رينو سيمبول ولا دايهاتسون سيريون 1300 ولا جين 2

[waelabdualla]

يا جماعة انهى افضل رينو سيمبول ولا دايهاتسون سيريون 1300 ولا جين 2
لانى عايز اجيب واحدة منهم انشاء الله
انا كنت مايل بصراحة للسيريون بس السيمبول عجبتنى شكلها برضه
انتم ترشحو ايه
مع العلم موضوع الشنطة ما يفرقش قوى معايا
و التلاتة اتومتيك
وسعرهم قريب

[XXXMEMOXXX]

السيمبول انا شايفها ضيقه جدا من ورا
السيريون 1300 وانا مش حابب كده ولو هختار 1300 يبقى ياريس
الجين 2 انا هاشتريها ان شاء الله ,انا شايفها اكتر حاجه مناسبه للسعر وحاببها
دا راي وربنا يهديك لـ الاصلح
تحياتي

[Eng.Geo]

كتوكيل: رينو.....دايهاتسو ......... بروتون
كموتور :بروتون ...رينو.....دايهاتسو
قطع الغيار : اعتقد قريبين من بعض بس دايهاتسو تتفوق
وسع : دايهاتسو .... رينو .... بروتون
انتشار : دايهاتسو ... بروتون ....رينو
اعتمادية: اعتقد كلهم تمام
ثبات : بروتون ....رينو ...دايهاتسو
شكل : ازواق
تقفيل:رينو...دايهاتسو....بروتون
انا لو هختار لنفسي فهختار جين2 عشان بحبها جدا وعجبتني جدا في سواقتها
علي فكره انا ماسقتش السيمبول بس ركبتها

[Samah AbdAllah]

السيمبول مش ضيقة من ورا ولا حاجة
وعربية شيك وتوكيل محترم

[bmw323]

أرشحلك السيمبول

[XXXMEMOXXX]

السيمبول مش ضيقة من ورا ولا حاجة
وعربية شيك وتوكيل محترم

انا لما رحت شوفتها في المصريه رجعت الكرسي لـ الاخر معرفتش ادخل رجلي اصلا ورا في الكنبه ,
قلت يبقى ازبط الكرسي على قد ما هعرف اسوق , وحاولت اركب تاني ورا ,ركبت بس كاني راكب دايهاتسو ميرا ,رجلي محشوره في الكرسي اللي قدامي .ولو تكلمنا على ان لو اتنين ماليانين مش قوي كمان قعدو ورا هتبقى كده كملت خالص ومفيش مكان لـ تالت
ودا عن تجربه

[ahmad--ezzat]

سيمبول طبعا

[medo_sirion]

كتوكيل: رينو.....دايهاتسو ......... بروتون
كموتور :بروتون ...رينو.....دايهاتسو
قطع الغيار : اعتقد قريبين من بعض بس دايهاتسو تتفوق
وسع : دايهاتسو .... رينو .... بروتون
انتشار : دايهاتسو ... بروتون ....رينو
اعتمادية: اعتقد كلهم تمام
ثبات : بروتون ....رينو ...دايهاتسو
شكل : ازواق
تقفيل:رينو...دايهاتسو....بروتون
انا لو هختار لنفسي فهختار جين2 عشان بحبها جدا وعجبتني جدا في سواقتها
علي فكره انا ماسقتش السيمبول بس ركبتها

معلش هختلف فى حاجة غريبة شوية
بقى تقفيل رينو وعموما اللوجن المغربى احسن من دايهاتسو
مفتكرش
ودة رائى بصراحة

[M.almaghraby]

الجين 2

ثم السيمبول

[mxz911]

السيمبول طبعا !!

