استفتاء: أحسن عربيه فى حدود 25-30 الف

[spirit5]

انا عايز اشترى عربيه مستعمله وعايز اخد رأى الناس فى احسن عربيه مستعمله
فى حدود 25-30 الف جنيه انا تعبت من التنقاض بين اراء الناس فى المنتدى و فى دماغى 3عربيات

ابيزا 94
فليشيا
سيتروين zx

اتمنى ان يقول رأيه يكون عن تجربه او راكب العربيه ولو ممكن يقول نبذه عن الممييزات والعيوب
وشكرا مقدما للردود

[Ghost2]

ممكن فيليشيا وش اوكتافيا ..او لانسر بطه .. او اكسنت موديل 2000 .... وانا ارشح فيليشيا طبعا

[spirit5]

شكرا على ردك يا باشا

[ksalamak27]

يا سيدى انا هقولك عن تجربه اشترى الاكسنت من اول موديل 1999 حتى 2006 عن تجربه انا كنت شارى اكسنت زيرو موديل 1999 وعملت بيها 600000 كيلو فى خمس سنين ونص كنت شاريها ب 32000 وبعتها ب37000 وكانت فابريكه وبحالتها والموتور متلمش بس الجميل فيها انها عربيه بسيطه وفيها الكمليات التى توفى بالغرض وقطع غيارها رخيصه ومنتشره جدا واى حد بيشتغل فيها وعلى فكره فى سنه واحده بس عملت بيها ست حوادث من الامام والاجناب والخلف مره غيرت صدر العربيه بالكبوت ومره الشنطه ومره البابين واليمين ومره البابين الشمال وكنت بيمشى بيها فى المتوسط على 130 الى 140 المشى العادى ولما كنت بذود بيها كنت بجيب 175 ولو ماشى فى هاىوى ولقيت منزل كانت بتوصل الى 195 وممكن 200 صراحه عربيه لذيذه وخفيفه وشقيه وشكلها مقبول تحياتى اخوك خالد