مقارنة بين ثلاثة أنواع : بولو 2001 & أسترا 2001 & لانسر 2000

[elshrpeny]

ممكن يا جماعه الى عنده معلومات عن الفروق الجوهريه والظاهريه والكليه عن الثلاث انواع دول يقولى ايه الفرق بينهم ودا لسببين :

الاول_ وهو انى كنت بفكر بين التلاته دول فعلا لما كنت بفكر أشترى البولو 2001 فعايز اعرف بقى الاسترا والانسر يفرقوا ايه عنها طبعا غير الشنطه والسى سى

الثانى _ تبقى معلومات متوفره فى المنتدى لأى عضو او اى حد دخل على المنتدى ووقع فى الحيره دى برده أو عايز يعرف عن مواصفاتهم وإمكانياتهم او حتى لمجرد المعرفه العامه بالشىء .

وعلى فكره أيام ما كنت بشترى البولو كانوا التلاته تقريبا سعر واحد بس انا فضلت البولو 2001 .

[elshrpeny]

إيه يا جماعه للدرجه دى الموضوع مش مهم طيب على الاقل حد يقولى اى حاجه حتى لو يعرفنى ان السؤال مثلا غلط انه يكتب من الاساس ولا حاجه

[أبو_حمزة]

بص من كلامك كده انت خلاص اشتريت بولو فكده وقت المقارنة فات
أما لو لسه القرار محل البحث فممكن الناس تفيدك

[M.Mostafa80]

داغير أن المقارنه ما تنفعش بين الثلاثه أساسا لأختلاف الفئات كلى وجزئى

[أبو_حمزة]

هو الراجل حطهم سوا على اساس تقارب السعر فبالتالى المقارنة مقبولة لاشتراكهم فى الفئة السعرية
بس نرجع و نقول اللى اشترى ربنا يبارك له فى اختياره ايا كان

[elshrpeny]

بص من كلامك كده انت خلاص اشتريت بولو فكده وقت المقارنة فات
أما لو لسه القرار محل البحث فممكن الناس تفيدك

والله يا اخ صباغ انا فعلا اشتريت والحمد لله وكمان راضى بالاختيار دا برده والحمد لله بس انا عشانى كان حصلى كدا كذا موقف اثناء شرائى ليها وكلام سمعته كتير فأنا عايز اعرف بقى هل فعلا كان كلامهم صح ولا لاء وكمان فعلا عايز أعرف الفرق عشان فرضا لو حد من اصحابى جه يشترى واحده فيهم أعرفه الفرق وكمان فعلا عشان هما تقريبا فى نفس السعر

داغير أن المقارنه ما تنفعش بين الثلاثه أساسا لأختلاف الفئات كلى وجزئى

ميجراش يا سيدى اهو اعرف برده امكانيات كل واحده ايه كلى وجزئى

هو الراجل حطهم سوا على اساس تقارب السعر فبالتالى المقارنة مقبولة لاشتراكهم فى الفئة السعرية
بس نرجع و نقول اللى اشترى ربنا يبارك له فى اختياره ايا كان

بالظبط كدا يا استاذ صباغ هو دا فعلا من اسباب طلبى للمقارنه دى
الله يكرمك وانا فعلا راضى بإختيارى والحمد لله

[أبو_حمزة]

بص يا عزيزى انا ممكن اقارن بين لانسر 99 و بولو 2001 لأنهم عندى انما استرا مليش معاها تجربة
ها اقول لك باختصار بس من غير ما اى حد يزعل عشان حبايبنا هنا بيغيروا على علامة فولكس بشدة
خلاصة تجربتى ان لو اللى بيشترى من محبى السواقة و بيستمتع بيها يبقى بولو
أما لو شخص عملى بشكل بحت يبقى لانسر
بولو تتفوق فى التصميم من الاكصدام للاكصدام
لانسر تتفوق فى جودة الصناعة و الخامات بالذات فى الصالون

فى نقط تفوق اخرى و تفاصيل لكل واحدة بس حبيت اقول رأيى باختصار

[elshrpeny]

خلاصة تجربتى ان لو اللى بيشترى من محبى السواقة و بيستمتع بيها يبقى بولو
أما لو شخص عملى بشكل بحت يبقى لانسر
بولو تتفوق فى التصميم من الاكصدام للاكصدام
لانسر تتفوق فى جودة الصناعة و الخامات بالذات فى الصالون

يعنى انا كدا افهم من كلامك الاتى :

