلعة بسلعة .......... مش تاريخ شركة بتاريخ شركة تانية

ممكن الشركة القديمة دي تعمل سلعة وحشة ....... عادي بني آدمين

اليابان تُعتبر صفر على الشمال جنب فيات بالمقارنة بالتاريخ
و لكن اليابان من أكبر مُصنعي السيارات في العالم و فيات هي اللي صفر على الشمال في مبيعاتهم و سمعتهم
و لا أنا غلطان


يجي أيه تاريخ هوندا جنب تاريخ فيات العريق


بس شوف مين عالمي أكتر ......... و مين بيبيع أكتر ......... و مين بيدخل سباقات و مين صاحب أبتكارات في مجال المواتير .........
هوندا طبعا


فياريت نقارن سلعة بسلعة ................ أنا هاينفعني بأيه تاريخ الشركة لما أشتري عربية و تطلع وحشة أو معرفش أصونها أو ملقيش قطع غيار لها ( ده مثال و لا يُطبق على اللينيا بأي حال من الأحوال )


عموما أنا قلت رأي مُسبقا ............... و ربنا ييسر الحال لصاحب الموضوع و يشتري اللي يعجبه و أنا هنا مش ضد فيات بل على العكس أنا من عشاق فيات و من مالكيها القدامى ( عربيات فيات حديثة كلها مش قديم كمان )

بس كل حاجة لازم تأخدها وضعها و أسمها الطبيعي ........ و بلاش الكلام الكبير ده بتاع التاريخ .

لأن لو بالتاريخ مكنش حدا عمل عربيات و كانت مرسيدس هي المنتج الوحيد للسيارات في العالم أجمع .
و لو بالتاريخ مكنش هيونداي كسبت أحسن عربية سيدان عدة مرات في أمريكا ....منافسة مع عربيات أمريكاني و عربيات ياباني كتير في السوق .
و مكنتش هوينداي أصبحت من أكبر 5 منتجين سيارات في العالم كله .

الموضوع مش موضوع تاريخ تأسيس ........ الموضوع كله أجتهاد و شطارة في أنتاج سلعة معينة و خلاص .

[Ahmed R08]

يا جدعان الدنيا مش تاريخ و أحنا مش بنقارن تاريخ شركتين هنا
أنا لما بأنزل أشتري عربية مش بأقول أنا عايز أقدم عربية في السوق العالمي و أروح أشتري منها ؟؟؟
أيه المنطق الغريب ده

أحنا بنقارن سلعة بسلعة

طيب تعالى نقارن سينا ......... و دايو لانوس

شوف مين اللي له سوق بيع ....... و مين اللي عليه طلب ......... و مين اللي اعتمادي أكتر .
مش سينا اللي بتسخن دي تبع فيات الأعرق من دايو مثلا .......

قارن سلعة بسلعة .......... مش تاريخ شركة بتاريخ شركة تانية

ممكن الشركة القديمة دي تعمل سلعة وحشة ....... عادي بني آدمين

اليابان تُعتبر صفر على الشمال جنب فيات بالمقارنة بالتاريخ
و لكن اليابان من أكبر مُصنعي السيارات في العالم و فيات هي اللي صفر على الشمال في مبيعاتهم و سمعتهم
و لا أنا غلطان


يجي أيه تاريخ هوندا جنب تاريخ فيات العريق


بس شوف مين عالمي أكتر ......... و مين بيبيع أكتر ......... و مين بيدخل سباقات و مين صاحب أبتكارات في مجال المواتير .........
هوندا طبعا


فياريت نقارن سلعة بسلعة ................ أنا هاينفعني بأيه تاريخ الشركة لما أشتري عربية و تطلع وحشة أو معرفش أصونها أو ملقيش قطع غيار لها ( ده مثال و لا يُطبق على اللينيا بأي حال من الأحوال )


عموما أنا قلت رأي مُسبقا ............... و ربنا ييسر الحال لصاحب الموضوع و يشتري اللي يعجبه و أنا هنا مش ضد فيات بل على العكس أنا من عشاق فيات و من مالكيها القدامى ( عربيات فيات حديثة كلها مش قديم كمان )

بس كل حاجة لازم تأخدها وضعها و أسمها الطبيعي ........ و بلاش الكلام الكبير ده بتاع التاريخ .