انا لما رحت شوفتها في المصريه رجعت الكرسي لـ الاخر معرفتش ادخل رجلي اصلا ورا في الكنبه ,
قلت يبقى ازبط الكرسي على قد ما هعرف اسوق , وحاولت اركب تاني ورا ,ركبت بس كاني راكب دايهاتسو ميرا

حضرتك العمليه مش بتبقى كده لانك فى معظم العربيات واذا مكانش كلها انك لو رجعت الكرسى على الاخر محدش هيعرف يخش ورا .. انا كان معاى فى فتره كده مرسيدس c180 موديل 2003 .. واما كنت اجى اسوق مكنش حد بيعرف يعد ورا فعلا !!! الا من رحم ربى :d .. وده فى اى عربيه بسوقها لانى مش بستريح ف السواقه غير لما اكون مأنتخ كده ... و ناس كتير كده على فكره ف كرسى السواق بيرجع الكرسى لورا بحيث ان المسافه تبقى ضيقه اوى عشان هوه يستريح ف السواقه ف ده اكيد مش مقياس ان العربيه ضيقه ..

عموما انا شايف ان السيمبول تتفوق عليهم فى حاجات كتير !

[devilishtigers]

سواء السيمبول او الجين 2 كويسين المهم انت قرر وشوف مرتاح نفسيا وميال اكتر لايه ؟؟؟؟؟؟ واحتياجاتك ايه وماتنساش صلاة الاستخارة وربنا هيهديك للاصلح ليك بإذن الله

[Eng.Geo]

معلش هختلف فى حاجة غريبة شوية
بقى تقفيل رينو وعموما اللوجن المغربى احسن من دايهاتسو
مفتكرش
ودة رائى بصراحة

انا الحقيقة شايف كدة بس انا مش متاكد من ان السيمبول تقفيل مغربي انا اعرف ان اللوجان بس
بس علي فكرة تقفيل اللوجان ممتاز واظن ان السيمبول تقفيل تركي بس مش متاكد وان مقلتش ان السيريون وحشة في التقفيل بس من وجهة نظري ان السيمبول افضل كتقفيل

[XXXMEMOXXX]

السيمبول طبعا !!




حضرتك العمليه مش بتبقى كده لانك فى معظم العربيات واذا مكانش كلها انك لو رجعت الكرسى على الاخر محدش هيعرف يخش ورا .. انا كان معاى فى فتره كده مرسيدس c180 موديل 2003 .. واما كنت اجى اسوق مكنش حد بيعرف يعد ورا فعلا !!! الا من رحم ربى :d .. وده فى اى عربيه بسوقها لانى مش بستريح ف السواقه غير لما اكون مأنتخ كده ... و ناس كتير كده على فكره ف كرسى السواق بيرجع الكرسى لورا بحيث ان المسافه تبقى ضيقه اوى عشان هوه يستريح ف السواقه ف ده اكيد مش مقياس ان العربيه ضيقه ..

عموما انا شايف ان السيمبول تتفوق عليهم فى حاجات كتير !

انا مع حضرتك ان في عربيات كتير لما ترجع الكرسي للاخر بتضيق بس انا بتكلم على المعقول.وانا عامل دي حاجه كده(زي مقياس ) ليا عشان اعرف اقارن على اساسها وبعدين ازبط على قد ماهعرف اسوق , وعملت كده مع الياريس و كانت اوسع كتير من السيمبول اللي موسعين الشنطه على حساب الكنبه ,ده غير وسعها لو تلاته ركبوها هتكون برضو ضيقه.
انا كنت من اشد المعجبين ب السيمبول بس لما لقيتها كده ده اللي بعدني عنها بصراحه, وحاولت اقنع نفسي بيها بس حتى صحبي اللي كان معايا قال انها فعلا ضيقه ومكنش متوقع كده خالص.
عموما اللي يشتريها لازم يشوفها الاول عشان يتاكد بنفسه من النقطه دي.
واسف على الاطاله
تحياتي

[Youssef.Awad]

بروتون جين 2
قوة - متانة - وزن - ثبات - واسعة جدا حتى الهاتشباك - قطع غيار متوفرة - استلام فورى بدل الحجز والانتظار لحين التوريد
الاختيار الأمثل فى فئتها
مع كامل احترامى للرينو سيمبول والدايهاتسو سيريون لأن السعر تقريبا واحد مع فارق الحجم والكماليات طبعا

[Ghost2]

رينو عشان تريح دماغك من التوكيلات .. غير انها عربية محترمه .. وليها اعتمادية