1- ان سواقة البولو ممتعه عن سواقة الانسر
وبالتالى يبقى ماتور البولو اجود و اشد من ماتور الانسر

2- وافهم منك كمان ان البولو مهيش عمليه يعنى مش بتاعة مشاوير جامده وكدا او مش بتاعة شغل مثلا وبالتالى الانسر عكسها

3- ان جودة تصنيع البولو من صاج خارجى للعربيه و خامات بلاستيكيه داخليه الخاص بالتابلوه و الابواب وكمان الفرش اقل من الانسر

4- وأن البولو متوفقه فى التصميم سواء الداخلى او الخارجى فقط لا غير عن الانسر دون جوده


وأخيرا أحب اشكرك يا استاذ sabbagh على رأيك المعتمد على تجربه

[أبو_حمزة]

معلش واضح ان اختصارى كان مخل ووجهة نظرى ما وصلتش صح
انا ها احاول اعمل مقارنة مفصلة بس ها اخد وقت

[M.Mostafa80]

البولو عربيه اعتماديه شبابيه من كل النواحى فى استهلاك وقود حجم مميز مناسب لزحمه القاهره قطع غيار معمره أكثر
الانسر عربيه عائليه محترمه بالنسبه للسوق المصرى من حيث توافر قطع الغيار وأسعارها ولكن يعيب هذا الموديل عدم القبول بي الناس ولذلك تم تغيير الشكل للبومه
الأسترا لم أتمكن من ذكر اى معلومات عنها لعدم خبرتى بها
ولكن البولو فى الثبات أفضل من الانسر وبناء على تجربه وبدون أى تحيز
الانسر أوسع ومناسبه للعائلات أكثر من البولو
الأثنين فى السحب والجرى ما شاء الله عليهم
وأن كان السحب لصالح الانسر فى البدايه نظرا لأرتفاع قوه المحرك
ولكن بعد ذلك السرعه فى صالح البولو
ولو البولو فيها موتور 1600 جى تى أى زى بتاع أخونا الكبير أسامه يبقى حدث ولا حرج ماشاء الله ربنا يباركله فيها

[islamaboelnaga]

ياباشا اللانسر اللى بيتكلم عليها لانسر 99 و دى منتشره جدا اللى حضرتك قصدك عليها اللى هى المكواه من اول 2001 و دى اللى مش منتشره اوى

[elshrpeny]

معلش واضح ان اختصارى كان مخل ووجهة نظرى ما وصلتش صح
انا ها احاول اعمل مقارنة مفصلة بس ها اخد وقت

خلاص يا استاذ sabbagh و انا فى انتظار مقارنتك المفصله وخد وقتك الى انت محتاجه كله وربنا يوفقك ويبارك فيك .

البولو عربيه اعتماديه شبابيه من كل النواحى فى استهلاك وقود حجم مميز مناسب لزحمه القاهره قطع غيار معمره أكثر
الانسر عربيه عائليه محترمه بالنسبه للسوق المصرى من حيث توافر قطع الغيار وأسعارها ولكن يعيب هذا الموديل عدم القبول بي الناس ولذلك تم تغيير الشكل للبومه
الأسترا لم أتمكن من ذكر اى معلومات عنها لعدم خبرتى بها
ولكن البولو فى الثبات أفضل من الانسر وبناء على تجربه وبدون أى تحيز
الانسر أوسع ومناسبه للعائلات أكثر من البولو
الأثنين فى السحب والجرى ما شاء الله عليهم
وأن كان السحب لصالح الانسر فى البدايه نظرا لأرتفاع قوه المحرك
ولكن بعد ذلك السرعه فى صالح البولو
ولو البولو فيها موتور 1600 جى تى أى زى بتاع أخونا الكبير أسامه يبقى حدث ولا حرج ماشاء الله ربنا يباركله فيها

متشكر جدا على ردك ومعلوماتك القيمه يا أستاذ محمد مصطفى والى كمان عن تجربه .
بس كنت اتمنى ان حد يكون عنده معلومات عن الاسترا 2000 او 2001 عشان تبقى المقارنه الى انا عايزها من البدايه تحققت بس برده تشكروا على مجهودكوا دا .

اما بالنسبه لعربية الاستاذ الباشموهندس اسامه ففعلا ربنا يباركله فيها وعقبالنا

[elshrpeny]

يا ترى يا استاذ sabbagh لسه بتعمل مقارنتك المفصله ولا نسيت ؟؟؟؟