ايهما افضل؟ لانسر أم لينيا فئة 2

[michohat]

السلام عليكم ورحمه الله وبركاته
النهارده كنت بتناقش مع زميل لى عن العربيات اللى ممكن الواحد يشتريها فكان رأي ان اللينيا الفئة 2 اللى فيها تيربو افضل مواصفات مقابل السعر 106000 (مبهور بالعربية دى جداً)
فقال لى صاحبى اللى يدفعنى المبلغ ده ما افضل اجيب لانسر وهتبقى فى الحدود دى (معرفش انهى موديل)
فمحتاج اعرف انهى افضل وياريت لو فى مقارنه بينهم

[kareemhisham]

لو بنتكلم من الناحية العملية .. فاللانسر تكسب ..

لانها موجودة بقالها فترة كبيرة فى البلد ..
سعر اعادة بيعها عالى ..
فيها اوبشنز كتير بردو ..
قطع غيارها موجودة فى اى محل قطع غيار ..
مفيش ميكانيكى فى مصر مبيفهمش فيها ..
الفتيس الcvt ممتاز و موتورها كويس ..

عشان كدة العربية دى تعتبر دلوقتى متفصلة لمصر و عشان كدة هى قيمة مقابل سعر اكتر من اللينيا


بس اللينيا تتفوق فى ان موتورها اقوى كتير ..
فيها تكنولوجيا اكتر ..
شنتطها اوسع ..
عربية مميزة و مش منتشرو اوى زاى اللانسر ..
عربية اوروبى - و دى حاجة الناس بتعتبرها ميزة بس انا لا اعتبرها كذلك - ..

و لكن توكيلها سىء .. قطع غيارها مش متوفرة برة التوكيل .. طبعا سعر اعادة البيع واقع .. دة غير موضوع التربو الهو تكنولوجيا متطورة ميقدرش يتعامل معاها حد غير التوكيل و الاكيد هيبقى حراق فى المصاريف ..

و لكن ..

انا عن نفسى لو بشترى واحدة من الاتنين دلوقتى هختار اللينيا بردو .. لان انا شايف ان الموضوع المهم يكون نفسى اكتر منه عملى ..

[yoko]

لو بنتكلم من الناحية العملية .. فاللانسر تكسب ..

لانها موجودة بقالها فترة كبيرة فى البلد ..
سعر اعادة بيعها عالى ..
فيها اوبشنز كتير بردو ..
قطع غيارها موجودة فى اى محل قطع غيار ..
مفيش ميكانيكى فى مصر مبيفهمش فيها ..
الفتيس الcvt ممتاز و موتورها كويس ..

عشان كدة العربية دى تعتبر دلوقتى متفصلة لمصر و عشان كدة هى قيمة مقابل سعر اكتر من اللينيا


بس اللينيا تتفوق فى ان موتورها اقوى كتير ..
فيها تكنولوجيا اكتر ..
شنتطها اوسع ..
عربية مميزة و مش منتشرو اوى زاى اللانسر ..
عربية اوروبى - و دى حاجة الناس بتعتبرها ميزة بس انا لا اعتبرها كذلك - ..

و لكن توكيلها سىء .. قطع غيارها مش متوفرة برة التوكيل .. طبعا سعر اعادة البيع واقع .. دة غير موضوع التربو الهو تكنولوجيا متطورة ميقدرش يتعامل معاها حد غير التوكيل و الاكيد هيبقى حراق فى المصاريف ..

و لكن ..

انا عن نفسى لو بشترى واحدة من الاتنين دلوقتى هختار اللينيا بردو .. لان انا شايف ان الموضوع المهم يكون نفسى اكتر منه عملى ..

+١ خير الكلام ما قل ودل
بس اللينيا فيها كمان أمان أكتر

[zaza_lanos]

اللينيا بلا منازع هى الافضل وانا شايف توكيلها محترم من كلام الاعضاء
اما عن موضوع قطع الغيار

فى الانسر موصلتش للوضع ده من سنة او اثنين
عربية بتنزل من 2000 يعنى انا شايف نفس قصة نجاح الدايوا

[kareemhisham]

+1 خير الكلام ما قل ودل:ta_clap[1]:
بس اللينيا فيها كمان أمان أكتر

تمام كلامك .. دى نقطة انا نسيت اذكرها و هى نقطة مهمة فى صالح اللينيا ..

و هى ان اللينيا فى 8 ايرباج تقريبا لكن اللانسر فيها 2 ..

[yoko]

تمام كلامك .. دى نقطة انا نسيت اذكرها و هى نقطة مهمة فى صالح اللينيا ..

