نويت اشترى ومحتاج اهل الخبره

[aaamaaa]

اخر كلام قبل ما ادفع الجيرشينات اللى معايا
أوبل استرا ستيشن
اوكتافيا A5
تويوتا كورولا 2008 ( معنديش معلومات طبعا عنها ) بس تويوتا
اى اقتراحات اخرى ؟
ارجو من لديه الخبرة الا يبخل على بالمشوره
شكرا

[fahd_628]

طيب حضرتك مبتفكرش فى الميجان بانوراما او السيفيك ؟

لو من الى انت مختارهم هو فعلا حاجة تحير بس لما تنزل كورولا 2008 و نشوفها ممكن تبقى كورولا غير كدة حختار اوكتافيا لأنها اكثر انتشارا و برستيج عالى و شيييييييييييك

[aaamaaa]

انا رحت اتفرجت على السيفيك - بصراحة هى رائعه فى كل حاجه - بس حرام تمشى فى شوارعنا الجميله لانها واطيه جدا على الارض
اما الميجان معنديش معلومات كافيه عنها - بس كل اللى سمعته عنها معجبنيش

[fahd_628]

اعتقد كل الى بتسمعة اشاعات احسن حاجة تسأل ملاكها لأن على رأى شاركى العربية دية طلع عليها اشاعات كتيير

و كفاية انهم زودو الضمان على موديلات 2008 ل 100 الف كيلو متر

و لو قلقان من حكاية التقفيل التركى مع انة ممتاز و عاوز الفرنساوى عندك الهاتشباك بس دية شنطتها مش زى السيدان طبعا

[zorooo1986]

اوبل استرا ستيشن يا جمالــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ك

[tutankhamoun]

أوبل أسترا ستايشين
و أحب أن أضيف الجين 2 يمكن تعجبك

[zezo13178]

كلها عربيات رائعه طبعا بس لو تجيب الاوكتافيا a5 يبقي احسن عليها فخامه غير عاديه

[mino]

الاوبل عشان الماني من الاخر

[tarekkasaby]

انا راى اوكتافيا لو العيله عند حضرتك كبيره الاسترا شبابيه شوية والكورلا طبعا تحفة بس روح اتفرج عليها يمكن شكلها مايعجبكش

[aaamaaa]

متشكر لكل الردود
انا رحت شوفت العربيات دى كلها ودى انطباعاتى :
1 التويوتا كورولا 2008
هى ممتازه شكلا بس حسيت انها خفيفه جدا من ناحية الصاج وكمان من جوه التابلوه و الخامات مش مقام التويوتا

http://www.toyota.co.za/models/viewrange.aspx?id=corolla

2 - أوكتافيا A5 :
على فكره : الاوكتافيا اللى بتنزل مصر مش تشيكى انما من اوكرانيا
مفيش مصنع بيطلع موديل اسمه A5 غير مصنع اوكرانيا ودليلا على كلامى اللينك بتاعه اهو :

http://www.skoda-auto.com.ua/amodels.asp?model_id=1

هى سعرها بيبتدى من 168000 جنيه

3 أوبل استرا ستيشن :
برضه الاوبل الاسترا مش المانى انما متجمعه فى بلجيكا ( معتقدش ان ممكن يكون فيه فرق فى الجوده بين الدولتين دول )
لكن جميع خاماتها من جوه ومن بره فوق الممتازه والفتيس بتاعها شكله جديد جدا Ecotec
وسعرها وسط بين التويوتا والاوكتافيا
وده اللينك بتاعها :( انا جايبه من سايت ايرلندا عشان اللغه انجليزى )

http://www.opel.ie/action/go?cntryCd=IE&langCd=en&webSiteId=GBPIE&page=astra_wagon&nav=servicebox&BROWSER=&VERSION=&OS=&referrer=No%20Value%20Noted

واليكم اسعار الموديلات اللى عجبتنى
التويوتا 150000
استرا ستيشن 160000
اوكتافيا 173000

ياريت حد ينقذى من الحيره اللى انا فيها

[أبو عبدالله]

2 - أوكتافيا A5 :
على فكره : الاوكتافيا اللى بتنزل مصر مش تشيكى انما من اوكرانيا
مفيش مصنع بيطلع موديل اسمه A5 غير مصنع اوكرانيا ودليلا على كلامى اللينك بتاعه اهو :

http://www.skoda-auto.com.ua/amodels.asp?model_id=1

كلامك مظبوط لأن لي قريب بيعمل في تجارة السيارات وقالى انه شاف ورق الأفراج الجمركي بتعاها ولقاه اوكراني فعلا مش تشيكي

[TAG_Turbo0]

حضرتك مفكرتش فى البيجو 307 sw

[aaamaaa]

رحت شوفت البيجو 307 SW
بس بصراحة لقيت الاوبل استرا ستيشن افضل منها كتير
اعلى على الارض
توكيل افضل
خامات داخليه اجود

[ihab]

التويوتا تتميز عن الاثنين الاخرين فى سعر اعادة البيع و دى نقطة مهمة جدا لو انت بتحب تغير العربية كل شوية
اضف الى ذلك ان سعر صيانتها فى اعتقادى سيكون اقل من سعر الاوكتافيا او الاسترا

[Meedo]

CIVIC # 1 :lol: :lol: :lol: :lol: :lol: :lol: