جيتا و لا اهوندا ولا اوكتافيا

[Shaekhon]

جيتا comfort line ( جنط + مثبت فقط ) 2007 72.000km
هوندا base line ( مش الكامله ) 2009 30.000km
اوكتافيا (جنط + زينون + رشاشات ) 2006 70.000km

ال3 عربيات في حالة الزيرو ياعني اعمل فوت كانهم زيرو

[kareemhisham]

انا شايف ان الهوندا افضل اختيار

[bedo13]

السعر كام
بص خليك في السيفيك اقل كم واقل سعر وبالباقي عدل براحتك وكمان موتور اقوي كتير ثبات حلو أوي بس اقل من التانيين وشبابي اكتر

[Shaekhon]

اعتبروا يا جماعة ديه زيرو كلها

[Shaekhon]

انا اسف يجماعه انا محتاج رايك في اسرع وقت

[bedo13]

Civic
الجيتا والاوكتافيا بطة ١٠١ حصان
السيفيك ١٢٥حصان و٥ غيار فكك من التيبترونيك مالوش لازمة أوي والجنط اشتريه انت براحتك
السيفيك مطلوب فيها كام ولونها إيه؟
ممكن تشوف البرافو زيرو

[Eng.Geo]

جيتا

[kemo0o]

السيفيك شبابي أكتر واقوى من العربيتين التانيين وكمان ثباتها ممتاز
انما الجيتا والاوكتافيا فدول برستيج يعني بتوع ناس كبيرة أكتر مع ان الجيتا برضه جامدة جدا جدا لو لواحد شاب
بس مشكلها الموتور ضعيف شوية

[bedo13]

السيفيك شبابي أكتر واقوى من العربيتين التانيين وكمان ثباتها ممتاز
انما الجيتا والاوكتافيا فدول برستيج يعني بتوع ناس كبيرة أكتر مع ان الجيتا برضه جامدة جدا جدا لو لواحد شاب
بس مشكلها الموتور ضعيف شوية

+1
التلاتة قطع غيارهم مش رخيصة وإعادة البيع صعبة يبقي اللي ترتاحلها اكتر وانا رأيي سيفيك- جيتا- اوكتافيا

[Sameh]

الأوكتافيا والجيتا ماشيين كتير ، لو ماعندكش مشكلة هات الجيتا
بس السيفيك عدادها أحسن شوية
كمان اتأكد ان الأوكتافيا والجيتا عملوا صيانات ال 60 الف ولا لأ عشان هيبيعوا يخلصوا ، لأنها صيانة غالية ، نف الصيانة دى فى السيفيك بتعمل تقريبا 6 الاف على ما اعتقد ، فلو الصيانة مش معمولة يجب خصم تمنها من السيارة

[kemo0o]

الأوكتافيا والجيتا ماشيين كتير ، لو ماعندكش مشكلة هات الجيتا
بس السيفيك عدادها أحسن شوية
كمان اتأكد ان الأوكتافيا والجيتا عملوا صيانات ال 60 الف ولا لأ عشان هيبيعوا يخلصوا ، لأنها صيانة غالية ، نفس الصيانة دى فى السيفيك بتعمل تقريبا 6 الاف على ما اعتقد ، فلو الصيانة مش معمولة يجب خصم تمنها من السيارة

صيانة ايه ام 6 الاف دي ؟!!
ليه صيانة طيارة F16 >

[Eng.Geo]

يا شباب
الراجل بيقول اعتبروا العربيات زيرو
يبقي لازم نقارن علي اساس الزيرو لان الحالة هي اللي بتحكم مش الكم
اما بالنسبة للسيفيك فهي من اكتر العربيات اللي بحبها جدا في كل حاجة عربية ممتازة بس فيها عيب خطير وهو ارتفاعها عن الارض لانها بدون مبالغة بتحك في كل المطبات تقريبا
اما الجيتا فيها موتور اضعف بس عامل شغل جامد مع العربية وعربية شبابة ممتازة وان كان السيفيك شبابية اكتر

[Fadi Ezzat]

انا ارشح السيفيك
بس واطية شوية
ماتور اجمد بكتير من الجيتا والاوكتافيا
ثباتها ممتاز
التابلوة بتاعها تحفة فنية جامد جدا فى ما عدا الكاسيت القديم ممكن تبدلة بدى فى دى
مساحتها الداخلية كويسة جدا ولا هيا ضيقة ولا هيا واسعة
نورها عالى اوى
فراملها جيدة
عفشتها ناشفة شويتين
زى الاوكتافيا بردة
بس طبعا العفشة الناشفة بتدى ثبات عالى
كراسيها مريحة اوى انا بحب قعدتها جدا جدا
ال كم بتاعها قليل انت بتقول 30.000 بس
تعتبر كسر زيرو اهى

[fouady]

أنا أعد بال 5 دقايق بفكر و موصلتش لا حاجة ال 3 جامدين قوي بصراحة إنت شوف إنت ميل لا أنهي وهاتها بس ده اللي أقدر اقوله

[Eng.Geo]

أنا أعد بال 5 دقايق بفكر و موصلتش لا حاجة ال 3 جامدين قوي بصراحة إنت شوف إنت ميل لا أنهي وهاتها بس ده اللي أقدر اقوله

5 دقايق بس؟؟؟؟؟؟؟
انا بدون مبالغة قعدت نص ساعة بفكر وبجيبها يمين وشمال :b4_237: عشان اقول بس انهي عربية ومختارتش جيتا الا بعد عناء
بجد انا لما باختار عربية في اي مقارنة كانها ليا
انا عارف ان مفيش حد هيحاسبني علي اللي بقولة في المنتدي بس لو قلت اي حاجة ده في حد ذاته تضليل وربنا يحاسبني عليه