الكارينز -الماتركس-افانزا

[lotfymohamed]

الاخوه الاعضاء بالمنتدى نرجوا مشاركه موضوعيه في المقارنه بين الانواع الثلاثه

[lotfymohamed]

ايه يا جماعه 9 يعدو من غير ولا كلمه رد طب ارمي السلام ياعم

[Hosam_Optrawy]

كارينز

أوسعهم

أفضلهم شكلا

أقوى موتور

تقفيل ممتاز كورى 100 %

توكيل محترم ضمان 5 سنين او 100 الف

[momopersona]

1-كارينز بس مانوال
2- افانزا 1500
3- ماتريكس

[dr-mohamed]

راي واحد مش خبير
الكارينز هموت عليها نحفة لسة شايفين منها النهاردة حوالى 30 عرية الوان مختلفة على شاحنات في اكتوبر

[KSA2011]

الكارينز اقواهم وافخمهم

[lotfymohamed]

شكرا للردود و لكن اتمنى من ناحية السعر الزيرو او مستعمل اعادة البيع قوة الماتور
بصراحه انا معايا سريون اتوماتك 1500 سيسي وبفكر في حاجه اكبر عائليه علشان عندي اولاد ولما بنتحرك بحاجاتهم بتكون مشكله لان السرين شنطتها صغيره و بنطر نحط الحاجه جنب الولاد في الكنبه الورانيه
انا معجب بالكيا كارينز بس حاسس ان سعرها عالي شويه كمان التويتا افانزا حلوه اوي بس مش عارف ليه مش واخده حقها في الدعايه لو حد معاه العربيه يكلمنا عنها
كمان اهم حاجه في المقارنه استهلاك البنزين ايه لان السريون بتاكل شويه
في انتظار الردود

[Hosam_Optrawy]

شكرا للردود و لكن اتمنى من ناحية السعر الزيرو او مستعمل اعادة البيع قوة الماتور
بصراحه انا معايا سريون اتوماتك 1500 سيسي وبفكر في حاجه اكبر عائليه علشان عندي اولاد ولما بنتحرك بحاجاتهم بتكون مشكله لان السرين شنطتها صغيره و بنطر نحط الحاجه جنب الولاد في الكنبه الورانيه
انا معجب بالكيا كارينز بس حاسس ان سعرها عالي شويه كمان التويتا افانزا حلوه اوي بس مش عارف ليه مش واخده حقها في الدعايه لو حد معاه العربيه يكلمنا عنها
كمان اهم حاجه في المقارنه استهلاك البنزين ايه لان السريون بتاكل شويه
في انتظار الردود

لو السيريون بالنسبه لك بتاكل بنزين يبقى ولا واحده من دول ينفعوك

لان الكارينز والماتريكس 1600 والافانزا 1500 يعنى استهلاكهم للبنزين هايكون أكبر او على الاقل زى السيريون

عموما مادام يهمك المساحه والشنطه اعتقد الكارينز تتفوق عليهم فى النقطه دى بوضوح

[monmonmon]

لو انا بشترى كأفضلية من ناحية الوسع و الثبات يبقى
1- كارينز
2- ماتريكس
3- افانزا ممكن مفكرش فيها اصلا لان مواصفاتها وحشه جدااا عربية عاليه جداااا و مش عريضه.. عرضها 1630 مم و ارتفاعها 1695 مم و كمان خفيفه اوى لو بصيت على فئة البيكانتو و ال i10 هتلاقي ابعادهم من ناحية العرض و المسافة بين العجلات زيها و فى عربيات اعرض منها زى السيريون.. رغم ان فيها وسائل امان و هى تجميع اندونيسى علشان كده مش غاليه اوى


اما لو من حيث قيمة مقابل السعر و احتفاظ العربية بسعرها عند اعادة البيع و قطع غيار ارخص يبقى ماتريكس افضلهم

و ربنا يوفق انا معايا ماتريكس مانيوال لو ليك استفسار
بس انا معايا كورى 2007 عامله 73000 كم و زى الفل الحمد لله لكن سمعت ان الجديدة فيها مشاكل معرفش مدى صحة المعلومة دى!!! لو هتشترى زيرو اتأكد
بس انا اعرف واحده معاها 2008 اوتو تجميع تركى زى الفل بس ممشيتش غير 8000 كم او اقل

[M.ABDEEN]

كارينز

[msaad701]

ألأفضل إنك تجرب قيادة الثلاثة

أنا معي ماتركس أوتوماتيك كوري مو 2005 وعاملة 123000 كم والحمد لله أنا مبسوط منها جدا ولما ركبت الكارنز وسقتها أعذرني لم استمتع بقيادتها أبدا وحسيت بفرق خصوصا في العفشة ، والباور مش طبيعي والتحكم ليس مثل الماتركس وصدقني لما نزلت منها وركبت عربيتي الماتركس حسيت بقيمة الماتركس ، وبالنسبة للمساحة الداخلية فصدقني الماتركس فيها إمكانية ضبط المساحات الداخلية بأوضاع مختلفة ولم أصادف مشكلة أبدا في تحميل اي كمية من الأمتعة وهي سيارة رائعة من وجهة نظري والخامات الداخلية والخارجية كلها جيدة جدا وقطع غيارها موجودة ومتوفرة وبالنسبة لغبور فالصيانة كانت زمان جيدة ولكن الآن ليست على المستوى المطلوب ولكن اذا كتبت شكوي محترمة فستجد الاهتمام المطلوب وستجد المعاملة أفضل كثيرا وللأسف هو ده الأسلوب اللي نفع معاهم
أما الأفانزا فمع احترامنا لتويوتا فإن موضوع التصنيغ في أندونيسيا ده خلى شكل العربية وخاماتها غير مريحة وغير مرغوبة ولكني لم أجربها ويستحسن أن تسمع ممن جربها
ومبروك مقدما