ارجو المساعدة من اهل الخبرة بالمنتدى

[bassola]

ارجو المساعدة من اهل الخبرة بالمنتدى
انا هاتجنن بالى 3 شهور بافكر اشترى اية واخيرا انا محتار بين العربيات دى:
seat cordoba
nissan tida
lancer 1600
suzuki sx4
sunny

مع ال علم انا بحب الكوردوبا بس بصراحة كل الناس مخوفانى منها عشان مالهاش سوق وصيانة وقطع غيار غالية وكمان ضيقة

ارجو النصيحة من غير تحيز

[Samir_Adel]

من غير تحيز.. هي المقارنة تولع بين التيدا و اللانسر..
تقفيل محترم و ثبات و كماليات و توكيلات محترمة جدا و قطع غيارها متوفرة في كل حتة و استهلاك وقود منخفض و اما تحب تبيعها تلاقي فلوس فيها.
بالنسبة للصني هي مشكلتها الوحيدة انها متقفلة في مصر! و التقفيل دة هندسة و روح العربية كلة!
بالنسبة للسوزوكي بصراحة اسمع انة اقل درجة في الياباني و تقيلة في بيعها و قطع غيارها و توكيلها معرفش بصراحة!
السيات عربية ممتازة بس مشكلتها انها غير تجارية و لو بعتها حتي بعد 5000 كيلو تخسر فيها و قطع غيارها غير متوفرة و توكيلها بصراحة معرفش!
أنا لو مكانك اركب التيدا بلس.
بالنسبة للمقارنة اللي عملتها انا بعملها من غير تحيز و انا لا املك اي عربية من العربيات دي.. دة مجرد رأي او وجهة نظر.

[bassola]

شكرا يا اخ سمير على النصيحة وهاستنى راى باقى الزملاء

[AHMED REFAT]

اخى العادل ... اولا واخيرا ... يجب ان تعرف ان حين شراء السيارة هناك امور جبرية قد تفرض عليك اختيار سيارة و ترك سيارة وتتمثل هذه الامور فى سعر اعادة البيع ، قوة العرض والطلب على السيارة ، اسعار قطع الغيار ، وعليه تكمن نصيحتى ( السيات الكوردبا : سعر اعادة البيع ضعيف جدا ، والطلب على السيارة معدوم ، وقطع غيار مرتفعة ) رغم انها سيارة ممتازة ولكن خسارتها كبيرة .. حرام
النيسان : تيدا سيارة ممتازة بكل المقاييس يابانية ومعمرة وتوكيل وصيانة محترمين وقطع غيار متوفرة فى التوكيل وفى السوق سعر اعادة البيع مش قوى لا كويس ولا وحش ، الطلب عليها فى ازدياد وبالتالى سيرتفع سعر اعادة البيع .. ستحتل مكانة فى مبيعات هذا العام لان الانظار ابتدت تلتفت اليها بشدة لجودتها . ممتازة
الانسر 1600 : لا غبار فى سعر اعادة البيع ، وقطع الغيار عند البقالين دلوقتى ، الطلب عليها مرتفع ، صفقة رابحة ، بس كفاية بقى شكلها ووجودها بقى اكثر من اللازم .
سوزكى اكس فور : نفس الكلام والتعليق بتاع السيات خسارتها كبيرة ، الطلب عليها ضعيف ، قطع غيار غالية ، لا انصح بها
الصنى : نفس تعليق التيدا فيما عدا انها تقيل مصرى يبقى فى الحالة دى التيدا تتفوق
اخيرا : يبقى يا اما التيدا يا اما اللانسر لكن بصراحة والحق يقال هناك عيوب وهناك مميزات وعليك الاختيار
التيدا : اكثر فخامة واكثر جودة واكثر اتساع ( رهيبة ) ومعمرة اكثر من اللانسر .
اللانسر : اكثر طلبا واسهل بيعا وسعر اعادة البيع اعلى ... نصيحتى فى حالة شراء سيارة للاقتناء وعدم التفكير فى البيع بعد سنتين تلاثة يبقى التيدااااااااااااااااااااااااااااااااااا

[bassola]

شكرا جزيلا يا اخ احمد على اشتراكك وكلامك المقنع
انا دلوقتى بافكر اشترى التيدا

[AHMED REFAT]

لا شكر على واجب اخى الفاضل .. اسال الله ان يوفق الى كل ما يحب ويرضى ان شاء الله

[احمدعبدالعزيز]

بصراحه انا افضل الانسر 1600 عربيه ممتازه

[bishoy02010]

لانسر 1600

[AHMED REFAT]

بصراحه انا افضل الانسر 1600 عربيه ممتازه

طبعا لاباس بها كما قلت ولكن الاختيار بالنسبة للمشترى سيكون قرار شخصى بحت
اذا كان : يريد سيارة عملية وسعر اعادة البيع عالى والطلب عليها عالى بحيث عند البيع لا تاخذ معه الا يومين ثلاثة تبقى اللانسر
اذا كان : يريد شراء سيارة عملية للاقتناء وليس فر رغبته البيع القريب الا فى حالة طوارئ لا قدر الله ويتمنى عربية معمرة وقوية ونسبة اعتمادية مرتفعة تبقى التيدا ولا مجال للنقاش خاصة بعد التعيدلات التى دخلت على مقدمة السيارة فجعاتها كثر جمالا مما مضى . والقرار يعود الى المشترى فى هذه النقطة ... وفقك الله الى ما يحب ويرضى ان شاء الله

[bassola]

شكرا يا جماعة انا خلاص رسيت على ال تيدا بمشيئة الله

[AHMED REFAT]

شكرا يا جماعة انا خلاص رسيت على ال تيدا بمشيئة الله

ونعم الاختيار ... مبارك مقدما ان شاء الله .. وفقك الله الى ما يحب ويرضى ان شاء الله . مبروك

[hassanhelal]

بارك الله فيك يا اخ احمد

[Ghost2]

التيدا صالون واسع بشكل غير طبيعي .. تصميم خارجي لا يتميز بالجمال الي حد ما .. موتور معقول واستهلاك بنزين معقول .. توكيل السبع توكيل محترم .. بس سعر اعادة بيع مش كويس ..نفس الشئ للكوردوبا .. اللانسر تكنولوجيا قديمة بس شغاله لكن عربية ستاندرد .. بحس ان صالونها فقير.. الصني عربية عادية جدا جدا جدا بس بصراحة انا مش بحبها ودي ازواق بس انا ارشح التيدا



ملحوظة : اختياري لسيارة معينة لا يقلل من السيارات الاخرى في اي شئ