لأن لو بالتاريخ مكنش حدا عمل عربيات و كانت مرسيدس هي المنتج الوحيد للسيارات في العالم أجمع .
و لو بالتاريخ مكنش هيونداي كسبت أحسن عربية سيدان عدة مرات في أمريكا ....منافسة مع عربيات أمريكاني و عربيات ياباني كتير في السوق .
و مكنتش هوينداي أصبحت من أكبر 5 منتجين سيارات في العالم كله .

الموضوع مش موضوع تاريخ تأسيس ........ الموضوع كله أجتهاد و شطارة في أنتاج سلعة معينة و خلاص .

كلام سليم

بس لو حضرتك خدت بالك

انا كتبت نقطه التاريخ دى اااااااااااااااااااااااااااااااااااااخر نقطه كنقطه ثانويه للى بيحبو يقارنو بالتاريخ

لكن انا اتفق مع حضرتك...

ثانيا لو جينا نتكلم على المبيعات للشركات فالسوق المصرى سوق غريب وليه قوانينه الخاصه بيه انما على المستوى العالمى فا فيات مكتسحه شركات كتير فى المبيعات

اخيرا

انا لا معايا فيات ولا معايا جين 2 ولا ال 2 يهمونى فى أى شىء

ربنا يوفق صاحب الموضوع ويختار اللى يرتاح ليه اكتر ويركب اللى على مزاجه مش على مزاج الناس

تحياتى...

[SeiffoZ]

بس متعصبش نفسك حضرتك هههههههههه:POINTI~2[2]:
اسلوبك يقول ان في طار بينك وبينك الجين.2
يعني في اسلوب ممكن توضح فيه وجهه نظرك
مش عين وحاجب ومنخير

ههههههه لا يا باشا أنا بس مشكلتى إن كاره للجين 2 قلبا و قالبا ....

و فيتاوى متعصب جدا ... جدا ... جدا ... لأقصى درجة ....

و بعد كده صعب قوى أقارن بين مخترعى التكنولوجيا و بين صناع التكنولوجيا ...

العين لا تعلوا على الحاجب ...

مش معناه الجين وحشة ولا حاجة ... بالعكس العربية جميلة لكن انا مش بتقبلها .. و لو قارنتها مع عربية تانية تلاقينى أقارن بموضوعية ...

لكن تيجى جنب فيات و تتقارن .. الموضوع ده يطير فيه رقاب

[momopersona]

مش اوى كده احنا مابنقارنش بينها وبين البى ام دبليو
دى فيات شركة جامدة بس مش اوى كده يعنى
وقارن حسب ظروف بلدك مش حسب ظروف العالم لئن طرق مصر مش موجودة فأى حتة فى العالم
ولينا عربيات هى اللى تناسبنا وفى عربيات تانية احسن بس ماتناسبناش خااالص

[loodaa]

يا جدعان الدنيا مش تاريخ و أحنا مش بنقارن تاريخ شركتين هنا
أنا لما بأنزل أشتري عربية مش بأقول أنا عايز أقدم عربية في السوق العالمي و أروح أشتري منها ؟؟؟
أيه المنطق الغريب ده

أحنا بنقارن سلعة بسلعة

طيب تعالى نقارن سينا ......... و دايو لانوس

شوف مين اللي له سوق بيع ....... و مين اللي عليه طلب ......... و مين اللي اعتمادي أكتر .
مش سينا اللي بتسخن دي تبع فيات الأعرق من دايو مثلا .......

