يا ناااااااااااااااااااااااس مساعدة Picanto Vs. Verna محتااااااار

[sameh_medhat]

يا ناس ارجو المساعدة انا بجد محتار مش عارف picanto احسن ولا اجيب verna
انا بصراحة بحبpicanto اكتر بس كلام الناس ان verna 1600 cc و اوسع و فيها شنطة اكبر و بجد انا محتار يا ريت اعرف بامانة اختار ايه بالنسبة لموتور العربية و قطع الغيار و احسن حتى بالنسبة و توكيل عايز مساعدة شامله ياريت يا رجالة ):

[Hosam_Optrawy]

بيكانتو أو لوجان

[monmonmon]

بص انا معايا i10 يعنى هى و البيكانتو اخوات

العربية موتورها لذيذ و بيسحب حلو و ميزته انه بيطلع اقصى عزم عند 2800 لفه و استهلاك البنزين ممتاز لو بتمشى على الطريق السريع 80-90 بعد كده حتى لو 100 او اكتر الاستهلاك بيزيد جداااااااااااااااااااااا و جوا البلد و بالتكييف و الزحام الشديد ايضا الاستهلاك جيد جداااا اقل استهلاك حوالى 262 كم فى الصفيحة و خلى بالك الاستهلاك بيعتمد على رجلك و احساسك بدواسة البنزين و خبرتك علشان ممكن تلاقى ناس بتعمل اقل من كده بكتيييير
سحب الموتور و العربية مش محمله حاجه زى سحبها و راكب فيها 3 او 4 لكن بمجرد ركوب الشخص الخامس سحب العربية بيقل و بيبقى ملحوظ

المشكلة الاخرى انى ركبت كاوتش عريض و الموتور سحبه قل كمان بس بنسبة صغيره

اما بالنسبة للفيرنا الموتور 1600 بيطيرها لكن استهلاك بنزين اعلى لكن خد بالك الموتور هيريحك جداااااا لو انت مش بتحب المشى البطىء و عايز تشد و تجرى يبقى فيرنا افضل لان ال i10 مع التكييف و التحميل بتقل و كمان تجميع السرعات انسى خالص انا الفيرنا تقدر تقفل عدادها عادى جداااا

الفرامل ممتازه جداااااااا جداااااااااااااا جدااااااااااااااااااااااا من هنا لبكره فى ال i10 اما فى الفيرنا فهى نقطة ضعف

الباور لل i10 خفيف جدااااااا و ممتع لانه كهرباء لكن على الطرق السريعة و الملفات بحس الباور الهيدروليك فيه feedback افضل و بيحسسك بالطريق

التكييف جيد جداااا و الاداء اتحسن كتيييير عن الاول كان الهواء مش بيطلع بارد لكن العيب القاتل فى العربية دى من وجهة نظرى ان الهوايات اللى فى الكونسول الاوسط مش بتتظبط فى اتجاهات كتيير و بالتالى ممكن ايدك تتلج و انت سايق و تبقى لسه محستش بالتكييف

فى الوسع الداخلى هتلاقى البيكانتو و الفيرنا قريبين جداااا لكن ال i10 تتفوق على الاتنين بفارق بسيط

الشنطة فى ال i10 والبيكانتو صغيره جداااااااااا و اخرها 3 شنط هاند باج بالعافيه لكن الفيرنا بحر بالنسبة لهم

العفشة بالنسبة للبيكانتو و ال i10 انشف من الفيرنا و الفيرنا اريح شويه بس الفارق مش كبير اوى

الثبات عندى فى ال i10 كويس جدااااا و تعمل غرز و تجرى و انت مطمن حتى مع الفرامل الجامدة مفيش تعويم او اى مشاكل بعكس اللانوس ال من وجهة نظرى ال i10 افضل منها.. ثبات الفيرنا اسمع انه وحش و ده معروف عنها لكن البيكانتو ثباتها اكيد قريب من الفيرنا ممكن ميكونش افضل كمان

الشكل بالنسبة لى البيكانتو و ال i10 احلى لانى بحب الهاتش و على الاقل شكل جديد

بالنسبة لاسعار قطع الغيار فهى متفاوته فى حاجات و حاجات و اعتقد البيكانتو معقوله شويه و قريبه من الفيرنا

توكيل هيونداى متعاملتش معاه كتيير علشان احكم
توكيل كيا كل الناس بتشكر فيه

انا لما كنت مكانك كنت مقتنع بالبيكانتو و ال i10 و الفيرنا كانت قدامى و مفكرتش ابصلها و فى الاخر رسيت على i10 الحمد لله زى الفل و عامله 8113 كم دلوقتى و زى الزيرو

بالتوفيق

[monmonmon]

بيكانتو أو لوجان

فعلا اللوجان حل اخر و مميزه
بس الخوف الوحيد من عدم توافر قطع غيارها فقط
انما هيونداى من خلال تجربتى معاه قطع الغيار متوفره بهبل و اعتقد كيا كذلك