و هى ان اللينيا فى 8 ايرباج تقريبا لكن اللانسر فيها 2 ..

ﻷ ٦ بس

[michohat]

يعنى نقاط التفاضل هي:
لينيا لانسر
الانتشار x √
سعر اعاده البيع عالى √ x
قطع الغيار منتشرة x √
سهوله عمليه الصيانه x √
جوده التوكيل x √
حجم الشنطه √ X
عوامل الأمان √ X
قوه موتور √ X

[kareemhisham]

يعنى نقاط التفاضل هي:
لينيا لانسر
الانتشار x √
سعر اعاده البيع عالى √ x
قطع الغيار منتشرة x √
سهوله عمليه الصيانه x √
جوده التوكيل x √
حجم الشنطه √ x
عوامل الأمان √ x
قوه موتور √ x

سعر اعادة البيع العالى فى صالح اللانسر و ليس اللينيا

[fouady]

أنا رايه الlinea لاسباب 1) فعلا عربية جامدة جدا طبعا اللانسر مش واحشه بس فيه فرق جامد لا صالح اللينيا اللينيا فخمة جدا تحس وإنت راكبها إنك راكب حاجة جامدة قوي وال تسرع حادث ولا حرج وصدقني ابتديت تنتشر وقطع خيرها موجودة بره عن الكليلاني

[Ghost2]

لينيا ومتفكرش

[Fadi Ezzat]

لينا طبعا

[ahmad--ezzat]

كعربيه اللينا احسن
ولكن الانسر تكتسحها فى مصر...ريح بالك وهات الانسر

[michohat]

سعر اعادة البيع العالى فى صالح اللانسر و ليس اللينيا

فعلا غلطه منى عكست النقطه دى
حاولت اعمل المقارنه فى جدول بس منفعش

أنا رايه الlinea لاسباب 1) فعلا عربية جامدة جدا طبعا اللانسر مش واحشه بس فيه فرق جامد لا صالح اللينيا اللينيا فخمة جدا تحس وإنت راكبها إنك راكب حاجة جامدة قوي وال تسرع حادث ولا حرج وصدقني ابتديت تنتشر وقطع خيرها موجودة بره عن الكليلاني

الخوف كله من ان لسه الماتور محدش يعرف عنه حاجه وكمان اسعار قطع الغيار لسه غاليه واظن انها محتاجه شوية وقت لحد ما العربية تحقق انتشار و اسعار قطع غيارها تقل شويتين

لينيا ومتفكرش

شاكر ليك جداً بس فعلا اول صاحبى ما قال ليه مش تقول لانسر دماغى راحت على بلد التقفيل اللى اعرفة ان اللينيا تركى ومعرفش اللانسر ايه

[michohat]

لينا طبعا

كعربيه اللينا احسن
ولكن الانسر تكتسحها فى مصر...ريح بالك وهات الانسر

اللانسر بقت عامله زى ال 128 فى الانتشار بقى كل شارع فيه اكتر من واحده وكمان كله معلق على اللون الفضى او الرمادى
وفى نفس الوقت الانتشار ده ميزة ان اى ميكانيكى يقدر يشتغل فيها

[Hosam_Optrawy]

اللينيا عربيه جميله

بس السعر برضه عليه عامل كبير ويعتبر العامل رقم 1 فى اتخاذ قرار الشراء

يعنى حاليا الكل أخد باله من اللينيا ويقول الله جميله واحسن من كذا وكذا وكذا ازاى ماخدناش بالنا منها قبل كدا

طبعا الكلام دا كله بعد مارخصت

لكن اول ما موديل 2010 ينزل بالسعر القديم الغالى الكلام دا كله هايتبخر ويختفى وهاتختفى سيرتها تماما

زى برضه اول ما السيتى رخصت من 128 الى 115 كل الناس قالت ايه دا هوندا ب 115 يابلاش والله جميله وبرقبة العربيات التانيه كلها

هوجه وخلصت ومابشوفش سيرتها تانى فى المنتدى

انا مش قصدى ان اللينيا وحشه او اللانسر احسن عشان محدش يفهم كلامى غلط

انا بس باشرح وضع اللينيا

وباقول وجهة نظرى

اللينيا لما ترجع لسعرها الطبيعى تانى محدش هايفكر فيها زى دلوقتى

لان ساعتها هاتكون اغلى من العربيات اللى بتتقارن بيها دلوقتى وساعتها هاتكون بسعر الميجان الجديده مثلا ( فلوينس )