ارجوكم ساعدونى اختاروا معايا عربية مستعملة55000 الف

[DrRock]

اولا تحياتى لكل اعضاء نايل موتورز
ندخل فى الموضوع انا نويت اجيب عربية مستعملة فى حدود من 50 الى 55 الف ومحتار عالاخر وليا بعض المواصفات
* تكون عائلية يعنى تستحمل اسرة 6 افراد 5 منهم كبار
* تكون من الموديلات الجديدة (يعنى فيها تكييف وباور ) مش اقل من 98
* تكون موفرة فى البنزين
*تستحمل السفر عشان بسافر البلد احيانا (المسافة 100 كيلو)ومداخل البلد غير مرصوفة

وامامى بعض العربيات فى السعر ده ( اوبل فكترا 1600 سى سى مو 98_2001 & بيجو 405 & تويوتا كرولا العيون & لانسر مو98 & صنى بس مش لاقى غير 1300 سى سى (هل ده يستحمل تكييف وسفر )& نوبيرا موديل جديد)
ياريت توضحوا لى اى نوع منهم احسن ويستحمل وحد يقولى عيوب ومميزات كل نوع منهم
ولو فى انواع احسن قولولى
انا حاسس ان الفكترا كويسة فياريت دى بالتحديد اعرف لو ليها عيوب

[just_magdy1]

رايى ان المبلغ ده ممكن يجبلك كيا ريو موديل 2006 عربية ممتازة وعن تجربة وهى 1400 سى سى ... تتفوق على كل اللى انت قلته لحداثة الموديل ... ربنا يوفقك

[DrRock]

الف شكر عالرد ومنتظر مزيد من الاراء

[mhmd_001]

رنا يوفقك
انا زيك تمام نفس الظروف بتمام بس الفرق اني همشي 250 كيلو في اليوم وبقالي اكتر من 3شهور بدور ومش لاقي حاجة كويس ومش عارف اخد قرار..
بس خلاص هانت

[DrRock]

فين الاراء يا شباب انا عاوز اقرر فى اسرع وقت ويا ريت اللى يقولى عربية يقولى مزاياها عن غيرها وعيوبها لو ليها عيوب

[DrRock]

رنا يوفقك
انا زيك تمام نفس الظروف بتمام بس الفرق اني همشي 250 كيلو في اليوم وبقالي اكتر من 3شهور بدور ومش لاقي حاجة كويس ومش عارف اخد قرار..
بس خلاص هانت :m_yes[1]:

3 شهور ايه انت هتقلقنى انا عاوزها الشهر اللى جاى بس طبعا دايخ بين كتر الانواع
وانا همشى 20 كيلو فى اليوم بالكتير

[esam_comm]

رايى ان المبلغ ده ممكن يجبلك كيا ريو موديل 2006 عربية ممتازة وعن تجربة وهى 1400 سى سى ... تتفوق على كل اللى انت قلته لحداثة الموديل ... ربنا يوفقك

بجد والله حرام مش علشان حضرتك راكب العربيه دي تقول انها احسن من كل العربيات اللي هو قالها طب ازاي وممكن وجهه نظر حضرتك؟؟؟؟؟؟؟؟؟؟؟؟؟؟؟

[nab!l]

رايى المتواضع
انك تشترى عربية زيرو

[just_magdy1]

بجد والله حرام مش علشان حضرتك راكب العربيه دي تقول انها احسن من كل العربيات اللي هو قالها طب ازاي وممكن وجهه نظر حضرتك؟؟؟؟؟؟؟؟؟؟؟؟؟؟؟

حرام ايه وحلال ايه ...انا معايا اوبترا
ثانيا الريو عربية محترمة جدا و موفره فى البنزين جدا وانا قلت انها تتفوق عليهم لحداثتها مش اكتريعنى مش معقول اروح اجيب عربية من التسعينات مشيت 200 او 300 الف كم والمفروض ان ابدا بيها بالاضافة الى الريو فى حدود السعر الى بيتكلم فيه
وياريت نبطل سوء الظن

[DrRock]

رايى المتواضع
انك تشترى عربية زيرو

معتقدش ان المبلغ اللى معايا يجيب عربية زيرو وتحقق اللى انا عاوزه (واسعة وعملية وتستحمل) عشان كده فكرت فى المستعمل
ثانيا دى اول عربية طبعا ولسه متعلم السواقة فمش عاوز زيرو واخبطها

[DrRock]

حرام ايه وحلال ايه ...انا معايا اوبترا
ثانيا الريو عربية محترمة جدا و موفره فى البنزين جدا وانا قلت انها تتفوق عليهم لحداثتها مش اكتريعنى مش معقول اروح اجيب عربية من التسعينات مشيت 200 او 300 الف كم والمفروض ان ابدا بيها بالاضافة الى الريو فى حدود السعر الى بيتكلم فيه
وياريت نبطل سوء الظن

يا جماعة اولا شكرا ليكوا جميعا على محاولة المساعدة وابداء الرأى
ثانيا انا عارف من الأول ان كل واحد ليه وجهة نظر عشان كده طلبت انه يقول المميزات والعيوب
والاختلاف فى الرأى لا يفسد للود قضية

وانا نفسى اعرف كل الاراء عشان اعرف اقرر

[wal]

هيونداى النترا موديل 2005 الشكل قبل الحالى

[DrRock]

هيونداى النترا موديل 2005 الشكل قبل الحالى

هل ممكن الاقى النترا 2005 حالتها كويسة بالسعر ده؟
55 الف

[mhmd_001]

3 شهور ايه انت هتقلقنى انا عاوزها الشهر اللى جاى بس طبعا دايخ بين كتر الانواع
وانا همشى 20 كيلو فى اليوم بالكتير

ممكن تشوف الموضوع ده
انا تعبت لاني سألت زيد وعبيد ونطاط الغيط
وكل واحد ليه راي شايف انه هو اللي صح وهو الخبير
لحد ما عرفت المنتدى ده وبدأت اعرف الكلام الكويس العقلاني الصحيح
وخلاص استقريت على الانسر بس بدور على حالة تكون كويسه
وربنا معاك

http://www.nilemotors.net/Nile/98915-a.html

[MoMohsen]

انت ممكن بالسعر دة تجيب لانسر مكواة 2001 او كريستاله 2000 و كرولا عيون 98 و فى رايى خليك فى اليابانى او الكورى عشان قطع غيارة.
على فكرى الاوبل فيكترا عربيه تحفه و ممكن تلاقى بالسعر دة حاله كويسه بس عيبها الاساسى التكييف ليه مشاكل كتير لكن لو قدامك حاله كويسه و اتأكدت كويس منها فى التوكيل عمرك ما هتندم لانها فئه اعلى من اللانسر و الكرولا و الكورى .بس اعمل حسابك انها اكيد اكتر فى البنزين.