[sameh_medhat]

الف شكر بجد يا جماعة على النصائح دى

هو انا بصراحة عجبانى اكتر بيكانتو بس انا عايز افهم حاجة 1100 cc عاملة زى الموتوسيكل يعنى ولا شغالة حلو عشان انا كل اللى جربته قبل كده كان 1600 فا مش عارف الفرق؟

[monmonmon]

الف شكر بجد يا جماعة على النصائح دى

هو انا بصراحة عجبانى اكتر بيكانتو بس انا عايز افهم حاجة 1100 cc عاملة زى الموتوسيكل يعنى ولا شغالة حلو عشان انا كل اللى جربته قبل كده كان 1600 فا مش عارف الفرق؟

لا متخافش بتعدى من الموتوسكلات و الفسب
انا كمان معايا ماتريكس 1600 فى الاول كنت حاسس ان الاتنين قريبين من بعض لكن بعد تعود على ال i10 حسيت بالفرق بينهم و رجلى بقت تقيله على الماتريكس و بحس انى شويه و هطير
بالنسبة لل i10 بتجيب ال 60 اثناء الحرق صارووووووووووووووووووووووووووووووووووخ
الغيار الاول بيفصل عند 40-45
التانى عند 70 او اكتر
بتجيب ال 80 فى حوالى 10 ثوانى لكن الماتريكس 7-8 ثوانى بالكتيييييييييير
بعد ال 80 سحب العربية قليل
على السرعات العاليه ال i10 سحبها فعلا ضعيف
لكن انا جربت جبت بيها 150-160 و فى ناس بتجيب بيها 175 كمان لكنى مش بحب السرعة
التالت بيستجيب من اقل سرعات يعنى 30 و 25 و هكذا
الرابع بيسحب من سرعة 50 و مع التكييف كمان

العربية بتفرك فى النقل من الاول للتانى و من التانى للتالت بتاخد دفعة جامده لقدام

من الاخر العربية ممكن تطلع من اللانوس و الاكسينت ال1300 و غيرهم بس ممكن لحد سرعات معينة المكنة التانيه تفتح عنك
انا واحد اعرفه معاه اللانسر البومه 1300 سى سى و جاب i10 بيحب سحبها اكتر من اللانسر

من الاخر ميزة المكنة ال 1600 هتبان كل ما سرعتك تزيد
و كمان الغيارات بتفصل على سرعات اعلى
بعنى الاول يفصل عند 50
التانى 90
و ده على حسب العربية

و متنساش ان ال 1600 مع التكييف و التحميل مش هتتأثر زى مكنة 1100 سى سى

بس الطلعة بتاعت ال i10 بالتكييف حلوه جداااا و لو حرقت بتجرى معاك جامد المشكلة فى باقى الشد على الغيار التالتو و بعده كذلك هتلاقى ضعف فى الجر

[M.ABDEEN]

لو سيدان لوجان وبلاش فيرنا
ولو هاتشباك بيكانتو او اي تن

[NaderNabil]

لا فيرنا ولا بيكانتو
لوجان

[sameh_medhat]

يا نادر بقى انت تقول كده ده انت اللى خلتنى اتشجع اكتر على البيكانتو

بالنسبة لوجان لسه جديدة و بعدين سمعة رينو فى قطع الغيار كبيرة فانا لسه مش مطمئن اوى عشان كده بقول بيكانتو اضمن

[SAMEHNOSHI]

انا شايف الفرنا احسن من البيكانتو و هى اساسا فئة اكبر من فئة البيكانتو, و سعرها على امكانيتها كويس و هى مليا شوارع مصر و تاكسى كمان لانها تستحمل البهدلة و قطع غيارها فى كل حتة و كل الصنايعية بتفهم فيها, على فكرة انا وقفت كام واحد معاهم فرنا فى الشارع و كلهم شكرولى فيها و نصحونى بيها, معرفش اية سبب الهجوم المبالغ فية على العربية دية هنا فى المنتدى!!!!
لو عايز تتاكد من كلامى انزل الشارع و اسال الناس اللى معاهم فرنا العربية عملا معاهم اية

[sameh_medhat]

يا جملعة فى جديد الميزانية زادت دخلت getz فى الموضوع نكمل فى Getz ولا ايه النظام؟

[NaderNabil]

يا نادر بقى انت تقول كده ده انت اللى خلتنى اتشجع اكتر على البيكانتو

بالنسبة لوجان لسه جديدة و بعدين سمعة رينو فى قطع الغيار كبيرة فانا لسه مش مطمئن اوى عشان كده بقول بيكانتو اضمن

البيكانتو مش وحشة...

بس اللوجان تتفوق عليها بفارق كبير...و فرق 4000 جنيه فقط