قارن سلعة بسلعة .......... مش تاريخ شركة بتاريخ شركة تانية

ممكن الشركة القديمة دي تعمل سلعة وحشة ....... عادي بني آدمين

اليابان تُعتبر صفر على الشمال جنب فيات بالمقارنة بالتاريخ
و لكن اليابان من أكبر مُصنعي السيارات في العالم و فيات هي اللي صفر على الشمال في مبيعاتهم و سمعتهم
و لا أنا غلطان


يجي أيه تاريخ هوندا جنب تاريخ فيات العريق


بس شوف مين عالمي أكتر ......... و مين بيبيع أكتر ......... و مين بيدخل سباقات و مين صاحب أبتكارات في مجال المواتير .........
هوندا طبعا


فياريت نقارن سلعة بسلعة ................ أنا هاينفعني بأيه تاريخ الشركة لما أشتري عربية و تطلع وحشة أو معرفش أصونها أو ملقيش قطع غيار لها ( ده مثال و لا يُطبق على اللينيا بأي حال من الأحوال )


عموما أنا قلت رأي مُسبقا ............... و ربنا ييسر الحال لصاحب الموضوع و يشتري اللي يعجبه و أنا هنا مش ضد فيات بل على العكس أنا من عشاق فيات و من مالكيها القدامى ( عربيات فيات حديثة كلها مش قديم كمان )

بس كل حاجة لازم تأخدها وضعها و أسمها الطبيعي ........ و بلاش الكلام الكبير ده بتاع التاريخ .

لأن لو بالتاريخ مكنش حدا عمل عربيات و كانت مرسيدس هي المنتج الوحيد للسيارات في العالم أجمع .
و لو بالتاريخ مكنش هيونداي كسبت أحسن عربية سيدان عدة مرات في أمريكا ....منافسة مع عربيات أمريكاني و عربيات ياباني كتير في السوق .
و مكنتش هوينداي أصبحت من أكبر 5 منتجين سيارات في العالم كله .

الموضوع مش موضوع تاريخ تأسيس ........ الموضوع كله أجتهاد و شطارة في أنتاج سلعة معينة و خلاص .

يا أستاذ توت مع احترامي لرأيك و لكن انا شايف ان المبيعات لما تتقاس على العالم كله يبقى فيها ظلم لأن في أماكن ما بتحبش حاجة معينة زي في أوروبا ما بيحبوش السيدان وبالتالي مبيعات تويوتا قليله هنال ولو بتنافس بتنافس بعربيات هاتش وزي البرازيل مثلا فيات هناك نمرة واحد في المبيعات و في نفس الوقت في مناطق زي الخليج و أمريكا بيحبوا التكييف ساقع جدا و السعة اللترية الكبيرة و بالتالي فيات ما تنفعش هناك بالرغم من ان التحالف مع كرايسلر يهدف الى اقناع الامريكان بالسيارات الصغيرة زات السعة اللترية القليلة و الموفرة في الوقود و بالتالي المبيعات بتقارن ثقافة الناس في كل منطقة.
ولكن عايز تقارن على مستوى العالم يبقى تقارن التكنولوجيا و الخامات و السعر مقابل القيمة و هكذا ولا ايه رأيك.
الحاجة التانيه ان تويوتا بتتباع على انها تويوتا (معروفة) لكن فيات بتكون تحت كذا اسم زي ابارث و الفا روميو بغض النظر عن المازيراتي و الانسيا و الفيراري لأنهم فئه تانيه خالص فشوف مجموع المبيعات بتاعتهم مقارنة بمبيعات سيارات أخرى.

[bahaahssn]

معلش بس انا عايز اعلق على حاجة واحدة بس الفرق بين الأوروبى و الكورى فى قياس قوة العربيات انا معيا فكترا 2008 ايزى ترونيك 105 حصان و كنت مسافر مع واحد صاحبى معاه النترا و واحد معاه يارس و كل العربيات اتوماتيك وزن عربيتى 1600كجم و الألنترا 1150كجم و لمفروض انها 122 حصان
1-من ناحية التسارع و باستخدام الأتوماتيك فقط طلع منع لحد سرعة 70 بسس لحد ما العربية نقلت ال 3 و بعد كدة بخخخخخخخ مفيش مقارنة وصلت لحد ال 220 و هوة كان لسه بيجمع 190 و اخر عربيتو كان 205 اما بالنسبة لليارس ف مش موجودة و لا داعى للأحراج كان معايا 2 فى العربية و هوة كان معاه واحد و اظن دى مقارنة بسيطة فى القدرة الحصانية رقميا يتفوق و بشدة فى الوزن يتفوق و بشدة انما فى الحقيقة الموضوع مختلف تماما