جيتز و اكسنت و ريو اختار انهي؟

[z3r0]

مش عارف
بسمع ان الجيتز ثباتها مش قد كده ان الاكسنت عفشتها وحشة و استهلاك بنزينها مش اوي
و ان هيونداي بشكل عام توكيلها وحش
الريو محدش قالي عليها حاجه بس معرفش مستوى ثباتها و استهلاك بنزينها ايه ؟

محتار
ايه رايكم؟

[Hosam_Optrawy]

ال 3 عربيات كويسين والفروقات بينهم بسيطه

اتفرج على التلاته كويس وشوف انت احتياجاتك ايه وتوكل على الله

[omarmakeen]

اكسنت طبعا يا باشا أنا معايا العربية وزي الفل الحمد لله بس العفشة ناشفة شويه

[MNBahr]

بص يا سيدي

أنا هكلمك عن الجتز والاكسنت ..أولا الاكسنت سيدان و الجتز هتش بك شبابي أكتر يعني بس مثلا الشنطة بتاعت الجتز متجيش حاجة جنب شنطة الاكسنت
الاتنين 1600 بس طبعا الجتز هتبقى طيارة عشان حجمها الصغير ..
في حاجة كمان بلاش جتز عشان هينزلوا i20 ودي مكتوب عنها في كل حتى عالنت إنها هتنزل مكان الجتز..فـمتجبش عربية وبعد كام شهر تحس إن هي قديمة.. لو عالجتز و الاكسنت يبقى اكسنت

[Vendetta]

فيه كذا مقارنة بين الأكسنت والريو، أرشحلك الإثنين دول عشان فيهم موضوعية وتحليل نسبيا أكثر من باقي المقارنات،
1-
2-

الكلام عن الجيتز في المقارنات قليل، لكن في رأيي انها فئة مختلفة عن الأكسنت والريو، على العموم انا معلوماتي عنها قليلة وده لنك رابطة الجيتزاوية
1-

مهم اوي تجرب بنفسك ، وتشوف ايه اللي انت مستريح له أكتر وبالتوفيق ان شاء الله

[mzda]

اكسنت طبعا عربيه بجد ممتازه

[M.almaghraby]

افضل الريو

[M.Osman]

لو مكانك هستنى لما الـi20 تنزل الأول و اشوف سعرها كام ...

[Tayer]

الريو شكلا أحلى و دى وجهات نظر لكن الأكسنت أحلى كعربيه

[madoo]

لو مكانك هستنى لما الـi20 تنزل الأول و اشوف سعرها كام ...

+11

[omarmakeen]

أنا شايف نو اكسنت افضل اختيار بس لو في ريو 1.6 أعتقد هتبقى افضل نسبيا

[tigernet]

الاكسنت طبعا

[moudy88]

الاكسنت هي هي الريو تقريبا عربيه واحده ...نفس الشاسيه ونفس الماتور (ماتور الريو هو ماتور الاكسنت ال1400 ) والتابلوه متشابه والريو اغلى في السعر
والكلام ده عن الريو 2009 ...وانا اسمع انها اتغيرت في 2010